നഖത്തിലെ വെളുത്ത പാട് കൂടുന്നുവോ, മുന്നറിയിപ്പാണത്

ചെറിയ ചന്ദ്രക്കല

നിങ്ങളുടെ കൈയ്യിലെ ചന്ദ്രക്കല ചെറുതാണെങ്കില്‍ ഇത് നിങ്ങളില്‍ കുറഞ്ഞ രക്തസമ്മര്‍ദ്ദം ഉണ്ടെന്നതാണ് സൂചിപ്പിക്കുന്നത്. മാത്രമല്ല നിങ്ങളിലെ രോഗപ്രതിരോധ ശേഷി വളരെ കുറവാണ് എന്നതാണ് സൂചിപ്പിക്കുന്നത്. കൂടാതെ വളരെ താഴ്ന്ന മെറ്റബോളിസം, അയേണിന്റെ അളവ് ശരീരത്തില്‍ കുറവ് എന്നിവയാണ് ഇതിലൂടെ സൂചിപ്പിക്കുന്നത്. ശ്രദ്ധിക്കേണ്ടത് നഖത്തിലെ ചന്ദ്രക്കല നഖത്തില്‍ നിന്നും വളരെയധികം വിട്ടു നില്‍ക്കുന്നുണ്ടോ എന്നതാണ്. ഇതിനര്‍ത്ഥം നിങ്ങളില്‍ പ്രമേഹത്തിനുള്ള സാധ്യതയും ഉണ്ട് എന്നതാണ്. അതുകൊണ്ട് ഇതെല്ലാം ഡോക്ടറെ കാണുമ്പോഴും വളരെയധികം ശ്രദ്ധയോടെ കൈകാര്യം ചെയ്യേണ്ട കാര്യങ്ങളില്‍ ഒന്നാണ്.

ചന്ദ്രക്കല കാണുന്നില്ലെങ്കില്‍

നിങ്ങളുടെ നഖത്തില്‍ ചന്ദ്രക്കല കാണുന്നില്ലെങ്കില്‍ അതും ശ്രദ്ധിക്കാം. എന്നാല്‍ കുട്ടികളുടെ കൈയ്യില്‍ ഇത്തരത്തിലുള്ള ചന്ദ്രക്കല കാര്യമായി കാണുകയില്ല. എന്നാല്‍ മുതിര്‍ന്നവരിലും ഇത്തരം ചന്ദ്രക്കല കാണുന്നില്ലെങ്കില്‍ അതിനര്‍ത്ഥം നിങ്ങളില്‍ വിറ്റാമിന്‍ ബി12, അയേണ്‍ കുറവ് എന്നിവയുടെ ലക്ഷണമാണ്. ഇത്തരത്തില്‍ ചന്ദ്രക്കലയില്ലാത്ത അവസ്ഥ കാണുന്നുണ്ടെങ്കില്‍ വിറ്റാമിന്‍ ബി 12. അല്ലെങ്കില്‍ ഇരുമ്പ് കൂടുതല്‍ അടങ്ങിയ ഭക്ഷണം കഴിക്കാന്‍ ശ്രദ്ധിക്കണം. മാത്രമല്ല അനീമിയ പോലുള്ള അവസ്ഥകള്‍ ഇതിന്റെ ലക്ഷണമാണ്. അതുകൊണ്ട് തന്നെ ഇത് ഇത്തരം പ്രതിസന്ധികള്‍ക്ക് പരിഹാരം കാണുന്നതിന് സഹായിക്കുന്നു.

വലിയ ചന്ദ്രക്കല

വലിയ ചന്ദ്രക്കല നിങ്ങളുടെ നഖത്തില്‍ ഉണ്ടെങ്കില്‍ നിങ്ങളുടെ ഹൃദയത്തിന്റെ അവസ്ഥ അല്‍പം പ്രതിസന്ധിയില്‍ ആണ് എന്നതാണ് സൂചിപ്പിക്കുന്നത്. കുറഞ്ഞ രക്തസമ്മര്‍ദ്ദം, ഹൃദയസംബന്ധമായ പ്രശ്‌നങ്ങള്‍, ഹൃദയമിടിപ്പിലെ തകരാറുകള്‍ എന്നിവ സൂചിപ്പിക്കുന്നതാണ് ഇത്. പലപ്പോഴും സ്‌പോര്‍ട്‌സുമായി ബന്ധപ്പെട്ട വ്യക്തികളുടെ നഖത്തിലെ ചന്ദ്രക്കല വലുതായിരിക്കും. ഇവരില്‍ സ്‌ട്രെസ്സും ഹൃദയമിടിപ്പും വളരെ കൂടുതലാണ്. അതുകൊണ്ട് തന്നെ ഇത്തരം ചന്ദ്രക്കല കാണുന്നവര്‍ അല്‍പം ശ്രദ്ധിക്കണം.

ചന്ദ്രക്കലയുടെ നിറം

ചിലരില്‍ ചന്ദ്രക്കലയുടെ നിറം നോക്കിയാല്‍ ആരോഗ്യത്തിന്റെ അവസ്ഥ മനസ്സിലാക്കാന്‍ സാധിക്കും. ആരോഗ്യ പ്രശ്‌നങ്ങള്‍ കൂടുതലുള്ളവരില്‍ ഇത്തരത്തില്‍ ചന്ദ്രക്കലയുടെ നിറം വളരെ വ്യത്യസ്തമായിരിക്കും. എന്തൊക്കെയാണ് ഇത്തരത്തില്‍ വ്യത്യസ്ത നിറമുള്ള ചന്ദ്രക്കല സൂചിപ്പിക്കുന്നത് എന്ന് നോക്കാം. ഓരോ നിറത്തിലുള്ള ചന്ദ്രക്കലയെക്കുറിച്ച് നോക്കാം.

ഗ്രേ നിറത്തിലുള്ള ചന്ദ്രക്കല

ഗ്രേ നിറത്തിലുള്ള ചന്ദ്രക്കലയാണ് നിങ്ങളുടെ നഖത്തിലുള്ളതെങ്കില്‍ നിങ്ങളില്‍ അമിത ക്ഷീണവും ദഹന പ്രശ്‌നങ്ങളും ഉണ്ടെന്നതിന്റെ സൂചനയാണ്. അതുകൊണ്ട് ഇത്തരം കാര്യങ്ങള്‍ വളരെയധികം ശ്രദ്ധിക്കേണ്ടത് അത്യാവശ്യമാണ്. ഇത്തരം കാര്യങ്ങള്‍ ശ്രദ്ധിച്ചില്ലെങ്കില്‍ അത് പിന്നീട് കൂടുതല്‍ പ്രശ്‌നങ്ങള്‍ ഉണ്ടാക്കുന്നു.

വെള്ള നിറത്തിലുള്ള ചന്ദ്രക്കല

നിങ്ങളില്‍ വെള്ള നിറത്തിലുള്ള ചന്ദ്രക്കല ആണെങ്കില്‍ അത് സാധാരണമായ ഒന്നാണ്. നിങ്ങള്‍ ആരോഗ്യകരമാണ് എന്നതാണ് ഇതിലൂടെ സൂചിപ്പിക്കുന്നത്. ചര്‍മ്മത്തിന്റെ നിറത്തേക്കാള്‍ വെളുത്ത നിറം കൊണ്ട് നിറഞ്ഞിരിക്കുന്നതാണ് ഇത്തരത്തിലുള്ള ആരോഗ്യകരമായ ചന്ദ്രക്കല കൊണ്ട് വ്യക്തമാക്കുന്നത്.

പര്‍പ്പിള്‍ നിറത്തിലുള്ള ചന്ദ്രക്കല

പര്‍പ്പിള്‍ നിറത്തിലുള്ള ചന്ദ്രക്കല നിങ്ങളുടെ നഖത്തിലുണ്ടെങ്കില്‍ നിങ്ങളുടെ ശരീരത്തില്‍ രക്തത്തിന്റെ അളവ് കുറവാണ് എന്നാണ് സൂചിപ്പിക്കുന്നത്. മാത്രമല്ല രക്തത്തില്‍ ഓക്‌സിജന്റെ അളവ് കുറയുന്നു എന്നതാണ് ഇതിലൂടെ സൂചിപ്പിക്കുന്നത്. ഇതിന്റെ ഫലമായി പലപ്പോഴും നിങ്ങളില്‍ ക്ഷീണവും തലവേദനയും ഉണ്ടാവുന്നു. ഇത് എന്തുകൊണ്ടും ശ്രദ്ധിക്കപ്പെടേണ്ടതാണ്. അതുകൊണ്ട് തന്നെ ഇത്തരത്തിലുള്ള പ്രതിസന്ധികള്‍ കണ്ടെത്തുന്നതിന് ഡോക്ടറുടെ സഹായം തേടേണ്ടത് അത്യാവശ്യമാണ്.

പിങ്ക് നിറത്തിലുള്ള ചന്ദ്രക്കല

പിങ്ക് നിറത്തിലുള്ള ചന്ദ്രക്കല നിങ്ങളില്‍ ഫിസിക്കല്‍ ആക്റ്റിവിറ്റികള്‍ കുറവാണ് എന്നതാണ് സൂചിപ്പിക്കുന്നത്. മാത്രമല്ല ഇതിലൂടെ ശ്വാസകോശസംബന്ധമായ പ്രശ്‌നങ്ങള്‍ ഉണ്ടാവുന്നു എന്നും ഇതിലൂടെ നമുക്ക് മനസ്സിലാക്കാന്‍ സാധിക്കും. അതുകൊണ്ട് തന്നെ ഇടക്ക് ഇത്തരം കാര്യങ്ങള്‍ ഒന്ന് ശ്രദ്ധിക്കുന്നത് നല്ലതാണ്. ഇത് നിങ്ങളുടെ ആരോഗ്യത്തെക്കുറിച്ച് വളരെയധികം ഗുരുതരമായി ചിന്തിക്കേണ്ട അവരസ്ഥയില്‍ എത്തി എന്ന് അറിയണം.

കറുപ്പ് നിറത്തിലുള്ള ചന്ദ്രക്കല

കറുപ്പ് നിറത്തിലുള്ള ചന്ദ്രക്കല അധികം ആരിലും കാണപ്പെടുന്നതല്ല. ഇത് ഉണ്ടെങ്കില്‍ തന്നെ വളരെയധികം അപകടം നിറഞ്ഞതാണ് എന്നതാണ് അറിയേണ്ടത്. ഇത് നിങ്ങളുടെ ശരീരത്തില്‍ വളരെയധികം വിഷാംശം അടങ്ങിയിരിക്കുന്നു എന്നതാണ് സൂചിപ്പിക്കുന്നത്. അതുകൊണ്ട് തന്നെ ഇത്തരത്തിലുള്ള പ്രതിസന്ധികള്‍ കണ്ടാല്‍ അത് വളരെയധികം ശ്രദ്ധിക്കണം.