Just In
- 12 min ago കൂടെയുള്ളത് കുബേരനാണ്, മഹാരാജയോഗം തുടങ്ങിക്കഴിഞ്ഞു ഈ രാശിക്ക്
- 1 hr ago Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം
- 2 hrs ago നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള്
- 2 hrs ago സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള്
Don't Miss
- Movies റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ
- News ഈ രാശിക്കാർക്ക് കര്മ്മപുഷ്ടിയും സാമ്പത്തികനേട്ടവും, ദൂരയാത്രകള് ആവശ്യമായി വരും, രാശിഫലം
- Automobiles 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
മുട്ടുവേദന മാറാന് പുതിനയും മുളകും
മുട്ടുവേദന പലരേയും അലട്ടുന്ന ആരോഗ്യപ്രശ്നമാണ്. പ്രധാനമായും എല്ലുതേയ്മാനം തന്നെയാണ് ഇതിനു കാരണമാകാറ്. പ്രത്യേകിച്ചും പ്രായം കൂടുമ്പോള് സ്ത്രീ പുരുഷ ഭേദമന്യേ പലരേയും ബാധിയ്ക്കുന്ന ഒന്നാണിത്.
സ്ത്രീകള്ക്കാണ് പുരുഷന്മാരേക്കാളും മുട്ടുവേദനയുണ്ടാകാനുള്ള സാധ്യത. മെനോപോസിനു ശേഷം ഈ സാധ്യത കൂടുതലുമാണ്. ഇതിനുളള പ്രധാന കാരണം ഈസ്ട്രജന് ഹോര്മോണില് വരുന്ന കുറവാണ്.
എല്ലുതേയ്മാനവും എല്ലുകളുടെ ബലക്കുറവുമെല്ലാം കാല്സ്യം കുറവു കൊണ്ടുതന്നെയാണ് പ്രധാനമായും സംഭവിയ്ക്കുന്നത്. കാല്സ്യം ആവശ്യത്തിനു ശരീരത്തിലുണ്ടെങ്കില്ത്തന്നെ വൈററമിന് ഡി കുറവാണെങ്കില് ഈ കാല്സ്യം ശരീരത്തിന് വേണ്ട രീതിയില് ആഗിരണം ചെയ്യാന് സാധിച്ചുവെന്നും വരില്ല.
കാല്സ്യമടങ്ങിയ ഭക്ഷണങ്ങള് കഴിയ്ക്കുകയെന്നതാണ് പ്രധാന വഴി. മുട്ടിനെ ശക്തിപ്പെടുത്താനുളള വ്യായാമങ്ങളും പ്രധാനപ്പെട്ടവയാണ്.
1 സ്പൂണ് ഉലുവയില് മുഖത്തെ ചുളിവു പോകും
മുട്ടുവേദനയ്ക്ക് ഉടനടി പരിഹാരം നല്കാന് കഴിയുന്ന ചില പ്രത്യേക വീട്ടുവൈദ്യങ്ങളുണ്ട്. ഒറ്റമൂലികളെന്നു പറയാം. ഇവയെക്കുറിച്ചറിയൂ,
മുളകുപൊടി
മുളകുപൊടി കൊണ്ടു പെട്ടെന്നു തന്നെ മുട്ടുവേദനയ്ക്കു ശമനമുണ്ടാക്കാന് സാധിയ്ക്കും. ഒരു പ്രത്യേക രീതിയില് ഇതുപയോഗിയ്ക്കണമെന്നു മാത്രം.
മുളകുപൊടി, ആപ്പിള് സിഡെര് വിനെഗര്, ഇഞ്ചി
മുളകുപൊടി, ആപ്പിള് സിഡെര് വിനെഗര്, ഇഞ്ചി എന്നിവയാണ് ഇതിനു വേണ്ടത്. 2 ടേബിള്സ്പൂണ് മുളകുപൊടി ഒരു കപ്പ് ആപ്പിള് സിഡെര് വിനെഗറില് കലര്ത്തുക. ഇതിലേയ്ക്ക് ഒരു കഷ്ണം ഇഞ്ചിയരച്ചു ചേര്ക്കുക. ആപ്പിള് സിഡെര് വിനെഗറിനു പകരം സാധാരണ വിനെഗറോ ഒലീവ് ഓയിലോ ഉപയോഗിയ്ക്കാം. എല്ലാം നല്ലപോലെ ചേര്ത്തിളക്കി മുട്ടില് തേച്ചു പിടിപ്പിച്ച് അല്പം കഴിയുമ്പോള് കഴുകാം. രണ്ടു തവണ വീതം ദിവസവും ഇതു ചെയ്താല് മുട്ടുവേദയ്ക്കു പെട്ടെന്നു ശമനം ലഭിയ്ക്കും.
ഓട്സ്
ഒാട്സ് ഉപയോഗിച്ചും ഒരു ഒറ്റമൂലിയുണ്ട്. ഇത് ഉള്ളിലേയ്ക്കു കഴിയ്ക്കാനുളളതാണ്. ഒരു കപ്പ് ഓട്സ് വെള്ളത്തിലിട്ടു വേവിയ്ക്കുക. ഇത് തണുക്കുമ്പോള് മിക്സിയിലിട്ട് ഇതിലേയ്ക്ക് ഒരു കപ്പ് ഓറഞ്ച് ജ്യൂസ്, ഒരു സ്പൂണ് കറുവാപ്പട്ട പൊടിച്ചത്, രണ്ടു കപ്പു പൈനാപ്പിള് മുറിച്ചത്, അരക്കപ്പ് ബദാം, തേന് എന്നിവയെല്ലാം ചേര്ത്തടിച്ചെടുക്കുക. ഇത് ഫ്രിഡ്ജില് സൂക്ഷിയ്ക്കാം. ദിവസവും ഇതു കുടിയ്ക്കുന്നത് ആശ്വാസം നല്കും.
പുതിനയില
പുതിനയില മുട്ടുവേദനയും സന്ധിവേദനയുമെല്ലാം മാറാനുള്ള നല്ലൊരു വഴിയാണ്. പുതിനയില തീയില് വാട്ടിയെടുത്ത് മുട്ടില് വയ്ക്കുക. ഇത് അല്പസമയം കഴിയുമ്പോള് മാറ്റാം. ഇതു ദിവസവും പല തവണ ചെയ്യുന്നത് ഗുണം നല്കും.
എരിക്ക്
നമ്മുടെ പറമ്പുകളിലോ റോഡരികിലോ കാണുന്ന ഒരു സസ്യമുണ്ട്. എരിക്ക്. വെളുത്ത പശ വരുന്ന ഒരിനം സസ്യം. ഈ എരിക്കിന്റെ ഇലകള് വെള്ളത്തിലിട്ടു തിളപ്പിച്ച് ഈ വെള്ളത്തില് തുണി മുക്കിപ്പിഴിഞ്ഞ് മുട്ടിലോ സന്ധിവേദനയുളളിടത്തോ വയ്ക്കുക. ഇത് വേദന പെട്ടെന്നു ശമിപ്പിയ്ക്കാന് സഹായിക്കും.
ഉലുവ
അടുക്കളയിലെ രുചിക്കൂട്ടായ ഉലുവയും മുട്ടുവേദനയ്ക്കു പെട്ടെന്നു പരിഹാരം നല്കുന്ന ഒന്നാണ്. ഉലുവ രാത്രി വെള്ളത്തിലിട്ടു വയ്ക്കുക. രാവിലെ വെറുംവയറ്റില് ഈ വെള്ളം കുടിയ്ക്കുന്നത് ഏറെ നല്ലതാണ്.
കടുകെണ്ണയും വെളുത്തുള്ളിയും
കടുകെണ്ണയും വെളുത്തുള്ളിയും കലര്ന്ന മിശ്രിതവും മുട്ടുവേദയില് നിന്നും ഉടനടി പരിഹാരം നല്കും. കടുകെണ്ണയില് വെളുത്തുള്ളി ചതച്ചിട്ടു ചൂടാക്കുക. ഇത് മുട്ടില് പുരട്ടുക. അല്പം കഴിഞ്ഞ് ചൂടുവെളളത്തില് മുക്കിപ്പിഴിഞ്ഞ തുണി ഇതിനു മുകളിലിടുക. ഇതും അടുപ്പിച്ച് അല്പദിവസം ചെയ്യുക.
ചെറുനാരങ്ങ
ചെറുനാരങ്ങ ചെറിയ കഷ്ണങ്ങളാക്കി തുണിയില് കിഴി കെട്ടി എള്ളെണ്ണയില് 10 മിനിറ്റു നേരം വയ്ക്കുക. പിന്നീട് ഇതെടുത്ത് മുട്ടില് വയ്ക്കാം. ഇതും മുട്ടുവേദനയില് നിന്നും സംരക്ഷണം നല്കും.
ചില പ്രത്യേക ഭക്ഷണങ്ങള്
ചില പ്രത്യേക ഭക്ഷണങ്ങള്, മുരിങ്ങയില, മുരിങ്ങാക്കാ, എള്ള്, മുതിര, വെണ്ടയ്ക്ക, മത്തന് പഞ്ഞപ്പുല്ല് എന്നിവയെല്ലാം മുട്ടുവേദനയുള്ളവര് ഭക്ഷണത്തില് ഉള്പ്പെടുത്തുന്നത് ഏറെ നല്ലതാണ്.
ആയുര്വേദത്തില്
ആയുര്വേദത്തില് കര്പ്പൂരാദി തൈലം, ധന്വന്തരം കുഴമ്പ് എന്നിവയിട്ട് മുട്ടില് പതിയെ ഉഴിയുന്നതും ഗുണം നല്കുന്ന ഒന്നാണ്.