അസിഡിറ്റി ഇനി ഒരു പ്രശ്‌നമേ ആവില്ല

കരിംജീരകം

കരിംജീരകം കഷായം വച്ച് വെളുത്തുള്ളി നീര് ചേര്‍ത്ത് കഴിക്കുക. ഇതും അസിഡിറ്റിയെ എന്നന്നേക്കുമായി ഇല്ലാതാക്കാന്‍ സഹായിക്കുന്നു. പല വിധത്തിലുള്ള ആരോഗ്യ പ്രശ്‌നങ്ങള്‍ക്കും പരിഹാരം കാണാന്‍ കരിംജീരകം സഹായിക്കുന്നു.

മുന്തിരി

മുന്തിരി ദിവസവും കഴിക്കുന്നത് നല്ലതാണ്. ദഹനസംബന്ധമായ പ്രശ്‌നങ്ങള്‍ക്കെല്ലാം പരിഹാരം കാണാന്‍ സഹായിക്കുന്നു മുന്തിരി. ദിവസവും കിടക്കാന്‍ നേരത്ത് മുന്തിരി അല്‍പം കഴിക്കാം. എന്നാല്‍ ഇനി ഇത്തരത്തിലുള്ള എല്ലാ പ്രശ്‌നങ്ങള്‍ക്കും പരിഹാരം കാണുന്നു.

വെണ്ണ

വെണ്ണ ഉപ്പുവെള്ളത്തില്‍ ഇട്ടുവയ്ക്കുക. ഈ വെണ്ണ പിറ്റേന്ന് പിഴിഞ്ഞ് വെള്ളം കളഞ്ഞശേഷം കഴിക്കുക. നെഞ്ചെരിച്ചില്‍ ശമിക്കും. എല്ലാ വിധത്തിലുള്ള ദഹന സംബന്ധമായ പ്രശ്‌നങ്ങള്‍ക്കും പരിഹാരം കാണാന്‍ സഹായിക്കുകയും ചെയ്യുന്നു.

പാല്‍

കാല്‍സ്യത്താല്‍ സമ്പുഷ്ടമായ പാല്‍ വയറ്റിലെ അമിതമായ ആസിഡിനെ ആഗിരണം ചെയ്യാന്‍ കഴിവുള്ളതാണ്. അതുപോലെ തന്നെ തണുത്ത പാലിന് എരിച്ചില്‍ കുറയ്ക്കാനും കഴിവുണ്ട്. പഞ്ചസാര പോലുള്ളവയൊന്നും ചേര്‍ക്കാതെ വേണം തണുത്ത പാല്‍ കുടിയ്ക്കാന്‍. പാലില്‍ ഒരു സ്പൂണ്‍ നെയ്യ് കൂടിച്ചേര്‍ത്താല്‍ മികച്ച ഫലം കിട്ടും.

തുളസി

ദഹനത്തെ സഹായിക്കുന്ന ഘടകങ്ങള്‍ തുളസിയില്‍ അടങ്ങിയിട്ടുണ്ട്. വയറ്റിലെ പെപ്റ്റിക് ആസിഡിന്റെ ശക്തി കുറയ്ക്കുന്നതിനാല്‍ അമിതമായ അസിഡിറ്റിയും, വയറ്റില്‍ ഗ്യാസുണ്ടാവുന്നതും തടയാന്‍ തുളസി ഉത്തമമാണ്. ഭക്ഷണശേഷം അഞ്ചോ ആറോ ഇല തുളസി കഴിക്കുന്നത് ഫലം നല്കും.

തേന്‍ വെള്ളത്തില്‍

അല്‍പം തേന്‍ വെള്ളത്തില്‍ ചാലിച്ച് നാരങ്ങ നീര് മിക്‌സ് ചെയ്ത് കിടക്കാന്‍ നേരത്ത് കുടിക്കാവുന്നതാണ്. ഇത് ഇത്തരം പ്രശ്‌നങ്ങള്‍ക്കെല്ലാം പരിഹാരം കാണാന്‍ സഹായിക്കുന്നു.

കറ്റാര്‍വാഴ

കറ്റാര്‍വാഴ അസിഡിറ്റി കുറയ്ക്കുന്ന മറ്റൊരു വസ്തുവാണ്.ഇതിന്റെ ജ്യൂസ് കുടിയ്ക്കുന്നത് ഗുണം ചെയ്യും. അതുകൊണ്ട് തന്നെ ദഹനസംബന്ധമായ എല്ലാ പ്രശ്‌നങ്ങള്‍ക്കും പരിഹാരവും നല്‍കുന്നു.

പെരും ജീരകം

പെരും ജീരകം ഏറെ ഗുണങ്ങളുള്ളതാണ്. മികച്ച ദഹനം, മലബന്ധത്തില്‍ നിന്ന് മുക്തി എന്നിവയ്ക്ക് ഉത്തമമാണിത്. ഹോട്ടലുകളിലും മറ്റും ഭക്ഷണ ശേഷം പെരുഞ്ചീരകം നല്‍കുന്നത് ഭക്ഷണശേഷമുണ്ടാകുന്ന അസിഡിറ്റി പരിഹരിക്കാനാണ്.

ചെറുനാരങ്ങ നീര്

വൈകുന്നേരം ചെറുനാരങ്ങാനീര് കഴിക്കുന്നത് ഇത്തരം പ്രശ്‌നങ്ങള്‍ക്ക് പരിഹാരം കാണാം. ഇത് അസിഡിറ്റി പോലുള്ള പ്രതിസന്ധികളെ എല്ലാം ഇല്ലാതാക്കാന്‍ സഹായിക്കുന്നു. ഭക്ഷണ ശേഷം ചെറു നാരങ്ങ നീര് കഴിക്കാവുന്നതാണ്. ഇത് എല്ലാ വിധത്തിലും അസിഡിറ്റിയില്‍ നിന്ന് പരിഹാരം കാണാന്‍ സഹായിക്കുന്നു.

കറിവേപ്പില

കറിവേപ്പില അരച്ചെടുത്ത് നെല്ലിക്ക വലുപ്പത്തില്‍ പാലിന്റെ കൂടെ രാവിലെ കഴിക്കുക. ഇതും അസിഡിറ്റിയെ ഇല്ലാതാക്കാന്‍ സഹായിക്കുന്ന കാര്യത്തില്‍ മുന്നിലാണ്. ദഹനസംബന്ധമായ എല്ലാ പ്രശ്‌നങ്ങള്‍ക്കും പരിഹാരം കാണാന്‍ സഹായിക്കുന്നു.