വെറുംവയറ്റില്‍ ചൂടുനാരങ്ങാവെള്ളം 1 മാസം കുടിയ്ക്കൂ

തടിയും വയറും കുറക്കാന്‍ ചില എളുപ്പ വഴികള്‍ | Boldsky Malayalam

മലബന്ധം

മലബന്ധം കൊണ്ടു ബുദ്ധിമുട്ടുന്നവര്‍ക്കു പറ്റിയ നല്ലൊരു പരിഹാരമാണ് വെറുവയറ്റില്‍ നാരങ്ങാവെള്ളം കുടിയ്ക്കുന്നത്. ഇത് കുടലിന്റെ പ്രവര്‍ത്തനെ സുഖകരമാക്കും. ദഹനപ്രക്രിയ ശക്തിപ്പെടുത്തും. ഗ്യാസ്, അസിഡിറ്റി പ്രശ്‌നങ്ങള്‍ പരിഹരിയ്ക്കും. നാരങ്ങയില്‍ സിട്രിക് ആസിഡുണ്ടെങ്കിലും ഇത് വയറിനെ ആല്‍ക്കലൈന്‍ മീഡിയമായി നില നിര്‍ത്തും. ഇതുകൊണ്ടുതന്നെ വയറിലുണ്ടാകുന്ന അമ്ലരൂപീകരണം തടയും.

കൊളസ്‌ട്രോള്‍

കൊളസ്‌ട്രോള്‍ കുറയ്ക്കാന്‍ നാരങ്ങ ഏറെ നല്ലതാണ്. ഇത് ഈ രീതിയില്‍ ചൂടുവെള്ളത്തില്‍ കലക്കി കുടിയ്ക്കുമ്പോള്‍ പ്രത്യേകിച്ചും. ഇത് രക്തധമനികളില്‍ അടിഞ്ഞു കൂടുന്ന കൊളസ്‌ട്രോള്‍ നീക്കുന്നു. രക്തപ്രവാഹം സുഗമമായി നടത്തി ഹൃദയാരോഗ്യത്തെ സംരക്ഷിയ്ക്കുന്നു. ഇതിലെ പൊട്ടാസ്യം ബിപി പ്രശ്‌നങ്ങള്‍ കുറയ്ക്കുന്നു. ഇതുവഴിയും ഹൃദയാരോഗ്യത്തിന് നല്ലതാണ.്

പ്രതിരോധശക്തി

ശരീരത്തിലെ അമ്ലത്തിന്റെ അളവ് കൂടുമ്പോൾ ശരീരത്തിന്റെ പ്രതിരോധശക്തി കുറയുകയും രോഗത്തിന് അടിമപ്പെടുകയും ചെയ്യുന്നു.രാവിലെ ഒഴിഞ്ഞ വയറിൽ നാരങ്ങാനീര് ചെല്ലുമ്പോൾ ശരീരത്തിലെ ക്ഷാരത്തിന്റെ അംശം കൂടും. ഇതു മൂലം പ്രതിരോധശക്തിയും കൂടുന്നു.ഇതിലെ വൈറ്റമിന്‍ സി സ്വാഭാവിക പ്രതിരോധശേഷി നല്‍കുന്ന ഒന്നാണ്. ഇളംചൂടുള്ള ചെറുനാരങ്ങാവെള്ളം കുടിയ്ക്കുന്നത് കോള്‍ഡ് പോലുള്ള പ്രശ്‌നങ്ങള്‍ക്കുള്ള നല്ലൊരു പ്രതിവിധിയാണ്.

Most read:ബേക്കിംഗ്സോഡടെസ്റ്റ്;പെൺകുഞ്ഞോ ആൺകുഞ്ഞോ ഗർഭത്തില്‍

തടി കുറയ്ക്കും

ആരോഗ്യമുള്ള ശരീരവും, സന്തുഷ്ടവുമായ മനസും ശരീരഭാരം വേഗത്തില്‍ കുറയ്ക്കാന്‍ വേണ്ടുന്ന പ്രധാന ഘടകങ്ങളാണ്. ആല്‍ക്കലൈന്‍ കൂടുതലായി അടങ്ങിയ ഭക്ഷണക്രമം സന്തുഷ്ടനായ മനുഷ്യനെ സൃഷ്ടിക്കും. ആല്‍ക്കലൈന്‍ കൂടുതലടങ്ങിയ ഭക്ഷണം കഴിക്കുന്നവര്‍ക്ക് വേഗത്തില്‍ ശരീരഭാരം കുറയ്ക്കാനാവുമെന്നാണ് 'ഈറ്റിങ്ങ് വെല്‍ മാഗസിന്‍' പറയുന്നത്. നാരങ്ങയിലെ പെക്ടിന്‍ ഫൈബര്‍ വിശപ്പിനെ സാധാരണ നിലയിലേക്ക് ക്രമീകരിക്കാന്‍ സഹായിക്കും.വിശപ്പു കുറയ്ക്കുക വഴിയും ദഹനം മെച്ചപ്പെടുത്തിയും മലബന്ധം നീക്കിയും കൊഴുപ്പു കത്തിച്ചുമെല്ലാം നാരങ്ങാവെളളം തടി കുറയ്ക്കും. രാവിലെ വെറുംവയറ്റില്‍ ഇരട്ടി ഗുണം ലഭിയ്ക്കുകയും ചെയ്യും.

തടി കുറയ്ക്കാന്‍

തടി കുറയ്ക്കാന്‍ ചെറുനാരങ്ങാവെള്ളം ഈ വിധത്തില്‍ ഉപയോഗിയ്ക്കാം. ഇതിനൊപ്പം ചില കൂട്ടുകള്‍ കൂടി ചേര്‍ക്കുന്നതാണ് കൂടുതല്‍ നല്ലത്. തടിയും വയറുമെല്ലാം ഒരുപോലെ കുടിയ്ക്കാന്‍ സഹായിക്കുന്ന വിവിധ വഴികളുണ്ട്. ചെറുചൂടുള്ള നാരങ്ങാവെള്ളത്തില്‍ തേന്‍ ചേര്‍ത്തു കുടിയ്ക്കുന്നതാണ് ഒരു വഴി. ഇതില്‍ അല്‍പം മുളകുപൊടി ചേര്‍ത്തു കുടിയ്ക്കാം. ഇത് ശരീരത്തിലെ ചൂടു വര്‍ദ്ധിപ്പിച്ച് അപചയപ്രക്രിയ വര്‍ദ്ധിപ്പിച്ചു തടി കുറയ്ക്കുന്നു. ഇതില്‍ കറ്റാര്‍വാഴ ജ്യൂസ് ചേര്‍ത്തു കുടിയ്ക്കുന്നതും ഏറെ നല്ലതാണ്. വയറും തടിയുമെല്ലാം ഒരുപോലെ കുറയ്ക്കാന്‍ ഇത് സഹായിക്കും. കുഞ്ഞന്‍ നാരങ്ങ കൊഴുപ്പു കത്തിച്ചു കളയുന്ന ഒരു പ്രധാന വസ്തുവാണ്.

പിഎച്ച് നില

ശരീരത്തിലെ ആല്‍ക്കലൈന്‍-ആസിഡ് ഘടകങ്ങളുടെ സന്തുലനാവസ്ഥയാണ് പിഎച്ച് നില വെളിപ്പെടുത്തുന്നത്. ആസിഡിന്‍റെ അളവ് കൂടുമ്പോള്‍ ശരീരം രോഗാവസ്ഥയിലെത്തുന്നു. ഇക്കാര്യം പലരെ സംബന്ധിച്ചും പുതിയ അറിവായിരിക്കും. ഇത് ശ്രദ്ധിച്ചാല്‍ ഇടക്കിടെ രോഗങ്ങളുണ്ടാവുന്നത് തടയാം. രോഗങ്ങള്‍ക്ക് പല കാരണങ്ങളുണ്ടാവാമെങ്കിലും അര്‍ഹിക്കുന്ന ശ്രദ്ധ നല്കി അവയെ തടയാവുന്നതാണ്. ആല്‍ക്കലൈന്‍ കൂടുതലായി ആഹാരത്തിലുള്‍പ്പെടുത്തിയാല്‍ ശരീരം സജീവമാകുകയും, തകരാറുകള്‍ പരിഹരിക്കുകയും, രോഗങ്ങളോട് പൊരുതുകയും ശരീരം ആരോഗ്യവും ഉന്മേഷവും നിറഞ്ഞതാക്കുകയും ചെയ്യും. നാരങ്ങ ഏറ്റവും മികച്ച ആല്‍ക്കലൈന്‍ ആഹാരങ്ങളിലൊന്നാണ്.

ചര്‍മസൗന്ദര്യത്തിന്

ചര്‍മസൗന്ദര്യത്തിന് പറ്റിയ നല്ലൊരു മാര്‍ഗം കൂടിയാണ് വെറുംവയറ്റില നാരങ്ങാവെള്ളം കുടി. ഇത് ചര്‍മത്തിലെ ടോക്‌സിനുകള്‍ ഉള്ളില്‍ നിന്നും അകറ്റാന്‍ ഏറെ നല്ലതാണ്. ഇതുവഴി മുഖക്കുരു പോലുള്ള പ്രശ്‌നങ്ങള്‍ക്കു പരിഹാരമാകും. ഇതിലെ ആന്റിഓക്‌സിഡന്റുകള്‍ ചര്‍മത്തില്‍ അയവുണ്ടാകുന്നു തടയും. ഇതുവഴി ചര്‍മത്തിന് ഇലാസ്റ്റിസിറ്റി ലഭിയ്ക്കും. ചുളിവുകള്‍ തടയും, പ്രായക്കുറവുതോന്നിയ്ക്കും. ചര്‍മത്തിനു തിളക്കവും ലഭിയ്ക്കും. നാരങ്ങ തൊലിപ്പുറത്തു മാത്രമല്ല, ശരീരത്തിനുള്ളില്‍ ഈ രീതിയില്‍ എത്തുന്നതും സൗന്ദര്യത്തിന് ഏറെ ഗുണകരമാണെന്നര്‍ത്ഥം.

പ്രമേഹരോഗികള്‍ക്കുള്ള നല്ലൊരു ഔഷധം

പ്രമേഹരോഗികള്‍ക്കുള്ള നല്ലൊരു ഔഷധം കൂടിയാണ് വെറുംവയറ്റിലെ ചെറുനാരങ്ങാവെള്ളം കുടി. ഇത് രക്തത്തിലെ ഗ്ലൂക്കോസ് തോതു നിയന്ത്രിയ്ക്കാന്‍ സഹായിക്കുന്നു.

ഊര്‍ജദായനി

ശരീരത്തിന് ഊര്‍ജം ലഭ്യമാക്കാനുള്ള നല്ലൊരു വഴി കൂടിയാണിത്. ഇത് രാവിലെ തന്നെ ദിവസത്തേയ്ക്കുള്ള ഊര്‍ജദായനിയാണ്.