പ്രമേഹം കുറയ്ക്കാനുള്ള 8 വഴികൾ

കൂടുതൽ രൂക്ഷമാകാതെ

പ്രമേഹം കൂടുതൽ രൂക്ഷമാകാതെ നമുക്ക് നിയന്ത്രിക്കാനാകും .ഇതിന്റെ മറ്റൊരുവശം ചെറിയ കുട്ടികളെയും ഇപ്പോൾ പ്രമേഹം ബാധിച്ചിരിക്കുന്നു എന്നതാണ് .പ്രമേഹം കുറയ്ക്കാനുള്ള ചില ഫലപ്രദമായ വഴികൾ ചുവടെ ചേർക്കുന്നു .

ഭക്ഷണത്തിൽ ബാർലി ഉൾപ്പെടുത്തുക

നാരുകൾ ധാരാളമടങ്ങിയ ബാർലി ശരീരത്തിലെ ഉപാപചയം ത്വരിതപ്പെടുത്തി ഗ്ലൂക്കോസിന്റെ അളവ് കുറയ്ക്കുന്നു .ദിവസവും ഒരു കപ്പ് ബാർലി ഉപയോഗിച്ചാൽ ശരീരത്തിലെ പഞ്ചസാരയുടെ അളവ് ക്രമീകരിക്കാനാകും .

നടക്കുക

വിദഗ്ദ്ധരുടെ അഭിപ്രായത്തിൽ രക്തത്തിലെ പഞ്ചസാരയുടെ അളവ് കുറച്ചു പ്രമേഹത്തെ ഒഴിവാക്കാനുള്ള ഏറ്റവും ഫലപ്രദമായ വ്യായാമമാണ് നടത്തം .ദിവസവും രാവിലെയും വൈകുന്നേരവും 15 മിനിറ്റ് നടന്നാൽ രക്തത്തിലെ പഞ്ചസാരയുടെ അളവ് നിയന്ത്രിക്കാനാകും .

ഉലുവ

രക്തത്തിലെ പഞ്ചസാരയുടെ അളവ് കുറയ്ക്കാൻ ഫലപ്രദമായ ഒന്നാണ് ഉലുവ .ഒരു സ്പൂൺ ഉലുവപ്പൊടി ചെറുചൂട് പാലിൽ ചേർത്ത് ദിവസവും രാവിലെ കുടിക്കുകയാണെകിൽ പ്രമേഹം കുറയ്ക്കാം .

പഴങ്ങൾ

ജ്യൂസിന് പകരം മുഴുവൻ പഴങ്ങൾ കഴിക്കുന്നതാണ് ഉത്തമം .ഓറഞ്ചോ ആപ്പിളോ ജ്യൂസിന് പകരം മുഴുവൻ പഴങ്ങൾ കഴിച്ചാൽ ഇതിലെ നാരുകൾ രക്തത്തിലെ പഞ്ചസാരയുടെ അളവ് കുറയ്ക്കും .

പച്ചക്കറികൾ

പച്ചക്കറികൾ രക്തത്തിലെ പഞ്ചസാര കുറയ്ക്കാൻ ഫലപ്രദമാണ് .ചീര ,കോളിഫ്‌ളവർ എന്നിവയാണ് പ്രമേഹം കുറയ്ക്കാൻ ഉതകുന്ന ചില പച്ചക്കറികൾ .

ധാരാളം വെള്ളം കുടിക്കുക

ധാരാളം വെള്ളം കുടിച്ച്‌ ശരീരത്തിൽ ജലാംശം നിലനിർത്തുക എന്നത് വളരെ പ്രധാനമാണ് .നിർജ്ജലിനീകരണം രക്തത്തിൽ പഞ്ചസാരയുടെ അളവ് കൂട്ടും .അതിനാൽ ധാരാളം വെള്ളം കുടിക്കുന്നത് പഞ്ചസാരയുടെ അളവ് കുറയ്ക്കാൻ സഹായിക്കും .

വിറ്റാമിൻ ഡി

വിറ്റാമിൻ ഡി യുടെ കുറവ് ഇൻസുലിന്റെ അളവ് കുറച്ചു രക്തത്തിൽ പഞ്ചസാരയുടെ അളവ് കൂട്ടും .അതിനാൽ ശരീരത്തിൽ ആവശ്യത്തിന് വിറ്റാമിൻ ഡി ഉണ്ടായാൽ പഞ്ചസാരയുടെ അളവ് ക്രമീകരിക്കാനാകും .

കറ്റാർവാഴ

കറ്റാർവാഴ ജെൽ ,മഞ്ഞൾ ,കറുവ ഇല എന്നിവ വെള്ളത്തിൽ ചേർത്ത് അത്താഴത്തിനു മുൻപ് കുടിക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കാൻ വളരെ ഫലപ്രദമാണ് .