തേനും ഇഞ്ചിനീരും; നല്ല ശോധനക്കുള്ള ഒറ്റമൂലി

ഇഞ്ചിയും നാരങ്ങയും

ഇഞ്ചിയും നാരങ്ങയും ചതച്ച് ഒരു ഗ്ലാസ് വെള്ളത്തില്‍ മിക്‌സ് ചെയ്ത് ദിവസവും രണ്ട് നേരം കഴിയ്ക്കുക. ഇത് വയര്‍ സംബന്ധമായ എല്ലാ പ്രശ്‌നങ്ങളേയും ഇല്ലാതാക്കും. ദഹനത്തിനും നല്ലതാണ് ഇഞ്ചിയും നാരങ്ങയും.

തേനും ഇഞ്ചിയും

എന്നാല്‍ തേനും ഇഞ്ചിയും ഇതിനേക്കാള്‍ നല്ല ഔഷധമാണ് ശോധന കൃത്യമാകാന്‍. ഇഞ്ചി നീരും തേനും മിക്‌സ് ചെയ്ത് കഴിയ്ക്കുക. ദിവസവും കിടക്കാന്‍ പോവുന്നതിന് മുന്‍പ് ഇത് കഴിക്കാം. ഇത് ശോധന കൃത്യമാക്കുന്നു.

വെറും ഇഞ്ചി

ഇഞ്ചിയില്‍ യാതൊന്നും മിക്‌സ് ചെയ്യാതെ തന്നെ വെറും ഇഞ്ചി രാവിലെ വെറും വയറ്റില്‍ ചവയ്ക്കുന്നത് എന്തുകൊണ്ടും ദഹനപ്രശ്‌നങ്ങള്‍ ഇല്ലാതാക്കുകയും അതുവഴി ശോധന കൃത്യമാവുകയും ചെയ്യുന്നു.

ജിഞ്ചര്‍ടീ

ദിവസവും രാവിലെ വെറും ചായ കുടിയ്ക്കുന്നതിനു പകരം ഇഞ്ചി ചായ കുടിച്ചു നോക്കൂ ഇത് ആ ദിവസത്തെ ശോധന കൃത്യമാക്കുകയും വയര്‍ സംബന്ധമായ എല്ലാ പ്രശ്‌നങ്ങളേയും ഇല്ലാതാക്കുകയും ചെയ്യുന്നു. ഇതിലൂടെ ദഹനസംബന്ധമായ പ്രശ്‌നങ്ങള്‍ എല്ലാം തന്നെ പരിഹരിക്കപ്പെടുന്നു.

ഇഞ്ചി സൂപ്പ്

സൂപ്പ് കഴിയ്ക്കുന്നത് എന്തുകൊണ്ടും നല്ലതാണ്. എന്നാല്‍ അതോടൊപ്പം ഇഞ്ചിയുടെ നീര് ചേര്‍ക്കുന്നത് പലപ്പോഴും ശോധന നന്നാവാന്‍ സഹായിക്കുന്നു. ഏത് സൂപ്പിലും അല്‍പം ഇഞ്ചി നീര് ചേര്‍ത്ത് നോക്കൂ. ഇത് വ്യത്യാസം നല്‍കുന്നു.

ഉപ്പും ഇഞ്ചിയും

അല്‍പം ഉപ്പും പച്ച ഇഞ്ചിയും ചവച്ച് കഴിക്കുന്നത് മലബന്ധത്തിന് പരിഹാരം നല്‍കി വയറു ക്ലീന്‍ ആക്കുകയും ചെയ്യുന്നു. ഇത് നെഞ്ചെരിച്ചില്‍ പോലുള്ള പ്രശ്‌നങ്ങള്‍ ഉണ്ടെങ്കില്‍ പരിഹരിക്കുന്നു.

ഇഞ്ചിയും വെളുത്തുള്ളിയും

ഒരു കഷ്ണം ഇഞ്ചിയും വെളുത്തുള്ളിയും പച്ചക്ക് തിന്നുന്നതും ശോധനക്കുള്ള വഴിയാണ്. ഇത് രണ്ടും ആരോഗ്യ ഗുണങ്ങളുടെ കാര്യത്തില്‍ മുന്നില്‍ നില്‍ക്കുന്ന ഒന്നാണ്.

ഇഞ്ചി വെള്ളം

അല്‍പം ഇഞ്ചിയിട്ട് തിളപ്പിച്ച വെള്ളം വെറും വയറ്റില്‍ കഴിക്കുന്നതും ശോധനക്ക് സഹായിക്കുന്നു. ശോധന കൃത്യമാവാന്‍ ഇത് വളരെയധികം സഹായിക്കുന്നു.

ഇഞ്ചിയും കുരുമുകളും

നല്ല ശോധനക്ക് ഏറ്റവും അത്യാവശ്യമായി വരുന്ന ഒന്നാണ് ഇഞ്ചിയും കുരുമുകളും അല്‍പം ഏലക്കയും മിക്‌സ് ചെയ്ത് കഴിക്കുന്നത്. എന്നാല്‍ ഇതിന് ഉപയോഗിക്കുന്നത് ഉണങ്ങിയ ഇഞ്ചിയാണ്. എല്ലാം മിക്‌സ് ചെയ്ത് ഒരു ടേബിള്‍ സ്പൂണ്‍ രാവിലെ കഴിക്കുന്നതാണ് ഉത്തമം.

ഇഞ്ചിയും മഞ്ഞള്‍പ്പൊടിയും

ഇഞ്ചിയും മഞ്ഞള്‍പ്പൊടിയും മിക്‌സ് ചെയ്ത് കഴിക്കുന്നതും ശോധനക്ക് നല്ലതാണ്. ഇത് മലബന്ധം അകറ്റി ശോധനക്ക് സഹായിക്കുന്നു. മാത്രമല്ല ആരോഗ്യത്തിനും അത്യുത്തമമാണ് ഈ കൂട്ട്.