Just In
- 1 hr ago ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം
- 2 hrs ago കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള്
- 2 hrs ago സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം
- 3 hrs ago കാത്തിരിക്കുന്നത് ഭാഗ്യനേട്ടം, ഇന്ന് വിഷ്ണുദേവന് അനുഗ്രഹം ചൊരിയുന്ന 4 രാശി
Don't Miss
- Sports IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം
- Finance 15x15x15 - കോടിപതിയാകാൻ ഒരു സൂത്രവാക്യം
- Automobiles ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- Movies മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അറിയാതെ പോവും പാന്ക്രിയാറ്റിക് ക്യാന്സര് ലക്ഷണം
പാന്ക്രിയാറ്റിക് ക്യാന്സര് ബാധിച്ചിട്ടുണ്ടെങ്കില് ചില ലക്ഷണങ്ങളിലൂടെ നമുക്കതിനെ മനസ്സിലാക്കാം
ക്യാന്സര് ഏത് തരത്തിലുള്ളതാണെങ്കിലും അത് സൃഷ്ടിക്കുന്ന ഭീകരത ചില്ലറയല്ല. പലപ്പോഴും ആരംഭത്തില് അറിയാതെ പോകുന്നതാണ് ക്യാന്സറെന്ന രോഗത്തിന് നമ്മളെ കീഴ്പ്പെടുത്താന് സഹായകരമാകുന്നത്. ലക്ഷണങ്ങള് ശരീരം കാണിച്ച് തുടങ്ങുമ്പോള് അതിനെ വേണ്ട രീതിയില് ഗൗരവത്തോടെ എടുക്കാത്തതാണ് രോഗം ഗുരുതരാവസ്ഥ പ്രാപിക്കുന്നതിന് കാരണം. ന്നാല് തിരിച്ചറിയാന് എപ്പോഴും വൈകുന്ന ഒന്നാണ് പാന്ക്രിയാറ്റിക് ക്യാന്സര്.
ഹൃദയം പ്രശ്നത്തിലോ, ഞെട്ടിക്കും ഈ സൂചനകള്
ആഗ്നേയ ഗ്രന്ഥിയില് ക്യാന്സര് വരുന്നതാണ് ഇത്. മരണനിരക്ക് വര്ദ്ധിപ്പിക്കുന്നതാണ് പാന്ക്രിയാറ്റിക് ക്യാന്സറിന്റെ ഭീകരത വര്ദ്ധിപ്പിക്കുന്നത്. വളരെ കുറഞ്ഞ ആളുകള് മാത്രമേ ആഗ്നേയ ഗ്രന്ഥിയിലെ ക്യാന്സറില് നിന്നും മുക്തരാവുന്നുള്ളൂ. രോഗം തിരിച്ചറിയാന് വൈകുന്നതാണ് മരണ നിരക്ക് വര്ദ്ധിപ്പിക്കാന് കാരണം. ഇനി പറയുന്ന ലക്ഷണങ്ങള് ആണ് വളരെയധികം ശ്രദ്ധിക്കേണ്ടത്. എന്തൊക്കെയെന്ന് നോക്കാം.
വയറിന്റെ കനം
വയറിന്റെ കനം കൊണ്ട് മാത്രം പാന്ക്രിയാറ്റിക് ക്യാന്സര് എന്ന് തിരിച്ചറിയാന് കഴിയില്ല. മറ്റ് പല രോഗങ്ങള്ക്കും ഈ ലക്ഷണം ഉണ്ടാവാം. എന്നാല് വയറിന്റെ കനത്തിനോടൊപ്പം തന്നെ മറ്റ് ചില ലക്ഷണങ്ങള് ഉണ്ടെങ്കില് ഡോക്ടറെ കാണാന് മടിക്കേണ്ടതില്ല.
മഞ്ഞപ്പിത്തം
പാന്ക്രിയാറ്റിക് ക്യാന്സര് നിങ്ങളിലുണ്ട് എന്നുണ്ടെങ്കില് ആദ്യം പ്രകടമാകുന്ന ലക്ഷണങ്ങളില് പ്രധാനപ്പെട്ട ഒന്നാണ് മഞ്ഞപ്പിത്തം. കണ്ണും, ചര്മ്മവും മഞ്ഞ നിറത്തിലാകുന്നു. ഇത് ബിലിറുബിന്റെ അളവ് വര്ദ്ധിപ്പിക്കുന്നു. ഇത് കരളില് കെമിക്കല് രൂപപ്പെടാന് കാരണമാകുന്നു. അതിന്റെ ഫലമായി കരള് ബിലിറുബിന് പുറന്തള്ളുന്നു. ഇത് പിന്നീട് ട്യൂമര് ആയി രൂപാന്തരം പ്രാപിക്കുന്നു. ഇത് പാന്ക്രിയാസിലാണ് ഏറ്റവും പെട്ടെന്ന് പിടിക്കുന്നതും. അതുകൊണ്ട് തന്നെ മഞ്ഞപ്പിത്തം കൃത്യമായി ചികിത്സിച്ചില്ലെങ്കില് പാന്ക്രിയാറ്റിക് ക്യാന്സറിനുള്ള സാധ്യത വളരെ കൂടുതലാണ്.
മൂത്രത്തിന്റെ നിറം വ്യത്യാസം
മഞ്ഞപ്പിത്തം ഉണ്ടെങ്കില് സ്വാഭാവികമായും മൂത്രത്തിന്റെ നിറത്തിലും വ്യത്യാസം കാണാം. എന്നാല് പാന്ക്രിയാറ്റിക് ക്യാന്സര് നിങ്ങളെ ബാധിച്ചിട്ടുണ്ടെങ്കില് മൂത്രത്തിന് നല്ല ഇരുണ്ട മഞ്ഞ നിറമായിരിക്കും ഉണ്ടാവുക. രക്തത്തിലെ ബിലിറുബിന്റെ അളവ് നല്ലതു പോലെ വര്ദ്ധിച്ചിട്ടുണ്ടെങ്കില് മൂത്രത്തിന് ബ്രൗണ് നിറമായിരിക്കും ഉണ്ടാവുക.
മലത്തില് നിറം മാറ്റം
മലത്തില് നിറം മാറ്റം ഉണ്ടെങ്കിലും ശ്രദ്ധിക്കുക. ഗ്രേ കളറിലും കട്ടിയില്ലാതെയും ആണെങ്കില് ആരോഗ്യ വിദഗ്ധന്റെ ഉപദേശം തേടാവുന്നതാണ്.
ചര്മ്മത്തിലെ ചൊറിച്ചില്
ചര്മ്മത്തിലെ ചൊറിച്ചില് കൊണ്ട് കഷ്ടപ്പെടുന്നവരാണ് നിങ്ങളെങ്കില് അത് വെറും അലര്ജി എന്ന് പറഞ്ഞ് തള്ളിക്കളയരുത്. മാത്രമല്ല ചര്മ്മത്തില് ഏതെങ്കിലും തരത്തിലുള്ള നിറം മാറ്റം ഉണ്ടെങ്കില് അതും ശ്രദ്ധിക്കേണ്ടതാണ്. ഇത്തരം മാറ്റങ്ങള് ഒരിക്കലും അവഗണിക്കരുത്.
അസഹനീയമായ വയറു വേദന
അസഹനീയമായ വയറു വേദനയാണ് മറ്റൊരു പ്രശ്നം. ക്യാന്സര് ശരീരത്തില് വളരുന്നുണ്ട് എന്നതിന്റെ സൂചനയാണ് പലപ്പോഴും അസഹനീയമായ വയറു വേദനക്ക് പുറകില്. ഇടക്കിടക്ക് ഇത്തരം വയറു വേദന ഉണ്ടെങ്കിലും ഡോക്ടറെ കാണാന് മടിക്കേണ്ടതില്ല.
പുറം വേദന
പുറം വേദനയാണ് മറ്റൊരു ലക്ഷണം. പല കാരണങ്ങള് കൊണ്ടും പുറം വേദന ഉണ്ടാവാം. എന്നാല് നട്ടെല്ലിനുള്ളില് മുകളില് തുടങ്ങി താഴെ അവസാനിക്കുന്ന തരത്തിലുള്ള വേദന ഇടക്കിടക്ക് ഉണ്ടാവുന്നുണ്ടെങ്കില് പാന്ക്രിയാറ്റിക് ക്യാന്സറെന്ന് സംശയിക്കാവുന്നതാണ്.
വിശപ്പില്ലായ്മയും തടി കുറവും
വിശപ്പില്ലായ്മയും അകാരണമായി തടി കുറയുന്നതും ശ്രദ്ധയില് പെട്ടാല് ഡോക്ടറെ കാണാന് രണ്ടാമതൊന്ന് ആലോചിക്കേണ്ട ആവശ്യമില്ല. പാന്ക്രിയാറ്റിക് ക്യാന്സറിന്റെ ലക്ഷണങ്ങളില് പ്രധാനപ്പെട്ട ഒന്നാണ് അത്.
ഛര്ദ്ദിയും മനം പിരട്ടലും
ഛര്ദ്ദിയും മനം പിരട്ടലും ദഹന പ്രശ്നങ്ങള് കൊണ്ടോ മറ്റേതെങ്കിലും പ്രശ്നങ്ങള് കൊണ്ടോ ഉണ്ടാവും. എന്നാല് അതിന് പരിഹാരം കാണാന് മരുന്ന് കഴിക്കുന്നതിനു മുന്പ് ഛര്ദ്ദിയുടെ കാരണം അന്വേഷിക്കുന്നത് നല്ലതാണ്. പാന്ക്രിയാറ്റിക് ക്യാന്സറിന്റെ ലക്ഷണങ്ങളില് ഒന്നാണ് ഇത്.
പിത്താശയ പ്രശ്നങ്ങള്
പിത്താശയത്തില് പ്രശ്നങ്ങള് ഉണ്ടെങ്കിലും അല്പം ശ്രദ്ധിക്കാം. ധമനികളില് ബ്ലോക്ക് വരുമ്പോളാണ് ഇത്തരം പ്രശ്നങ്ങള് കൂടുതലാവുന്നത്. അതിന്റെ പുറകില് പാന്ക്രിയാറ്റിക് ക്യാന്സര് ആണോ എന്ന് നോക്കുന്നത് എന്തുകൊണ്ടും നല്ലതാണ്.
കരളിന്റെ വലിപ്പം വര്ദ്ധിക്കുന്നു
പാന്ക്രിയാറ്റിക് ക്യാന്സര് നിങ്ങളില് പിടിമുറുക്കിയിട്ടുണ്ടെങ്കില് അത് നിങ്ങളുടെ കരളിനെ തന്നെ ആദ്യം ബാധിക്കുന്നു. അതിന്റെ ഫലമായി കരളിന്റെ വലിപ്പം വര്ദ്ധിക്കുന്നു. ബിലിറുബിന് തന്നെയാണ് ഇതിന് കാരണം.
രക്തം കട്ടപിടിക്കുന്നു
പാന്ക്രിയാറ്റിക് ക്യാന്സര് ഡീപ്പ് വെയിന് ത്രോംബോസിസിന് കാരണമാകുന്നു. പ്രത്യേകിച്ച് കാലുകളില് രക്തക്കട്ടകള് രൂപപ്പെടാന് ഇത് കാരണമാകും. ഇതിന്റെ ഫലമായി കാലില് അസഹനീയ വേദനയും വീക്കവും ചുവന്ന നിറവും അനുഭവപ്പെടുന്നു. ഇതെല്ലാം പാന്ക്രിയാറ്റിക് ക്യാന്സറിന്റെ ലക്ഷണങ്ങളില് പ്രധാനപ്പെട്ടതാണ്.