മൂത്രത്തിന്റെ നിറം, മരണസാധ്യത പറയും

പച്ചവെള്ളം പോലെ

മൂത്രത്തിന് പച്ചവെള്ളം പോലെ തെളിഞ്ഞ നിറമാണെങ്കില്‍ ശാരീരിക പ്രവര്‍ത്തനങ്ങള്‍ക്ക് ആവശ്യമായ വെള്ളം ലഭിയ്ക്കുന്നുണ്ടെന്ന് പറയാം. എന്നാല്‍ ചിലപ്പോള്‍ നിങ്ങളുടെ വെള്ളം കുടി അധികമാണെന്നതിന്റെ സൂചനയും ആവാം.

നേരിയ മഞ്ഞ നിറം

നേരിയ മഞ്ഞ നിറത്തോട് കൂടിയ മൂത്രമാണെങ്കില്‍ ശരീരത്തില്‍ ആരോഗ്യകരമായ രീതിയില്‍ ജലം ഉണ്ടെന്നും വൃക്ക പ്രവര്‍ത്തനക്ഷമമാണെന്നും പറയാം.

തെളിഞ്ഞ മഞ്ഞ നിറം

മൂത്രത്തിന്റെ നിറം തെളിഞ്ഞ മഞ്ഞ നിറമാണെങ്കില്‍ ശരീരത്തില്‍ ജലാംശം ഉണ്ടെന്നതിന്റെ സൂചനയാണിത്.

കടും മഞ്ഞ നിറം

മൂത്രത്തിന് കടും മഞ്ഞ നിറമാണെങ്കില്‍ അത് ശരീരത്തില്‍ ആവശ്യത്തിന് വെള്ളമില്ലെന്നതിന്റെ സൂചനയാണ്. മഞ്ഞപ്പിത്തം പോലുള്ള രോഗങ്ങളുടെ സൂചനകളും ഇത്തരത്തിലായിരിക്കും.

തവിട് നിറം

തവിട് നിറത്തോട് കൂടിയ മൂത്രമാണെങ്കില്‍ തീര്‍ച്ചയായും ശ്രദ്ധിക്കുക. കാരണം ഇത് നിര്‍ജ്ജലീകരണത്തിന്റെ ലക്ഷണമാണ്. മരണം വരെ സംഭവിക്കാവുന്ന അവസ്ഥയിലായിരിക്കും ആ സമയത്ത് പലപ്പോഴും. കരള്‍ രോഗങ്ങളും ഇതിലൂടെ ഉണ്ടാവാം.

ഇളം ചുവപ്പ്

മൂത്രത്തിന് ഇളം ചുവപ്പ് നിറമോ? എന്നാല്‍ സത്യമതാണ്. മൂത്രത്തിന് ഇലം ചുവപ്പ് നിറം ഉണ്ടാകാം. ചിലപ്പോള്‍ നാം കഴിയ്ക്കുന്ന ഭക്ഷണത്തിന്റെ ഫലമായായിരിക്കും ഈ നിറം. എന്നാല്‍ ഇത്തരത്തില്‍ ഉള്ള ഭക്ഷണങ്ങള്‍ ഒന്നും കഴിയ്ക്കാതെ തന്നെ മൂത്രത്തിന് നിറം മാറ്റമുണ്ടായാല്‍ അത് മൂത്രാശയ അണുബാധയുടെ ലക്ഷണമായിരിക്കും.

ഓറഞ്ച് നിറത്തിലുള്ള മൂത്രം

മൂത്രത്തിന്റെ നിറവ്യത്യാസം പലപ്പോഴും ഓറഞ്ച് നിറം വരെയാകാം. ഇതും ശരീരത്തില്‍ നിര്‍ജ്ജലീകരണം നടക്കുന്നു എന്നതിന്റെ സൂചനയാണ്. കരള്‍ പ്രശ്‌നങ്ങളും പലപ്പോഴും ഇതിലൂടെ അനുമാനിക്കപ്പെടാം.

മൂത്രത്തില്‍ പാട

മൂത്രത്തില്‍ പാട പൊലെ പതഞ്ഞ് കാണപ്പെടുകയാണെങ്കില്‍ ഭക്ഷണത്തിലെ പ്രോട്ടീന്റെ അമിത അളവ് മൂലമായിരിക്കാം.