കപ്പലണ്ടി പുഴുങ്ങിക്കഴിയ്‌ക്കണം, കാരണം

കലോറി

കപ്പലണ്ടി പുഴുങ്ങിക്കഴിയ്‌ക്കുമ്പോള്‍ ഇതിലെ കലോറി മറ്റു നട്‌സിനെ അപേക്ഷിച്ച്‌ ഏറെ കുറയും. തടി വയ്‌ക്കില്ലെന്നതു തന്നെ ഗുണം. ഒരൗണ്‍സ്‌ പുഴുങ്ങിയ കപ്പലണ്ടിയില്‍ 99 കലോറിയാണുള്ളത്‌. എന്നാല്‍ എണ്ണ ചേര്‍ക്കാതെയെങ്കിലും വറുത്ത കപ്പലണ്ടിയില്‍ 166 കലോറിയുണ്ട്‌.

ക്യാന്‍സര്‍

ഫ്‌ളേവനോയ്‌ഡുകല്‍, പോളിഫിനോളുകള്‍ എന്നിവ പുഴുങ്ങിയ കപ്പലണ്ടിയില്‍ കൂടുതലുണ്ട്‌. ഇവ ക്യാന്‍സര്‍, പ്രമേഹം, ഹൃദയപ്രശ്‌നങ്ങള്‍ തുടങ്ങിയ പല പ്രശ്‌നങ്ങളും അകറ്റാന്‍ ഏറെ ഉത്തമമാണ്‌.

നാരുകള്‍

വറുത്ത നിലക്കടലയേക്കാള്‍ പുഴുങ്ങിയതില്‍ നാരുകള്‍ കൂടുതലുണ്ട്‌. ഒരൗണ്‍സ്‌ പുഴുങ്ങിയ കപ്പലണ്ടിയില്‍ 2.5 ഗ്രാം നാരുകളുണ്ട്‌. നമ്മുടെ ശരീരത്തിന്‌ ഒരു ദിവസം വേണ്ട നാരിന്റെ 10 ശതമാനം.

മലബന്ധം

മലബന്ധം പോലുള്ള പ്രശ്‌നങ്ങള്‍ തടയുന്നതിന്‌ പുഴുങ്ങിയ കപ്പലണ്ടി ഏറെ നല്ലതാണ്‌. ഇതിലെ നാരുകളാണ്‌ ഇതിനു സഹായിക്കുന്നത്‌. പുഴുങ്ങുന്നതു വഴി ദഹനവും എളുപ്പമാകുന്നു.

കൊളസ്‌ട്രോള്‍

കൊളസ്‌ട്രോള്‍ ഉള്ളവര്‍ക്കും ധൈര്യമായി കഴിയ്‌ക്കാവുന്ന ഒന്നാണ്‌ പുഴുങ്ങിയ കപ്പലണ്ടി. കൊഴുപ്പിന്റെ അംശം കുറവാണെന്നതു തന്നെ കാരണം.

ഹൃദയാരോഗ്യത്തിന്‌

പുഴുങ്ങിയ കപ്പലണ്ടിയില്‍ വറുത്ത കപ്പലണ്ടിയേക്കാള്‍ മോണോസാച്വറേറ്റഡ്‌ ഫാറ്റ്‌ കൂടുതലടങ്ങിയിട്ടുണ്ട്‌. ഇത്‌ ഹൃദയാരോഗ്യത്തിന്‌ ഏറെ ഗുണകരമാണ്‌.

ചര്‍മസൗന്ദര്യത്തിനും

ആന്റിഓക്‌സിഡന്റുകള്‍, വൈറ്റമിന്‍ ഇ എന്നിവയുടെ നല്ലൊരു ഉറവിടമാണ്‌ പുഴുങ്ങിയ കപ്പലണ്ടി. ആരോഗ്യത്തിനു മാത്രമല്ല, ചര്‍മസൗന്ദര്യത്തിനും ഇത്‌ ഏറെ ഗുണകരമാണ്‌.

നട്‌സ്‌ അലര്‍ജിയുള്ളവര്‍ക്ക്‌

നട്‌സ്‌ അലര്‍ജിയുള്ളവര്‍ക്ക്‌ വറുത്ത കപ്പലണ്ടി ദോഷം ചെയ്‌തേക്കും. കപ്പലണ്ടി പുഴുങ്ങിക്കഴിയ്‌ക്കുന്നത്‌ ഈ ദോഷം ഒഴിവാക്കാന്‍ ഏറെ നല്ലതാണ്‌.