ജീരക വെള്ളം കുടിയ്ക്കുന്നതും സൂക്ഷിച്ച്

ജീരകത്തിന്റെ ഉപയോഗം മൂലമുണ്ടാകുന്ന ചില ദോഷങ്ങള്‍ എന്തൊക്കെ എന്ന് നോക്കാം.

Published: Friday, October 21, 2016, 17:32 [IST]

ആരോഗ്യഗുണങ്ങള്‍ നിരവധിയാണ് ജീരകത്തിന്. പല രോഗങ്ങള്‍ക്കും ഔഷധമായി ജീരകം ഉപയോഗിക്കുന്നു. ജീരകത്തിന് പക്ഷേ ഗുണം മാത്രമല്ല ദോഷങ്ങളും നിരവധിയാണ്. പലപ്പോഴും ഈ ദോഷങ്ങളെക്കുറിച്ച് ആര്‍ക്കും അറിയില്ല.

അതുകൊണ്ട് തന്നെ ഗുണമെന്ന് കരുതി പലരും ജീരകം ഉപയോഗിക്കുമ്പോള്‍ പലപ്പോഴും അത് ദോഷത്തിലാണ് അവസാനിയ്ക്കുന്നത് എന്നതാണ് സത്യം. എന്തൊക്കെ ദോഷങ്ങളാണ് ജീരകത്തിന്റെ അമിതോപയോഗത്തിലൂടെ ഉണ്ടാവുന്നത് എന്ന് നോക്കാം.

പുളിച്ച് തികട്ടല്‍

പലര്‍ക്കും ജീരകവെള്ളം കുടിയ്ക്കുമ്പോഴോ ജീരകം കഴിയ്ക്കുമ്പോഴോ പുളിച്ച് തികട്ടല്‍ അനുഭവപ്പെടുന്നു. ഇത്തരം പ്രശ്‌നമുള്ളവര്‍ പരമാവധി ജീരകം ഉപയോഗിക്കുന്നത് കുറയ്ക്കാന്‍ ശ്രമിക്കുക.

നെഞ്ചെരിച്ചില്‍

നെഞ്ചെരിച്ചിലിന് പല വിധത്തിലുള്ള കാരണങ്ങള്‍ ഉണ്ടാവാം. ഭക്ഷണത്തിന്റെ ആധിക്യവും ഭക്ഷണം കൃത്യമായി ദഹിയ്ക്കാത്തതും എല്ലാം നെഞ്ചെരിച്ചിലിന് കാരണമാകാം. എന്നാല്‍ ഇത്തരം പ്രശ്‌നം ഉള്ളപ്പോള്‍ ഒരിക്കലും ജീരകം കഴിയ്ക്കരുത്.

കരള്‍ പ്രശ്‌നങ്ങള്‍

കരളിന് പ്രശ്‌നമുണ്ടാക്കാനും ജീരകത്തിന് കഴിയും. കൂടുതല്‍ കാലം അമിതമായ തോതില്‍ ജീരകം കഴിച്ചാല്‍ അത് പലപ്പോവും കരളിനെ പ്രശ്‌നത്തിലാക്കുന്നു.

ആര്‍ത്തവരക്തം കൂടുതല്‍

ആര്‍ത്തവമുള്ള സമയങ്ങളില്‍ ജീരകത്തിന്റെ ഉപയോഗം രക്തസ്രാവം വര്‍ദ്ധിപ്പിക്കാന്‍ കാരണമാകും. അതുകൊണ്ട് തന്നെ ഈ സമയത്ത് ജീരകം കഴിയ്ക്കാന്‍ പാടില്ല.

രക്തസമ്മര്‍ദ്ദത്തിന്റെ അളവ്

രക്തസമ്മര്‍ദ്ദത്തിന്റെ അളവ് കുറയ്ക്കുന്നതിനും ജീരകത്തിന് കഴിയുന്നു. അരകടകരമായ അവസ്ഥയിലേക്ക് എത്തിയ്ക്കാന്‍ പലപ്പോഴും ജീരകം കഴിയ്ക്കുന്നത് കാരണമാകുന്നു.