കരളിന്റെ ആരോഗ്യം കാത്തു സൂക്ഷിക്കാന്‍ ബുദ്ധിമുട്ടോ

കൊഴുപ്പ് കൂടുതലുള്ള ഭക്ഷണങ്ങള്‍

കൊഴുപ്പ് കൂടുതലുള്ള ഭക്ഷണങ്ങള്‍ കഴിയ്ക്കുന്നതാണ് കരളിനെ ഏറ്റവും കൂടുതല്‍ ദോഷകരമായി ബാധിയ്ക്കുക. കരളിന്റെ സാധാരണ പ്രവര്‍ത്തനത്തെ പലപ്പോഴും കൊഴുപ്പ് നിറഞ്ഞ ഭക്ഷണങ്ങള്‍ ദോഷകരമായി ബാധിയ്ക്കും.

മദ്യത്തിന്റെ ഉപയോഗം

മദ്യത്തിന്റെ ഉപയോഗവും കരളിനെ തകര്‍ക്കുന്നതാണ്. അമിത മദ്യപാനം കരളിനെ തകര്‍ക്കുന്ന കാര്യം അറിയാത്തവര്‍ ചുരുക്കമായിരിക്കും. ആരോഗ്യത്തില്‍ ശ്രദ്ധ പുലര്‍ത്തുന്നവര്‍ ദിവസം മൂന്നോ നാലോ പെഗില്‍ കൂടുതല്‍ കഴിയ്ക്കരുത്.

പുകവലിയും കരളും

പുകവലി എത്ര വേണ്ടെന്നു വെച്ചാലും മാറ്റാന്‍ പറ്റാത്ത ശീലമാണ്. ഇത് കരളിന്റെ പ്രവര്‍ത്തനത്തെ വളരെ ദോഷകരമായി തന്നെയാവും ബാധിയ്ക്കുന്നതും.

തടി കുറയ്ക്കാനുള്ള ഭക്ഷണ രീതികള്‍

തടി കുറയ്ക്കാനുള്ള ഭക്ഷണരീതികള്‍ പലപ്പോഴും കരളിന് ദോഷം ചെയ്യും. കരളില്‍ അനാവശ്യ സമ്മര്‍ദ്ദമുണ്ടാക്കി ഇത് കരളിന്റെ പ്രവര്‍ത്തനങ്ങളെ താളം തെറ്റിയ്ക്കും.

പരിഹാരം

കരള്‍ രോഗത്തിന് ഒരിക്കലും പൂര്‍ണമായ പരിഹാരം ലഭിയ്ക്കുകയില്ല. എന്നാല്‍ ആരോഗ്യകരമായ ജീവിതരീതിയും ഭക്ഷണ രീതിയും പിന്തുടര്‍ന്നാല്‍ ഈ രോഗത്തെ നമുക്ക് ഒരു പരിധി വരെ തടഞ്ഞു നിര്‍ത്താം.

സുരക്ഷിതമായ സെക്‌സ്

രക്ത പരിശോധന, സുരക്ഷിതമായ സെക്‌സ്, ഹെപ്പറ്റൈറ്റസിനെതിരെയുള്ള വാക്‌സിനേഷന്‍ എന്നിവ കൃത്യമായി പിന്തുടര്‍ന്നാല്‍ കരള്‍ രോഗത്തെ ഇല്ലാതാക്കാം.

ഒഴിവാക്കേണ്ടവ

വറുത്തതും പൊരിച്ചതുമായ ആഹാര പദാര്‍ത്ഥങ്ങള്‍, മാംസോത്പ്പന്നങ്ങള്‍, കേക്ക്, പപ്പടം, അച്ചാര്‍, സോസ് എന്നിവ ഒഴിവാക്കുക. മാത്രമല്ല പഴങ്ങളും പച്ചക്കറികളും നന്നായി കഴിയ്ക്കുക.