പൊള്ളലേറ്റാല്‍ ഇവ ചെയ്യരുത്, ചെയ്താല്‍

ഐസ് വെയ്ക്കരുത്

പൊള്ളലേറ്റാല്‍ നമ്മള്‍ ഉടന്‍ ചെയ്യുന്നതാണ് ഐസ് ക്യൂബ് വെയ്ക്കുന്നത്. എന്നാല്‍ ഇത് ഗുണത്തേക്കാളേറെ ദോഷമാണ് ഉണ്ടാക്കുക എന്നതാണ് കാര്യം. ഐസ് വെയ്ക്കുന്നത് ആശ്വാസം ലഭിയ്ക്കുമെങ്കിലും ഇത് നമ്മുടെ ചര്‍മ്മത്തിന്റെ പുറംഭാഗത്തെ പതുക്കെ നശിപ്പിക്കുന്നു. പിന്നീട് അലര്‍ജിയുണ്ടാക്കും എന്നതാണ് മറ്റൊരു കാര്യം.

വെണ്ണ പുരട്ടുന്നത്

പൊള്ളലില്‍ ഉടന്‍ തന്നെ വെണ്ണ തേയ്ക്കുന്ന ശീലവും നമുക്കുണ്ട്. വെണ്ണ തേയ്ക്കുന്നത് നീറ്റല്‍ ഉണ്ടാക്കുമെങ്കിലും ഇത് ഇന്‍ഫെക്ഷന് കാരണമാകും.

തേന്‍ പുരട്ടുന്നത്

തേനും ഇത്തരത്തില്‍ പൊള്ളിയാല്‍ ഉപയോഗിക്കാന്‍ പാടില്ലാത്തതാണ്. പലപ്പോഴും തേന്‍ ഉപയോഗിച്ച് പൊള്ളലിന് ആശ്വാസം കണ്ടെത്താന്‍ നമ്മള്‍ ശ്രമിക്കും. എന്നാല്‍ ഇത് പിന്നീട് അണുബാധയ്ക്ക് കാരണമാകും.

മഷി ഒഴിക്കുന്നത്

മഷി പൊള്ളലിന് മരുന്നായി ഉപയോഗിക്കുന്നവരും കുറവല്ല. എന്നാല്‍ മഷിയില്‍ അടങ്ങിയിട്ടുള്ള പല ഘടകങ്ങളും പിന്നീട് ചര്‍മ്മത്തിന് പ്രശ്‌നങ്ങളുണ്ടാക്കും.

ടൂത്ത് പേസ്റ്റ്

പൊള്ളിയ ഭാഗത്ത് ടൂത്ത് പേസ്റ്റ് മരുന്നാക്കുന്നവരും നമുക്കിടയിലുണ്ട്. ഇതില്‍ കെമിക്കല്‍സ് ധാരാളം അടങ്ങിയിട്ടുണ്ട്. ഇതിലടങ്ങിയിട്ടുള്ള കാല്‍സ്യം ചര്‍മ്മത്തിന്റെ സ്വാഭാവികത നഷ്ടപ്പെടുത്തുന്നു.

ഹൈഡ്രജന്‍ പെറോക്‌സൈഡ്

കുറഞ്ഞ തോതിലുള്ള ആന്റി സെപ്റ്റിക് എന്ന രീതിയിലാണ് പലരും ഹൈഡ്രജന്‍ പെറോക്‌സൈഡ് ഉപയോഗിക്കുന്നത്. എന്നാല്‍ ഇത് പൊള്ളലുണ്ടാക്കുന്ന മുറിവ് വലുതാക്കുകയാണ് യഥാര്‍ത്ഥത്തില്‍ ചെയ്യുന്നത്.

നാരങ്ങ ഉപയോഗിക്കുന്നത്

പലപ്പോഴും പൊള്ളലേറ്റ ഭാഗത്ത് നാരങ്ങ നീര് വെയ്ക്കുന്നവരും കുറവല്ല. എന്നാല്‍ ഇത് ചര്‍മ്മത്തിന് ഇറിറ്റേഷന്‍ ഉണ്ടാക്കും എന്നതാണ് യാഥാര്‍ത്ഥ്യം.