സ്തനങ്ങളിലെ ഈ മാറ്റങ്ങള്‍ അവഗണിയ്ക്കരുത്

സ്തനപരിശോധന

വീട്ടില്‍ വെച്ചു തന്നെ സ്തനപരിശോധന നടത്തേണ്ടത് അത്യാവശ്യമാണ്. ഇത് മരണനിരക്കും അപകട നിരക്കും കുറയ്ക്കാന്‍ സഹായിക്കും. പ്രാഥമികമായി തിരിച്ചറിയപ്പെടാതെ പോകുന്നതാണ് പലപ്പോഴും ഗുരുതര പ്രശ്‌നങ്ങള്‍ക്ക് കാരണം.

സ്തനപരിശോധന എങ്ങനെ

പ്രധാനമായും അഞ്ച് രീതിയിലാണ് ഇത്തരം പരിശോധന നടത്തുന്നത്. ഏതൊക്കെ രീതികള്‍ സ്വീകരിയ്ക്കാം എന്ന് നോക്കാം.

സ്‌റ്റെപ് 1

ഇടുപ്പില്‍ കൈ കുത്തി നിന്ന് ചെരിയാതെ സ്തനങ്ങള്‍ പരിശോധിയ്ക്കാം. മുലഞട്ടുകളില്‍ എന്തെങ്കിലും തരത്തിലുള്ള മാറ്റങ്ങള്‍ ഉണ്ടോ എന്ന് നോക്കാം. ചുവന്ന പാടും വീക്കവും വ്രണവും എല്ലാം ശ്രദ്ധിക്കേണ്ടതാണ്. സ്തനങ്ങളില്‍ തൊട്ടു നോക്കിയാല്‍ ഏതെങ്കിലും തരത്തിലുള്ള തടിപ്പോ മുഴയോ കുരുക്കളോ ഉണ്ടെങ്കില്‍ ശ്രദ്ധിക്കാം.

സ്‌റ്റെപ് 2

കൈകള്‍ തലയ്ക്ക് പുറകില്‍ പിടിച്ച് അല്‍പം മുന്നോട്ട് ആഞ്ഞു നോക്കുക. എന്തെങ്കിലും തരത്തിലുള്ള മാറ്റങ്ങള്‍ ഇരുസ്തനങ്ങളിലും ഉണ്ടെങ്കില്‍ ഉടന്‍ തന്നെ ഡോക്ടറെ സമീപിയ്ക്കാം.

സ്റ്റെപ് 3

മുലഞെട്ടുകള്‍ പരിശോധിയ്ക്കാം. എന്തെങ്കിലും തരത്തിലുള്ള സ്രവങ്ങളോ പാല്‍ പോലുള്ള ദ്രാവകങ്ങളോ കണ്ടാല്‍ ഉടന്‍ തന്നെ വിദഗ്ധ പരിശോധന നടത്തണം.

സ്‌റ്റെപ് 4

കൈകള്‍ ഉപയോഗിച്ച് സ്തനങ്ങള്‍ തലോടി നോക്കാം. ഏതെങ്കിലും തരത്തില്‍ മുഴകളോ അസാധാരണമായ എന്തെങ്കിലും മാറ്റങ്ങളോ ഉണ്ടെങ്കില്‍ ഉടന്‍ തന്നെ വിദഗ്ധ പരിശോധനയ്ക്ക് വിധേയമാകണം.

സ്‌റ്റെപ് 5

കുളിമുറിയില്‍ വച്ച് തന്നെ നിങ്ങള്‍ക്ക് ഇത്തരത്തിലുള്ള പരിശോധനകള്‍ നടത്താവുന്നതാണ്. വൃത്താകൃതിയില്‍ താഴെ മുതല്‍ മുകളിലേക്ക് വിരലുകള്‍ ചലിപ്പിച്ച് പരിശോധന നടത്താം.

എല്ലാം ക്യാന്‍സര്‍ ലക്ഷണമല്ല

സ്തനങ്ങളില്‍ കാണുന്ന എല്ലാ മുഴകളും തടിപ്പും ക്യാന്‍സര്‍ ആവണമെന്നില്ല. അതുകൊണ്ട് തന്നെ എന്തെങ്കിലും തരത്തിലുള്ള സംശയം തോന്നിത്തുടങ്ങിയാല്‍ ഉടന്‍ തന്നെ ഡോക്ടറെ സമീപിയ്ക്കാം.