ശ്വാസകോശം പണിമുടക്കിലേക്ക്, സൂചനകള്‍

ശ്വാസതടസ്സമുണ്ടാകുന്നത്

എപ്പോഴെങ്കിലും ശ്വാസതടസ്സം അനുഭവപ്പെട്ടിട്ടുണ്ടോ? സാധാരണ ജോലികള്‍ ചെയ്യുമ്പോഴും പടികള്‍ കയറുമ്പോഴും എല്ലാം ഇത്തരം പ്രശ്‌നങ്ങള്‍ അത് ആസ്ത്മയുടെ ലക്ഷണങ്ങള്‍ എന്ന് തന്നെ ഉറപ്പിക്കാം.

വിട്ടുമാറാത്ത ജലദോഷം

കാലാവസ്ഥയ്ക്കനുസരിച്ചല്ലാതെ എപ്പോഴും വിട്ടുമാറാത്ത ജലദോഷം ഉണ്ടെങ്കില്‍ അത് സി ഒ പി ഡിയുടെ ലക്ഷണമായിരിക്കും. മാത്രമല്ല ജലദോഷം കട്ടിയായി ഉണ്ടെങ്കില്‍ അത് ഉടന്‍ തന്നെ ഡോക്ടറെ കാണിക്കാനും മറക്കരുത്.

കഫത്തില്‍ രക്തം

കഫത്തില്‍ രക്തം കാണുന്നതും പലപ്പോഴും ഗുരുതരമായ ആരോഗ്യപ്രശ്‌നമാണ്. ന്യൂമോണിയ പോലുള്ള പ്രശ്‌നങ്ങലുടെ തുടക്കമാകും പലപ്പോഴും ഇത് എന്ന കാര്യത്തില്‍ സംശയം വേണ്ട.

നെഞ്ചുവേദന

ചുമയ്ക്കുമ്പോഴും മറ്റും നെഞ്ചുവേദന അനുഭവപ്പെടുന്നുണ്ടെങ്കില്‍ ഇത് ശ്വാസകോശരോഗ ലക്ഷണങ്ങളാണ് എന്നതാണ് സത്യം. ഇത് പലപ്പോഴും ശ്വാസകോശ അണുബാധയുടെ ലക്ഷണമാകാം.

സംസാരിയ്ക്കുന്നതിനുള്ള ബുദ്ധിമുട്ട്

സംസാരിയ്ക്കുമ്പോള്‍ ശ്വാസം മുട്ടുണ്ടെങ്കില്‍ ബ്രോങ്കൈറ്റിസ് ആസ്ത്മ അലര്‍ജി എന്നിവയുടെ ലക്ഷണങ്ങളാവാം.

ഗുരുതരമായ ചുമ

പനിയും ജലദോഷവും വരുമ്പോള്‍ ചുമ വരും. എന്നാല്‍ രണ്ടാഴ്ചയില്‍ അധികം ചുമ തുടരുന്നുണ്ടെങ്കില്‍ അല്‍പം ശ്രദ്ധിക്കുന്നത് നന്നായിരിക്കും.