ലോകാരോഗ്യ ദിനത്തില്‍ ശ്വാസകോശം ക്ലീന്‍ ചെയ്യാം...

പുകവലിയ്ക്കുന്നതിനേക്കാള്‍ അപകടം

പുകവലിയ്ക്കുന്നതിനേക്കാള്‍ അപകടമാണ് പലപ്പോഴും പുകവലിയ്ക്കുന്നവരുടെ കൂടെ താമസിയ്ക്കുന്നത്. പുകവലിയ്ക്കുന്നവര്‍ ഒരു സമൂഹത്തെ കൂടിയാണ് ഇല്ലാതാക്കുന്നത്. അതുകൊണ്ട് തന്നെ പുകവലി ഉപേക്ഷിയ്ക്കുക, സമൂഹത്തെ രക്ഷിക്കുക എന്നതാണ് ആദ്യം ചെയ്യേണ്ട കാര്യം.

പുകവലി ശീലിക്കാതിരിക്കുക

ഒരിക്കല്‍ ശീലിച്ചു കഴിഞ്ഞാല്‍ പിന്നീട് ഈ ശീലത്തില്‍ നിന്നും വിട്ടു പോരുക പ്രയാസമാണ്. അതുകൊണ്ട് തന്നെ പുകവലി ശീലിക്കാതിരിക്കുകയാണ് ആദ്യം ചെയ്യേണ്ടത്.

വാഹനങ്ങളില്‍ നിന്നുള്ള മലിനീകരണം

വാഹനങ്ങളുടെ പുകയും ഇത്തരത്തില്‍ നമ്മുടെ ശ്വാസകോശത്തെ പ്രശ്‌നത്തിലാക്കുന്നു. അതുകൊണ്ട് പുറത്തു പോകുമ്പോള്‍ മാസ്‌ക് ധരിയ്ക്കാന്‍ ശ്രദ്ധിക്കുക. പ്രത്യേകിച്ച് നഗരങ്ങളില്‍.

വ്യവസായ മലിനീകരണം

വ്യവസായശാലകളിലെ പുകയും ഇത്തരത്തില്‍ നമ്മുടെ ആരോഗ്യത്തെ ദോഷകരമായി ബാധിയ്ക്കുന്നു. ഇത്തരം സ്ഥലങ്ങളില്‍ നിന്ന് മാറിത്താമസിയ്ക്കുകയാണ് ചെയ്യേണ്ടത്.

ശ്വസനവ്യയാമം

മെഡിറ്റേഷന്‍ ചെയ്യാന്‍ പലര്‍ക്കും ബുദ്ധിമുട്ടായിരിക്കും. എന്നാല്‍ ശ്വസന വ്യായാമം ചെയ്യാന്‍ ശ്രമിയ്ക്കുക. ഇത് ശ്വാസകോശത്തെ സംരക്ഷിക്കുന്നു. മാത്രമല്ല ആരോഗ്യമുള്ള ശരീരവും മനസ്സും നല്‍കുന്നു.

ശാരീരിക വ്യായാമം

ശാരീരികമായി എപ്പോഴും ആക്ടീവ് ആയി ഇരിയ്ക്കാന്‍ ശ്രമിയ്ക്കുക. ജോഗിങ്ങിനും മറ്റും പോകാന്‍ പ്രത്യേകം ശ്രദ്ധിക്കുക.

വീടിനകത്ത് ചെടികള്‍

വീടിനകത്ത് വളര്‍ത്താവുന്ന ചെടികള്‍ക്ക് കൂടുതല്‍ പ്രാധാന്യം നല്‍കുക. ഇത് വീടിനെ കൂടുതല്‍ ഭംഗിയാക്കുകയും അതോടൊപ്പം തന്നെ വീടിനകത്ത് ശുദ്ധവായു പ്രദാനം ചെയ്യുകയും ചെയ്യുന്നു.