ഇറച്ചി കഴിയ്ക്കുന്നത് കിഡ്‌നിയെ അപകടത്തിലാക്കും

എന്താണ് റെഡ് മീറ്റ്

ബീഫ്, പോര്‍ക്ക്, ആട്ടിറച്ചി, മാട്ടിറച്ചി എന്നിവയെ എല്ലാം റെഡ് മീറ്റിന്റെ ഗണത്തില്‍ പെടുത്താവുന്നതാണ്. ഉപയോഗത്തിന്റെ അളവനുസരിച്ചാണ് അപകട സാധ്യത കണക്കാക്കുന്നത്.

അമിത ഉപയോഗം വില്ലന്‍

എന്തും അധികമായാല്‍ വിഷം എന്നാണല്ലോ പറയുന്നത്. അതുപോലെ തന്നെയാണ് റെഡ് മീറ്റിന്റെ അമിത ഉപയോഗം വൃക്കയുടെ പ്രവര്‍ത്തനങ്ങളെ താറമാറാക്കുന്നു.

വൃക്ക രോഗങ്ങള്‍ക്കുള്ള സാധ്യത

സാധാരണ ഭക്ഷണം കഴിയ്ക്കുന്നവരില്‍ റെഡ് മീറ്റ് കൂടുതല്‍ കഴിയ്ക്കുന്നവര്‍ക്ക് വൃക്ക രോഗം വരാനുള്ള സാധ്യത വളരെ കൂടുതലാണ്. 44 ശതമാനത്തിലധികം കിഡ്‌നി രോഗം വരാനുള്ള സാധ്യതയാണ് റെഡ് മീറ്റ് കഴിയ്ക്കുന്നവരിലുള്ളത്.

അപകട സാധ്യത കുറയ്ക്കാന്‍

അപകട സാധ്യത കുറയ്ക്കാന്‍ റെഡ് മീറ്റിനു പകരമായി മുട്ട, പാല്‍, സോയ, പയര്‍വര്‍ഗ്ഗങ്ങള്‍ എന്നിവ ഉപയോഗിക്കുന്നത് വഴി വൃക്കയിലുണ്ടാകുന്ന പ്രശ്‌നങ്ങള്‍ക്ക് പരിഹാരം കാണാം

ക്യാന്‍സര്‍ സാധ്യത

റെഡ് മീറ്റിന്റെ ഉപയോഗം ക്യാന്‍സര്‍ സാധ്യത ഉണ്ടാക്കുന്നുവെന്നും പഠനത്തിലുണ്ടായിരുന്നു. 63000 പേരില്‍ നടന്ന പഠനത്തിന്റെ ഫലമായാണ് ഇത്തരത്തിലൊരു നിഗമനത്തിലെത്തിയിട്ടുള്ളത്.

സാന്‍ഡ് വിച്ച് എന്ന വില്ലന്‍

സാന്‍ഡ് വിച്ച് ഇന്നത്തെ കാലത്തെ ന്യൂജനറേഷന്‍ ഭക്ഷണങ്ങളില്‍ പ്രിയങ്കരമായി മാറിയതാണ്. എന്നാല്‍ സാന്‍ഡ് വിച്ചില്‍ ഉപയോഗിക്കുന്നതും റെഡ് മീറ്റ് തന്നെയാണ്. ഇത് സ്തനാര്‍ബുദ സാധ്യത 18 ശതമാനം വരെയാണ് കൂട്ടിയിരിക്കുന്നത്.

കഴിയ്ക്കുന്നതിന്റെ അളവ്

റെഡ് മീറ്റ് കഴിയ്ക്കുന്നത് അപകടകരമല്ല എന്നാല്‍ ഒരു ദിവസം 100 ഗ്രാമില്‍ കൂടുതല്‍ റെഡ് മീറ്റ് കഴിയ്ക്കുന്നത് അപകടകരമായ അവസ്ഥ വിളിച്ചു വരുത്തും.