യോനീസ്രവത്തിന്റെ ദുര്‍ഗന്ധം അകറ്റാന്‍

യോനി ദുര്‍ഗന്ധത്തിന്‌ കാരണം

നിങ്ങള്‍ പൂര്‍ണ ആരോഗ്യവതിയാണെങ്കിലും യോനി വൃത്തിയായി സൂക്ഷിക്കുന്ന കാര്യം അവഗണിക്കുകയാണെങ്കില്‍ യോനിസ്രവത്തിന്‌ വെള്ള, മഞ്ഞ, ചാര നിറഭേദങ്ങള്‍ ഉണ്ടാകാനും ദുര്‍ഗന്ധം അനുഭവപ്പെടാനും സാധ്യത ഉണ്ട്‌. ഇവയെല്ലാം ബാക്ടീരിയ ബാധയുടെ ലക്ഷണങ്ങളാണ്‌.

യോനി ദുര്‍ഗന്ധത്തിന്‌ കാരണം

ശുചിത്വമില്ലായ്‌മ മാത്രമല്ല ബാക്ടീരിയല്‍ വാജിനോസിസിന്‌ കാരണം. ഇറുകിയ വസ്‌ത്രങ്ങള്‍ ധരിക്കുന്നതും സുഗന്ധ സോപ്പുകള്‍ ഉപയോഗിച്ച്‌ അമിതമായ കഴുകുന്നതും ഇതിന്‌ കാരണമാകാം.

ശുചിത്വം

യോനിയുടെ ശുചിത്വം തന്നെയാണ്‌ ഏറ്റവും പ്രധാന കാര്യം. സുഗന്ധമില്ലാത്ത സോപ്പും ചൂട്‌ വെള്ളവും ഉപയോഗിച്ച്‌ യോനി വൃത്തിയാക്കുക. സുഗന്ധ സോപ്പുകള്‍ നിര്‍ബന്ധമായും ഒഴിവാക്കണം. സ്‌ത്രീകള്‍ക്കായുള്ള പിഎച്ച്‌ സന്തുലിത വൈപ്‌സും ഉപയോഗിക്കാം.

തൈര്‌

തൈരില്‍ ഗുണകരമായ ബാക്ടീരിയ അടങ്ങിയിട്ടുണ്ട്‌. അതിനാല്‍ പതിവായി ഇത്‌ പുരട്ടുന്നത്‌ ബാക്ടീരിയയുടെ അമിത വളര്‍ച്ച തടയാന്‍ സഹായിക്കും. തൈര്‌ പുരട്ടന്നത്‌ സാധ്യമല്ലെങ്കില്‍ ദിവസവും ഒരു കപ്പ്‌ തൈര്‌ കഴിക്കുക.

ടീട്രീ ഓയില്‍

യോനീസ്രവത്തിന്റെ ദുര്‍ഗന്ധം അകറ്റാന്‍ ടീ ട്രീ ഓയില്‍ വളരെ മികച്ചതാണ്‌. ഇതിന്റെ ഏതാനം തുള്ളികള്‍ ഇളം ചൂടുവെള്ളത്തില്‍ ചേര്‍ത്ത്‌ യോനീ കഴുകുക. വളരെ ഫലപ്രമായ മാര്‍ഗ്ഗമാണിത്‌. ഫംഗസുകളെ ചെറുക്കാനുള്ള കഴിവ്‌ ടീ ട്രീ ഓയിലിനുണ്ട്‌.

അയഞ്ഞ വസ്‌ത്രം

നല്ല വായുസഞ്ചാരം ലഭിക്കാനും വിയര്‍പ്പ്‌ അകറ്റാനും സഹായിക്കുന്ന അയഞ്ഞ കോട്ടണ്‍ പാന്റീസ്‌ ധരിക്കാന്‍ ശ്രദ്ധിക്കുക. അമിതമായ നനവ്‌ വലിച്ചെടുക്കുന്നതിനും ഇത്തരം പ്രശ്‌നങ്ങള്‍ കണ്ടെത്തി പരിഹരിക്കുന്നതിനും പാന്റി ലൈനന്‍ ധരിക്കുന്നത്‌ സഹായിക്കും.

ആഹാരം

കഴിക്കുന്ന ആഹാരത്തിലും ശ്രദ്ധ നല്‍കുക. ചാറുള്ളതും എരിവുള്ളതുമായ ഭക്ഷണങ്ങള്‍ പരമാവധി ഒഴിവാക്കുക. പഞ്ചസാരയുടെ ഉപയോഗം കുറയ്‌ക്കുകയോ പൂര്‍ണമായും ഒഴിവാക്കുകയോ ചെയ്യുക. യോനിയിലെ യീസ്‌റ്റിന്റെ വളര്‍ച്ചയ്‌ക്ക്‌ ഇവ കാരണമാണ്‌.

വെള്ളം

ദിവസവും ധാരാളം വെള്ളം കുടിക്കുക. ബൈഫറും ആന്റി ഓക്‌സിഡന്റുകളും ധാരാളം അടങ്ങിയ ഭക്ഷണം കഴിക്കുക. യോനിയിലെ ബാക്ടീരിയ, മാലിന്യം എന്നിവ അകറ്റാന്‍ ഇതിലൂടെ കഴിയും.