വേനലില്‍ നിര്‍ബന്ധമായും ഒഴിവാക്കേണ്ടവ

എനര്‍ജി ഡ്രിങ്ക്‌സ്

ആരോഗ്യം എന്നു കരുതി നമ്മള്‍ പലപ്പോഴും ദാഹിക്കുമ്പോള്‍ എനര്‍ജി ഡ്രിങ്ക്‌സ് കഴിയ്ക്കാറുണ്ട്. എന്നാല്‍ ഇത് ശരീരത്തിന് നിര്‍ജ്ജലീകരണം കൂടുതല്‍ ഉണ്ടാക്കുകയാണ് ചെയ്യുന്നതെന്ന് പലര്‍ക്കും അറിയില്ല. കാരണം ഇതില്‍ ഉയര്‍ന്ന തോതില്‍ പഞ്ചസാര അടങ്ങിയിട്ടുണ്ട്. ഇത് നമ്മുടെ ശരീരത്തിലെ ജലാംശം നഷ്ടപ്പെടുത്താന്‍ കാരണമാകുന്നു.

കാര്‍ബോഹൈഡ്രേറ്റ് കുറഞ്ഞ ഭക്ഷണം

കാര്‍ബോഹൈഡ്രേറ്റ് കുറഞ്ഞ ഭക്ഷണമാണ് നമ്മള്‍ വേനല്‍ക്കാലങ്ങളില്‍ കൂടുതലായി ഉപയോഗിക്കുന്നത്. എന്നാല്‍ ഇത് നമ്മുടെ ശരീരത്തിലെ ജലാംശം നഷ്ടപ്പെടാന്‍ കാരണമാകുന്നു. കാരണം ഇത്തരം ഭക്ഷണങ്ങളില്‍ ഉയര്‍ന്ന തോതില്‍ പൊട്ടാസ്യം അടങ്ങിയിട്ടുണ്ട്. ഇത് നമ്മള്‍ സ്ഥിരമായി കഴിയ്ക്കുന്നതിനേക്കാള്‍ വെള്ളം കൂടുതല്‍ കഴിയ്ക്കാന്‍ നിര്‍ബന്ധിക്കും.

ഉയര്‍ന്ന് പ്രോട്ടീന്‍ ഡയറ്റ്

ഉയര്‍ന്ന പ്രോട്ടീന്‍ ഡയറ്റ് ആരോഗ്യത്തെ മെച്ചപ്പെടുത്തും. എന്നാല്‍ വേനല്‍ക്കാലങ്ങളില്‍ ഉയര്‍ന്ന തോതിലുള്ള പ്രോട്ടീന്‍ അടങ്ങിയ ഭക്ഷണങ്ങള്‍ നിര്‍ജ്ജലീകരണത്തേയും അനാരോഗ്യത്തേയും ക്ഷണിച്ചു വരുത്തും.

നാരങ്ങാ വെള്ളം

നാരങ്ങാ വെള്ളത്തിന് നിരവധി ആരോഗ്യ ഗുണങ്ങളാണ് ഉള്ളത്. എന്നാല്‍ ഇത് പലപ്പോഴും നമ്മുടെ മൂത്രശങ്ക വര്‍ദ്ധിപ്പിക്കുന്നു. ഇത് നിര്‍ജ്ജലീകരണത്തിന് വഴിവെയ്ക്കുന്നു. അതുകൊണ്ട് നാരങ്ങാ വെള്ളം വേനലില്‍ കഴിയ്ക്കുന്നത് നിര്‍ത്തുന്നതാണ് നല്ലത്.

കാപ്പി

കാപ്പിയാണ് മറ്റൊരു അനാരോഗ്യമുണ്ടാക്കുന്ന പാനീയം. ആരോഗ്യത്തിന് നല്ലതാണെങ്കിലും ഇതും ശരീരത്തിലെ ജലാംശം നഷ്ടപ്പെടാനും നിര്‍ജ്ജലീകരണത്തിനും വിളര്‍ച്ചയ്ക്കും കാരണമാകും.

ഉപ്പ് കൂടുതലുള്ള ഭക്ഷണം

ഉപ്പ് കൂടുതല്‍ അടങ്ങിയ ഭക്ഷണവും ഇത്തരത്തില്‍ പ്രശ്‌നങ്ങള്‍ ഉണ്ടാക്കുന്നതാണ്. ഇത് ശരീരത്തിലെ ജലാംശത്തെ വലിച്ചെടുക്കുകയും വേഗത്തില്‍ നിര്‍ജ്ജലീകരണമെന്ന അവസ്ഥയിലേക്ക് നമ്മളെ എത്തിക്കുകയും ചെയ്യുന്നു. അതുകൊണ്ട് തന്നെ വേനലില്‍ ഉപ്പ് കഴിയ്ക്കുമ്പോള്‍ അല്‍പം കൂടി ശ്രദ്ധ കൊടുക്കുന്നത് നല്ലതാണ്.

വറുത്തതും പൊരിച്ചതുമായ ഭക്ഷണങ്ങള്‍

വേനലില്‍ നമുക്കിഷ്ടം വറുത്തതും പൊരിച്ചതുമായ ഭക്ഷണങ്ങള്‍ കഴിയ്ക്കുന്നതിനാണ്. എന്നാല്‍ ഇത്തരത്തിലുള്ള ഭക്ഷണങ്ങള്‍ കഴിയ്ക്കുമ്പോള്‍ ഗുരുതരമായ നിര്‍ജ്ജലീകരണമാണ് ശരീരത്തിനുണ്ടാക്കുന്നത്.