വേനലില്‍ തളരാതെ വോട്ടുചെയ്യാം

പെട്ടെന്നുള്ള കാലാവസ്ഥാ വ്യതിയാനം

പെട്ടെന്നുള്ള കാലാവസ്ഥാ വ്യതിയാനമാണ് ഇപ്പോള്‍ കേരളത്തിലുള്ളത്. ഇടയ്ക്ക് പെയ്യുന്ന ശക്തമായ മഴയും പൊള്ളുന്ന തീക്കാറ്റും പലപ്പോഴും നമ്മുടെ വോട്ടര്‍മാരെ തളര്‍ത്തിക്കളയും. ഇതില്‍ നിന്നും അതീവ ജാഗ്രത പാലിക്കണം.

നിര്‍ജ്ജലീകരണം

പൊരിവെയിലത്ത് മണിക്കൂറുകളോളം നിന്നാണ് പലരും വോട്ട് രേഖപ്പെടുത്തുന്നത്. ഇതില്‍ തന്നെ പ്രായമായവരും സ്ത്രീകളും ചെറുപ്പക്കാരും എല്ലാരുമുണ്ട്. ശരീരത്തില്‍ നിര്‍ജ്ജലീകരണം സംഭവിച്ചാല്‍ അത് മരണത്തിനു വരെ കാരണമാകും. അതുകൊണ്ട് തന്നെ ധാരാളം വെള്ളം കുടിയ്ക്കാന്‍ ശ്രദ്ധിക്കുക.

തളര്‍ച്ച

ക്ഷീണവും തളര്‍ച്ചയും പ്രായമായവരിലാണ് കാണപ്പെടുന്നത്. എന്നാല്‍ തളര്‍ച്ച വന്നാല്‍ ഉടന്‍ തന്നെ വൈദ്യസഹായം തേടുകയാണ് ചെയ്യേണ്ടത്. പ്രാഥമിക ചികിത്സയ്ക്കുള്ള എല്ലാ സൗകര്യവും എല്ലാ പോളിംഗ് ബൂത്തുകളിലും ഉണ്ടായിരിക്കണം.

തലചുറ്റല്‍

പലര്‍ക്കും അധികനേരം നിന്നാല്‍ തല ചുറ്റല്‍ അനുഭവപ്പെടുന്നു. മസ്തിഷ്‌കത്തിലേക്കുള്ള രക്തപ്രവാഹം തടസ്സപ്പെടുമ്പോഴാണ് പ്രധാനമായും തല ചുറ്റല്‍ അനുഭവപ്പെടുന്നത്. അതുകൊണ്ട് തന്നെ അടിയന്തര ചികിത്സ ലഭിച്ചില്ലെങ്കില്‍ പ്രശ്‌നമാണ്. നില്‍ക്കുന്നയാള്‍ പാദം മുതല്‍ കണ്ണു വരെ മെല്ലെ ചലിപ്പിച്ചു കൊണ്ടിരിയ്ക്കുക. എങ്കില്‍ തല ചുറ്റലില്‍ നിന്നും രക്ഷ നേടാം.

സൂര്യാഘാതം

മണിക്കൂറുകളോളം പൊരി വെയിലത്ത് നിന്നായിരിക്കും പലരും വോട്ട് ചെയ്യാനെത്തുന്നത്. സൂര്യാഘാതമേല്‍ക്കാനുള്ള സാധ്യത വളരെ കൂടുതലാണ്. അതുകൊണ്ട് തന്നെ കറുപ്പ് നിറത്തിലുള്ള വസ്ത്രങ്ങള്‍ ഇടാതിരിയ്ക്കാന്‍ പ്രത്യേകം ശ്രദ്ധിക്കുക.

കഴിയുമെങ്കില്‍ രാവിലേയെ വൈകുന്നേരമോ?

വോട്ട് ചെയ്യാന്‍ ഏറ്റവും പറ്റിയ സമയം രാവിലേയോ വൈകുന്നേരമോ ആണ്. ഉച്ച നേരങ്ങളില്‍ വോട്ട് ചെയ്യാനായി നില്‍ക്കുന്നത് കൂടുതല്‍ ആരോഗ്യ പ്രശ്‌നങ്ങള്‍ ഉണ്ടാക്കും എന്നതാണ് കാര്യം.