നഖത്തിലെ ചന്ദ്രക്കല എന്ന അപകടം

നഖത്തിലെ ചന്ദ്രക്കല

നഖത്തിലെ ചന്ദ്രക്കലയിലൂടെ നമ്മുടെ ആരോഗ്യ സ്ഥിതി മനസ്സിലാക്കാന്‍ പറ്റും. എന്നാല്‍ ഇത് സ്ഥിരമായി കൈയ്യില്‍ ഉണ്ടാവില്ല. ആരോഗ്യം മോശമാവുന്നതിനനുസരിച്ച് ഈ ചന്ദ്രക്കല മാറിക്കൊണ്ടിരിക്കും. ലുണുല എന്നാണ് ഇതിന് പറയുന്നത്.

ലുണുല ഇല്ലാതിരുന്നാല്‍

നഖത്തിന്റെ താഴ്ഭാഗത്തായാണ് ഈ ചന്ദ്രക്കല കാണപ്പെടുന്നത്. നമ്മുടെ ശരീരത്തിന്റെ മൊത്തത്തിലുള്ള ആരോഗ്യത്തേയും അനാരോഗ്യത്തേയും ഇത് സൂചിപ്പിക്കുന്നു.

അനീമിയയ്ക്ക് കാരണം

നഖത്തിലെ ചന്ദ്രക്കല കാണുന്നില്ലേ, എന്നാല്‍ നിങ്ങള്‍ അനീമിക് ആണ് എന്നതാണ് സത്യം. വിളര്‍ച്ചയാണ് പ്രധാനമായും ഇതിന്റെ കാരണം. രക്തക്കുറവും ശരീരത്തില്‍ ഇരുമ്പിന്റെ അംശം കുറയുന്നതും അനീമിയക്ക് കാരണമാകുന്നു.

പരിഹാരം

ഭക്ഷണം നന്നായി കഴിയ്ക്കുകയും ഇരുമ്പ് അടങ്ങിയ പച്ചക്കറികളും ഭക്ഷണസാധനങ്ങളും സ്ഥിരമായി ആഹാരശീലത്തിന്റെ ഭാഗമാക്കുകയും ചെയ്യുക.

പോഷകാഹാരക്കുറവ്

പോഷകാഹാരക്കുറവിനേയും ഇത് സൂചിപ്പിക്കുന്നു. പോഷകാഹാരക്കുറവ്് മൂലം ആരോഗ്യം അപകടകരമായ അവസ്ഥയിലേക്കെത്തുകയും ചെയ്യുന്നു. അതുകൊണ്ട് ഭക്ഷണശീലത്തില്‍ ന്യൂട്രീഷന്‍സും വിറ്റാമിനുകളും കൂടുതല്‍ ഉള്‍പ്പെടുത്തുക.

ഹൃദയസംബന്ധമായ പ്രശ്‌നങ്ങള്‍

ഹൃദയസംബന്ധമായ പ്രശ്‌നങ്ങളും ചന്ദ്രക്കലയിലൂടെ മനസ്സിലാകും. ചന്ദ്രക്കലയില്ലാത്തവര്‍ അതുകൊണ്ട് തന്നെ കരുതിയിരിക്കുന്നത് നല്ലതാണ്. ഹൃദയാഘാതവും ഹൃദയസംബന്ധമായ അസുഖങ്ങളും വരാനുള്ള സാധ്യത വളരെ കൂടുതലാണ് ഇത്തരക്കാര്‍ക്ക്.

ദഹനപ്രശ്‌നങ്ങള്‍

നിങ്ങള്‍ക്ക് ദഹനപ്രശ്‌നങ്ങള്‍ ഉണ്ടോ, എങ്കില്‍ ഇത് കൈ നോക്കിയാല്‍ മനസ്സിലാകും. കാരണം നഖത്തില്‍ ചന്ദ്രക്കലയില്ലാത്തവര്‍ക്ക് ദഹനപ്രശ്‌നങ്ങള്‍ വരാനുള്ള സാധ്യത വളരെ കൂടുതലാണ്.

നഖത്തിന്റെ നിറം

നഖത്തിന്റെ നിറം നോക്കിയും രോഗങ്ങള്‍ കണ്ടുപിടിയ്ക്കാം. മഞ്ഞപ്പിത്തം കണ്ടുപിടിയ്ക്കുന്നതിനും നഖം നോക്കിയാല്‍ മതി.

വെളുത്ത നിറം

നല്ല വെളുത്ത നിറത്തിലുള്ള നഖമാണ് നിങ്ങളുടേതെങ്കില്‍ ഇത് രക്തത്തിന്റെ കുറവിനെയാണ് സൂചിപ്പിക്കുന്നത്. രക്തം വര്‍ദ്ധിപ്പിക്കുകയും ശരീരത്തില്‍ മഗ്നീഷ്യം വര്‍ദ്ധിപ്പിക്കുകയുമാണ് ചെയ്യാവുന്ന കാര്യം.

ഇരുണ്ട ചുവന്ന നിറത്തിലുള്ള നഖം

ഇരുണ്ട ചുവന്ന നിറത്തിലുള്ള നഖമാണെങ്കില്‍ ഇത് ശരീരം അമിത കൊഴുപ്പിനടിമയാണ് എന്നതിന്റെ സൂചനയാണ്. കൊളസ്‌ട്രോള്‍ ആയിരിക്കും നിങ്ങളുടെ ശരീരത്തിലെ ആകെ സമ്പാദ്യം.

നഖത്തിലെ വെള്ളപ്പാടുകള്‍

ചിലരുടെ നഖത്തില്‍ വെളുത്ത പാടുകള്‍ കാണാമായിരിക്കും. കുത്തുപോലെ കാണപ്പെടുന്ന ഈ പാടുകള്‍ ശരീരത്തില്‍ സിങ്ക് കുറവാണ് എന്നതിന്റെ സൂചനയാണ്.

പിങ്ക് നിറത്തിലുള്ള നഖം

ആരോഗ്യമുള്ള ഒരാളുടെ നഖത്തിന്റെ നിറം പിങ്ക് ആയിരിക്കും. യാതൊരു വിധത്തിലുള്ള ആരോഗ്യ പ്രശ്‌നങ്ങളും ഇവര്‍ക്കുണ്ടാവില്ല എന്നതാണ് സത്യം. സ്ത്രീ ശരീര രഹസ്യങ്ങള്‍(പുരുഷനറിയാത്തവ)