മല്ലിയില നിസ്സാരക്കാരനാണെന്ന ധാരണ വേണ്ട

Published: Monday, January 25, 2016, 15:23 [IST]

ഒരു കാലത്ത് നോര്‍ത്ത് ഇന്ത്യന്‍ ഭക്ഷണങ്ങളുടെ മാത്രം രുചിയായിരുന്നു മല്ലിയിലയ്ക്ക്. എന്നാല്‍ ഇന്നത് മലയാളിയുടെ അടുക്കളയില്‍ നിന്നും വരുന്ന രുചിയായി മാറിയിട്ടുണ്ട്. നിരവധി ഔഷധഗുണങ്ങളുള്ള മല്ലിയിലയ്ക്ക് പറയാന്‍ കഥകളൊരുപാടുണ്ട്. ആരോഗ്യത്തിന്റെ കലവറയാണ് ഈ പച്ചപ്പെന്ന കാര്യം പലപ്പോഴും നമ്മള്‍ മറന്നു പോകുന്നു.

വിറ്റാമിന്‍ സിയും വിറ്റാമിന്‍ കെയും പ്രോട്ടീനും ധാരാളം അടങ്ങിയിട്ടുള്ളതാണ് മല്ലിയില എന്ന കാര്യത്തില്‍ സംശയം വേണ്ട. ഇതെല്ലാം കൂടാതെ തന്നെ ആരോഗ്യ കാര്യത്തില്‍ മുന്നിലാണ് ഇവന്‍. എന്തൊക്കെയാണ് ഇതിന്റെ ആരോഗ്യഗുണങ്ങള്‍ എന്നു നോക്കാം.

കൊളസ്‌ട്രോള്‍ തന്നെ മുന്നില്‍

കൊളസ്‌ട്രോളിനെതിരെ പൊരുതാന്‍ പലപ്പോഴും മല്ലിയിലയ്ക്ക് പ്രത്യേക കഴിവുണ്ട്. മാത്രമല്ല ഇത് ചീത്ത കൊളസ്‌ട്രോളിനെ കുറയ്ക്കുന്നു. നല്ല കൊളസ്‌ട്രോളിനെ കൂട്ടുകയും ചെയ്യുന്നു.

ദഹനത്തിന് നല്ലത്

ദഹനത്തിന് ഇത്രയേറെ സഹായിക്കുന്ന മറ്റൊരു ഇലയില്ല എന്നു തന്നെ പറയാം. ഇത് കരളിന്റെ പ്രവര്‍ത്തനത്തെ ഉദ്ദീപിപ്പിക്കുന്നു.

പ്രമേഹ രോഗികള്‍ക്ക്

പ്രമേഹരോഗികള്‍ക്ക ഏറ്റവും ബെസ്റ്റാണ് മല്ലിയില. കാരണം ഇത് രക്തത്തിലെ പഞ്ചസാരയുടെ അളവ് കുറയ്ക്കുന്നു എന്നത് തന്നെ.

അല്‍ഷിമേഴ്‌സ് രോഗികളോട് വിട

അല്‍ഷിമേഴ്‌സ് എന്ന രോഗത്തിനെതിരെ പ്രവര്‍ത്തിക്കുവാന്‍ മല്ലിയിലയ്ക്കുള്ള കഴിവ് വളരെ വലുതാണ്. ഇതിലെ വിറ്റാമിന്‍ കെ അല്‍ഷിമേഴ്‌സ് രോഗത്തിനെ പ്രതിരോധിയ്ക്കുന്നു.