പല്ല് തേയ്ക്കാതിരുന്നാല്‍ എന്താ കുഴപ്പം?

മോണരോഗങ്ങള്‍

മോണയാണ് പല്ലുകളെ താടിയില്‍ ഉറപ്പിച്ച് നിര്‍ത്തുന്നത്. മോണ പതിവായി വൃത്തിയാക്കാതിരുന്നാല്‍ മോണപഴുപ്പ് അടക്കമുള്ള രോഗങ്ങള്‍ പിടിപെടും. വായ ശരിയായി വൃത്തിയാക്കാതിരുന്നാല്‍ മോണ ദുര്‍ബലമാകുകയും അതിന്‍റെ ഫലമായി അണുബാധയുണ്ടാകുകയും ചെയ്യും. ഇത് അവയുടെ കരുത്ത് കുറയ്ക്കുകയും പല്ലുകള്‍ക്ക് ദോഷകരമാവുകയും ചെയ്യും. പല്ലുകള്‍ വേഗത്തില്‍ അടര്‍ന്ന് പോകാനും ഇടയാകും.

പല്ലുകൊഴിയല്‍

മോണരോഗങ്ങളുണ്ടാക്കുന്ന പ്രധാന പ്രശ്നമാണിത്. പല്ലുകള്‍ കൊഴിയാനാരംഭിക്കുകയും വായ വേഗത്തില്‍ ശൂന്യമാവുകയും ചെയ്യും. ഇത് നിങ്ങള്‍ക്ക് ഏറെ ദുരിതമുണ്ടാക്കും.

വായ്നാറ്റം

മോണപഴുപ്പും മറ്റ് ദന്തരോഗങ്ങളും വായ്നാറ്റം ഉണ്ടാക്കും. ശരിയായി പല്ല് തേക്കാതിരുന്നാല്‍ ഭക്ഷണാവശിഷ്ടങ്ങള്‍ പല്ലിനിടയില്‍ അടിഞ്ഞ് കൂടും. തുടര്‍ന്ന് പല്ലുകള്‍ കേടുവരുകയും അതിന്‍റെ ഫലമായി വായ്നാറ്റം ഉണ്ടാവുകയും ചെയ്യും. ഇത് മൂലം സുഹൃത്തുക്കള്‍ക്കും കുടുംബാംഗങ്ങള്‍ക്കും മുന്നില്‍ നിന്ന് നിങ്ങള്‍ക്ക് സംസാരിക്കാനാവാത്ത സ്ഥിതിയുണ്ടാകും. ഇത് ഏറെ പ്രയാസമുണ്ടാക്കുന്ന ഒരു കാര്യമാണ്.

ന്യൂമോണിയ

പല്ലുതേക്കാതിരുന്നാല്‍ സംഭവിക്കും എന്ന് നിങ്ങള്‍ വിചാരിക്കാത്ത ഒരു പ്രശ്നമായിരിക്കും ഇത്. വായ്നാറ്റം വായിലെ അണുക്കള്‍ ശ്വാസകോശത്തിലേക്ക് കടക്കാനിടയാക്കും. ഇത് ശ്വാസകോശ അണുബാധയ്ക്കും ചിലപ്പോള്‍ ന്യൂമോണിയക്കും കാരണമാകും.

ഉദ്ധാരണ തകരാറ്

ഒരു ലൈംഗിക തകരാറായതിനാല്‍ പലര്‍ക്കും ഇതിനെ പല്ലിന്‍റെ തകരാറുമായി ബന്ധപ്പെടുത്താനാവില്ല. എന്നാല്‍ ഇവ തമ്മില്‍ വിദൂരമായ ഒരു ബന്ധമുണ്ട്. വിറ്റാമിന്‍ ഡിയുടെ കുറവ്, നീര്‍ക്കെട്ട്, പുകവലി എന്നിവയും ഉദ്ധാരണ തകരാറുണ്ടാക്കുന്ന കാര്യങ്ങളാണ്.