തടി കൂടാന്‍ വിചിത്ര കാരണങ്ങള്‍

ഡിപ്രഷന്‍

ഡിപ്രഷന്‍ തടി കൂടാനിടയാക്കും. ഹോര്‍മോണ്‍ വ്യതിയാനങ്ങള്‍ മാത്രമല്ല, ഡിപ്രഷന് ഗുളികകള്‍ കഴിയ്ക്കുന്നുണ്ടെങ്കില്‍ ഇവയും തടി കൂടാനുള്ള പ്രധാന കാരണമാണ്.

ഗുളികകള്‍

ഗര്‍ഭനിരോധന ഗുളികകള്‍, ഹോര്‍മോണ്‍ തെറാപ്പിയ്ക്കു വേണ്ടി കഴിയ്ക്കുന്ന ഹോര്‍മോണ്‍ ഗുളികകള്‍, ബ്രെസ്റ്റ് ക്യാന്‍സര്‍ മരുന്നുകള്‍, ബിപി, ഹൃദയപ്രശ്‌നങ്ങള്‍ എന്നിവയ്ക്കുള്ള മരുന്നുകള്‍ എ്ന്നിവ ഇതിനുള്ള കാരണങ്ങളാകാം.

ദഹനം

ദഹനം ശരിയല്ലാത്തത്, ശോധനക്കുറവ് എന്നിവയെല്ലാം തടി കൂടാനുള്ള കാരണങ്ങള്‍ തന്നെയാണ്.

വൈറ്റമിന്‍ കുറവ്

വൈറ്റമിന്‍ ഡി, മഗ്നീഷ്യം, അയേണ്‍ എന്നിവയുടെ കുറവ് ശരീരത്തിലെ ഊര്‍ജനിലയേയും അപചയപ്രക്രിയയേയും ദോഷകരമായി ബാധിയ്ക്കും. ഇതും തടി കൂടാനുള്ള കാരണമാകാറുണ്ട്.

പ്രായം

പ്രായമേറുന്നതോടെ ശരീരത്തിലെ അപചയപ്രക്രിയ സാവധാനമാകും. ഇതും തടി കൂടാനുള്ള കാരണമാണ്.

മസില്‍ പ്രശ്‌നങ്ങള്‍, വാതം

മസില്‍ സംബന്ധമായ പ്രശ്‌നങ്ങളും വാതവുമെല്ലാം തടി കൂടാനുള്ള കാരണങ്ങളാണ്. പ്രത്യേകിച്ചു പ്രായമേറുന്തോറും.

കുഷിന്‍സ് സിന്‍ഡ്രോം

കുഷിന്‍സ് സിന്‍ഡ്രോം എന്നൊരു അവസ്ഥയുണ്ട്. വളരെ അപൂര്‍വമായി മാത്രം വരുന്ന ഇത് തടി കൂട്ടുന്നതിനോടൊപ്പം ബിപി, വാതം തുടങ്ങിയ രോഗങ്ങളും വരുത്തി വയ്ക്കും. ശരീരത്തിന് പോഷകങ്ങള്‍ ആഗിരണം ചെയ്യാന്‍ കഴിയാതെ വരുന്നതാണിത്.

ഗര്‍ഭകാലത്ത് കൊഴുപ്പുള്ള ഭക്ഷണങ്ങള്‍

അമ്മമാര്‍ ഗര്‍ഭകാലത്ത് കൂടുതല്‍ കൊഴുപ്പുള്ള ഭക്ഷണങ്ങള്‍ കഴിച്ചാല്‍ കുട്ടിയ്ക്കു ഭാവിയില്‍ തടി കൂടാന്‍ സാധ്യതയുണ്ട്. കുട്ടിക്കാലത്തു മാത്രമല്ല, മുതിര്‍ന്നാലും.

അന്തരീക്ഷമലിനീകരണം

അന്തരീക്ഷമലിനീകരണം ശരീരത്തിലെ അപചയപ്രക്രിയകളെ സാവധാനമാക്കുന്നു. ഇതും തടി കൂടാനുള്ള കാരണമാകാറുണ്ട്.

പ്രായമുള്ള സ്ത്രീകള്‍ അമ്മമാരാകുമ്പോള്‍

30ന് മുകളില്‍ പ്രായമുള്ള സ്ത്രീകള്‍ അമ്മമാരാകുമ്പോള്‍ ഇവര്‍ക്കു ജനിയ്ക്കുന്ന കുട്ടികള്‍ക്ക് തടി കൂടാനുളള സാധ്യതയുണ്ടെന്നു പഠനങ്ങള്‍ തെളിയിച്ചിട്ടുണ്ട്. പ്രായക്കുറവുള്ള അമ്മമാരേക്കാള്‍ ഇവര്‍ക്കുണ്ടാകുന്ന കുട്ടികള്‍ക്ക് 2.8 ശതമാനം വരെ കൊഴുപ്പ കൂടുതലുണ്ടാകാന്‍ സാധ്യതയേറെയാണ്.

രാത്രിയില്‍ ലൈറ്റ്‌

രാത്രിയില്‍ ലൈറ്റിട്ടിരിയ്ക്കുന്നവര്‍ക്കും ലൈറ്റില്‍ ഉറങ്ങുന്നവര്‍ക്കുമെല്ലാം തടി കൂടാന്‍ സാധ്യതയേറെയാണ്. ഇതും പഠനഫലമാണ്.

തണുത്ത അന്തരീക്ഷം

തണുത്ത അന്തരീക്ഷത്തില്‍ ജീവിയ്ക്കുന്നവര്‍ക്ക് തടി കൂടാനുള്ള സാധ്യത കൂടുതലാണ്. ഇത്തരം സാഹചര്യത്തില്‍ ശരീരത്തിന് ശരീരം തണുപ്പിയ്ക്കാനുള്ള പ്രക്രിയ ചെയ്യേണ്ടി വരുന്നില്ല. ഇതാണ് കാരണമായി പറയുന്നത്. സ്ഥിരം എസിയില്‍ ജീവിയ്ക്കുന്നവര്‍ക്കും ഇതു ബാധകമാണ്.