വായ്നാറ്റമകറ്റാന്‍ എളുപ്പ വഴികള്‍

Wellness

oi-Staff

By Super

Updated: Thursday, October 29, 2015, 15:39 [IST]

വായ്നാറ്റം എന്നത് പലരും നേരിടുന്ന ഒരു പ്രശ്നമാണ്. ഇത് പരിഹരിക്കാന്‍ ആവശ്യത്തിന് വെള്ളം കുടിക്കുകയും, വിറ്റാമിന്‍ സി ധാരാളമായുള്ള ഭക്ഷണങ്ങള്‍ കഴിക്കുകയും, ചായ കുടിക്കുകയും ചെയ്താല്‍ മതി.

ന്യൂട്രീഷണിസ്റ്റും, വെയ്റ്റ് മാനേജ്മെന്‍റ് വിദഗ്ദയുമായ അമ്രപാലി പാട്ടീല്‍ വായ്നാറ്റം അകറ്റാനുള്ള ചില വഴികള്‍ നിര്‍ദ്ദേശിക്കുന്നു.

1. വെള്ളം - കുലുക്കുഴിയുന്നത് പോലെ വായില്‍ വെള്ളം സാവധാനം ചുഴറ്റുക. ഇത് കുടിക്കുകയോ തുപ്പുകയോ ചെയ്യുക. ശരീരത്തില്‍ ജലാശം ലഭിക്കുമ്പോള്‍ വായില്‍ ഉമിനീര് രൂപപ്പെടുന്നത് കുറയും. ബാക്ടീരിയയെ നേര്‍പ്പിച്ച് വായ ശുചീകരിക്കാനായാണ് ഉമിനീര് നിര്‍മ്മിക്കപ്പെടുന്നത്. ബാക്ടീരിയകളും അവയുടെ ഉപോത്പന്നങ്ങളുമാണ് വായ്നാറ്റത്തിന് കാരണമാകുന്നത്.

2. വിറ്റാമിന്‍ സി - ഓറഞ്ച്, നാരങ്ങ, കിവി തുടങ്ങി നാരങ്ങ വര്‍ത്തില്‍പ്പെട്ട എല്ലാ പഴങ്ങളും വിറ്റാമിന്‍ സി ധാരാളമായി അടങ്ങിയതും, വായ്നാറ്റം അകറ്റാന്‍ സഹായിക്കുന്നതുമാണ്. വിറ്റാമിന്‍ സി ബാക്ടീരിയകളെ അകറ്റാന്‍ കഴിവുള്ളതാണ്.

3.ആപ്പിള്‍ - ആപ്പിള്‍ കഴിക്കുമ്പോള്‍ ഉമിനീരിന്‍റെ ഉത്പാദനം ഉത്തേജിപ്പിക്കപ്പെടും. ഇത് വഴി വായിലെ ബാക്ടീരിയകള്‍ പുറന്തള്ളപ്പെടുകയും വായ്നാറ്റം മാറുകയും ചെയ്യും.

4. കറുവപ്പട്ട ചായ - വായയും ശ്വാസവും ഫ്രഷായി നിലനിര്‍ത്താന്‍ കറുവപ്പട്ട ചായ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.