രക്തസമ്മര്‍ദ്ദത്തിന്റെ ഒളിച്ചിരിക്കും കാരണങ്ങള്‍

കടുത്ത തലവേദന

തലവേദനയെല്ലാം രക്തസമ്മര്‍ദ്ദത്തിന്റെ ലക്ഷണങ്ങളാകണമെന്നില്ല. എന്നാല്‍ പലപ്പോഴും നമ്മള്‍ അവഗണിക്കുന്ന തലവേദന രക്തസമ്മര്‍ദ്ദത്തിന്റെ ലക്ഷണമാകും. തലച്ചോറിലേക്കുള്ള ഓക്‌സിജന്റെ അളവില്‍ കുറവ് സംഭവിക്കുമ്പോഴാണ് ഇത്തരത്തില്‍ തലവേദനയുണ്ടാകുന്നതും.

മൂക്കില്‍ നിന്നും രക്തം വരുക

മൂക്കില്‍ നിന്നും രക്തം വരുന്നതും രക്തസമ്മര്‍ദ്ദത്തിന്റെ പ്രകടമായ ലക്ഷണങ്ങളിലൊന്നാണ്. പലപ്പോഴും നമ്മള്‍ അത്ര പ്രാധാന്യം നല്‍കാതെ അവഗണിക്കുന്ന ലക്ഷണങ്ങളില്‍ വലുതാണ് ഇത്.

കണ്ണുകളിലെ വേദന

കണ്ണുകളിലെ വേദനയെ നമ്മള്‍ പലപ്പോഴും കമ്പ്യൂട്ടറിനെ കുറ്റം പറഞ്ഞ് തീര്‍ക്കും. എന്നാല്‍ ഇത് പലപ്പോഴും രക്തസമ്മര്‍ദ്ദം ഉയരുന്നതിന്റെ സൂചനയാവാം.

നിരന്തരമുള്ള ചുമ

നിരന്തരമുള്ള ചുമ ഇത്തരത്തില്‍ രക്തസമ്മര്‍ദ്ദത്തിന്റെ തോത് ഉയരുന്നതിന്റെ ലക്ഷണമാണ്. അതുകൊണ്ടു തന്നെ ഉടന്‍ ഡോക്ടറെ കണ്ട് പരിശോധിക്കേണ്ടതാണ്.

നെഞ്ചുവേദന

നെഞ്ചു വേദന പലപ്പോഴും ഹൃദ്രോഗത്തിന്റെ ഗണത്തിലാണ് നമ്മള്‍ പെടുത്താറ്. എന്നാല്‍ പല നെഞ്ചു വേദനകളും രക്തസമ്മര്‍ദ്ദത്തിന്റെ കൂടി ലക്ഷണമാകാം.

ക്ഷീണം കൂടുതല്‍

ശാരീരികവും മാനസികവുമായ ക്ഷീണം എപ്പോഴും ഉണ്ടാവുന്നത് രക്തസമ്മര്‍ദ്ദം ഉയര്‍ന്ന തോതിലാണ് എന്നതിന്റെ ലക്ഷണമാണ്. ഇതിന്റെ പേരില്‍ ശരിയായ ചികിത്സ എടുക്കാതെ ദീര്‍ഘസമയ ജോലിയെ കുറ്റപ്പെടുത്തുന്നതും നല്ലതല്ല.