പുകവലിക്കാര്‍ക്ക് മാത്രമല്ല ശ്വാസകോശാര്‍ബുദം

സിഗരറ്റാണോ കരണം

ശ്വാസകോശാര്‍ബുദത്തിന്റെ പ്രധാന കാരണം സിഗരറ്റാണോ? പുകവലി ഒരു പ്രശ്‌നമാണെങ്കിലും മറ്റു കാരണങ്ങളും ക്യാന്‍സറിന് കാരണമാകും. സിഗരറ്റില്‍ അടങ്ങിയിട്ടുള്ള കെമിക്കല്‍ ശ്വാസകോശാവരണത്തെ നശിപ്പിക്കുകയും ഇതിലൂടെ വൈറസ്, ബാക്ടീരിയ തുടങ്ങിയവയ്ക്ക് യഥേഷ്ഠം വിഹരിക്കാന്‍ സ്ഥലം ഒരുക്കുകയും ചെയ്യുന്നു.

ലക്ഷണങ്ങള്‍

നിര്‍ത്താത്ത ചുമ, നെഞ്ചു വേദന, ശ്വസനസംബന്ധമായ പ്രശ്‌നങ്ങള്‍, രക്തത്തോടു കൂടി കഫം, വിട്ടു മാറാത്ത പനി എന്നിവയാണ് പ്രധാനമായും ശ്വാസകോശാര്‍ബുദത്തിന്റെ ലക്ഷണങ്ങള്‍.

വിവിധ തരത്തിലുള്ള ക്യാന്‍സര്‍

ശ്വാസകോശാര്‍ബുദമാണെങ്കിലും വിവിധ തരത്തില്‍ ഉണ്ട്. പുകവലിക്കുന്നവരിലും പുകവലിക്കാത്തവരിലും ഇത്തരത്തിലുള്ള ക്യാന്‍സര്‍ ലക്ഷണങ്ങള്‍ കാണപ്പെടും. പുകവലിക്കുന്നവരില്‍ കാണപ്പെടുന്ന ക്യാന്‍സര്‍ പെട്ടെന്നു തന്നെ ശ്വാസകോശത്തിന്റെ മറ്റു ഭാഗങ്ങളിലേക്ക് വ്യാപിക്കും. എന്നാല്‍ പുകവലിക്കാത്തവരുടെ ശ്വാസകോശത്തിലുണ്ടാവുന്ന ക്യാന്‍സര്‍ ചികിത്സിച്ചു മാറ്റാവുന്നതും പതുക്കെ വളരുന്നതുമായിരിക്കും.

ക്യാന്‍സര്‍ ഘട്ടങ്ങള്‍

ശ്വാസകോശാര്‍ബുദത്തിന്റെ ഓരോ ഘട്ടങ്ങളും വ്യത്യസ്തമാണ്. സ്മാള്‍ ലങ്‌സ് ക്യാന്‍സര്‍ ആണ് ആദ്യത്തേത്. ഇതില്‍ തന്നെ ലിമിറ്റഡ് എക്‌സറ്റന്‍സീവ് എന്ന രണ്ടു വിഭാഗവും.

രോഗത്തെ തോല്‍പ്പിക്കുന്നവര്‍

ദേശീയ ക്യാന്‍സര്‍ ഇന്‍സ്റ്റിറ്റ്യൂട്ടിന്റെ പുതിയ കണക്കനുസരിച്ച് ശ്വാസകോശാര്‍ബുദത്തെ തോല്‍പ്പിച്ചവരുടെ എണ്ണം കൂടിക്കൊണ്ടിരിക്കുകയാണ്. 2010-ല്‍ ഇത് 54 ശതമാനമായി ഉയര്‍ന്നിരുന്നു.

ചികിത്സ നേരത്തേ

ശ്വാസകോശാര്‍ബുദ ലക്ഷണങ്ങള്‍ കണ്ടു തുടങ്ങിയാല്‍ ഉടന്‍ തന്നെ ചികിത്സ തേടേണ്ടത് അത്യാവശ്യമാണ്. ട്യൂമര്‍ വളര്‍ന്നു വരുന്ന ഭാഗം എടുത്തു കളയുക എന്നതാണ് ആകെയുള്ള പോംവഴി.

രോഗത്തിനു ശേഷം ജീവിതം

രോഗത്തിനു ശേഷമുള്ള ജീവിതത്തെക്കുറിച്ച് നിങ്ങള്‍ ആലോചിച്ചിട്ടുണ്ടോ. രോഗം സ്ഥിരീകരിക്കപ്പെട്ടു കഴിഞ്ഞാല്‍ ഉടന്‍ തന്നെ ആവശ്യമായ ചികിത്സ തേടുകയാണ് ആദ്യം ചെയ്യേണ്ടത്. അല്ലാതെ രോഗിയായല്ലോ എന്നാലോചിച്ച് സ്വയം പഴിക്കുകയല്ല ചെയ്യേണ്ടത്.

പുകവലിക്കാര്‍ക്കു മാത്രമല്ല

പുകവലിക്കുന്നവര്‍ക്ക് മാത്രമല്ല ശ്വാസകോശാര്‍ബുദം ഉണ്ടാവുകയുള്ളൂ. പുകവലിക്കാരുടെ സന്തതസഹചാരികള്‍ക്കും ശ്വാസകോശാര്‍ബുദം ഉണ്ടാവാം. ഇത്തരക്കാരില്‍ അര്‍ബുദ സാധ്യത 30 ശതമാനമാണ്.

അന്തരീക്ഷ മലിനീകരണവും കാരണം

പുകവലി മാത്രമല്ല ശ്വാസകോശാര്‍ബുദത്തിന് കാരണം അന്തരീക്ഷ മലിനീകരണവും ഇത്തരത്തില്‍ അര്‍ബുദത്തിന് കാരണമാണ്. ഫ്കാടറി, പവര്‍പ്ലാന്റ് തുടങ്ങിയവയെല്ലാം ഇതിന്റെ കാരണങ്ങള്‍ തന്നെ.

പാരമ്പര്യം

എന്നാല്‍ ചില സന്ദര്‍ഭങ്ങളില്‍ പാരമ്പര്യവും ശ്വാസകോശാര്‍ബുദത്തിന് കാരണമാകും. കുടുംബത്തില്‍ ആര്‍ക്കെങ്കിലും ക്യാന്‍സര്‍ ഉണ്ടെങ്കില്‍ അത് പലപ്പോഴും ആര്‍ക്കെങ്കിലും പകര്‍ന്നു നല്‍കാനും കാരണമാകും.

പ്രതിരോധം

ഇതിനെതിരെ ആദ്യം ചെയ്യേണ്ടത് പുകവലി നിര്‍ത്തുക എന്നതാണ്. പുകവലി നമ്മെ മാത്രമല്ല ഒരു സമൂഹത്തെ മൊത്തത്തിലാണ് നശിപ്പിക്കുന്നത് എന്ന കാര്യം നമ്മള്‍ മറക്കരുത്.