ഈ പഴങ്ങള്‍ അല്‍പം അപകടകാരികള്‍....

ചെറി മുന്‍പന്തിയില്‍

ഇതില്‍ മുന്‍പന്തിയില്‍ നില്‍ക്കുന്ന പഴമാണ് ചെറി. ഇതിലടങ്ങിയിട്ടുള്ള പഞ്ചസാരയുടെ അളവ് വളരെ കൂടുതലാണ് എന്നുള്ളതാണ് ചെറിയെ മറ്റുള്ള പഴങ്ങളില്‍ നിന്ന് മാറ്റി നിര്‍ത്താന്‍ കാരണമാകുന്നത്.

മുന്തിരിയും മോശമല്ല

മുന്തിരിയും ഉണ്ടാക്കുന്ന ആരോഗ്യ പ്രശ്‌നങ്ങള്‍ കുറവല്ല. എന്നാല്‍ മുന്തിരി ജ്യൂസ് ആയി കഴിക്കുന്നതിനേക്കാള്‍ അല്‍പമെങ്കിലും ആരോഗ്യം നല്‍കുന്നത് മുന്തിരി തനിയെ കഴിക്കുമ്പോഴാണ്.

മാതള നാരങ്ങ

നിരവധി ആരോഗ്യഗുണങ്ങള്‍ അടങ്ങിയിട്ടുള്ള പഴമാണ് മാതള നാരങ്ങ. സൗന്ദര്യ സംരക്ഷണത്തിന്റെ കാര്യത്തിലും മാതള നാരങ്ങ വഹിക്കുന്ന പങ്ക് വളരെ വലുതാണ്. എന്നാല്‍ ഇതില്‍ അമിത തോതില്‍ അടങ്ങിയിട്ടുള്ള പഞ്ചസാരയുടെ അളവ് ഉണ്ടാക്കുന്ന ആരോഗ്യ പ്രശ്‌നങ്ങളും ചെറുതല്ല.

മാമ്പഴം അല്‍പം പിശക്

രുചിയുടെ രാജാവാണ് മാമ്പഴം. രുചി മാത്രമല്ല ആരോഗ്യവും നല്‍കുന്നതില്‍ മാമ്പഴത്തിന്റെ പങ്ക് ശ്രദ്ധേയം തന്നെയാണ്. എന്നാല്‍ പലപ്പോഴും ഇത്തരത്തില്‍ ആരോഗ്യം നല്‍കുന്നതോടൊപ്പം അനാരോഗ്യവും മാമ്പഴം അമിതമായി കഴിക്കുന്നതിലൂടെ ലഭിക്കുന്നുണ്ടെന്നതാണ് സത്യം.

അത്തിപ്പഴം

നാട്ടിന്‍ പുറങ്ങളില്‍ സാധാരണയായി ലഭിയ്ക്കുന്ന പഴമാണ് അത്തി. എന്നാല്‍ അത്തിപ്പഴം കഴിയ്ക്കുന്നതിനു മുന്‍പ് ഒന്നാലോചിക്കുന്നത് നല്ലതാണ്. എന്തുകൊണ്ടെന്നാല്‍ അത്തിപ്പഴത്തിലും ഉയര്‍ന്ന അളവിലാണ് പഞ്ചസാരയടങ്ങിയിട്ടുള്ളത്.

വാഴപ്പഴം പുറകില്‍

ഈ ലിസ്റ്റില്‍ ഏറ്റവും അവസാനം നില്‍ക്കുന്ന ഒന്നാണ് വാഴപ്പഴം. അതിനു കാരണം വാഴപ്പഴത്തിന്റെ സ്വീകാര്യത തന്നെയാണ്. എന്നാല്‍ വാഴപ്പഴത്തിന്റെ ഉപയോഗം അല്‍പം കുറയ്ക്കുന്നതും തെറ്റില്ല. പ്രമേഹം ഉള്ളവര്‍ വാഴപ്പഴം കഴിയ്ക്കുന്നത് കുറയ്ക്കുന്നതാണ് ആരോഗ്യത്തിന് നല്ലത്.