മദ്യം ശരീരത്തില്‍ കളിയ്ക്കുന്ന കളികള്‍

രോഗപ്രതിരോധ ശേഷി കുറയ്ക്കുന്നു

മദ്യപാനത്തിന്റെ ഏറ്റവും വലിയ ദൂഷ്യ വശങ്ങളില്‍ ഒന്നാണ് ഇത്, രോഗപ്രതിരോധ ശേഷിയെ എളുപ്പത്തില്‍ തകര്‍ക്കാന്‍ മദ്യപാനത്തിന് കഴിയുന്നു. ന്യൂമോണിയ, ടി ബി തുടങ്ങിയവ പെട്ടെന്ന് പിടികൂടും എന്നത് ഇവരുടെ പ്രത്യേകതയാണ്.

തലച്ചോറിന്റെ പ്രതികരണം

നമ്മുടെ ശരീരത്തെ മൊത്തത്തില്‍ നിയന്ത്രിക്കുന്നത് തലച്ചോറാണ്. ആ തലച്ചോറിന്റെ പ്രവര്‍ത്തനത്തെ താറുമാറാക്കാന്‍ മദ്യപാനത്തിനു കഴിയും. മാത്രമല്ല മറവി എന്ന വില്ലനെ നമുക്ക് സമ്മാനിക്കാനും മദ്യ മിടുക്കനാണ്.

രക്തസമ്മര്‍ദ്ദം

മദ്യപിച്ചവര്‍ പെട്ടെന്ന് ദേഷ്യപ്പെടുന്ന സ്വഭാവക്കാരായിരിക്കും. ഇവര്‍ക്ക് ഒരിക്കലും ഇവരുടെ ദേഷ്യത്തെ നിയന്ത്രിക്കാന്‍ കഴിയില്ല. അതുകൊണ്ടു തന്നെ ഇവരുടെ രക്തസമ്മര്‍ദ്ദം വളരെ കൂടുതലായിരിക്കും.

അള്‍സര്‍ സാധ്യത

മദ്യപിക്കുന്നവരില്‍ മാത്രമേ അള്‍സര്‍ ഉണ്ടാവുകയുള്ളൂ എന്ന ചോദ്യം അവിടെ പ്രസക്തമല്ല. കാരണം മദ്യപിക്കാത്തവരിലും അള്‍സര്‍ ഉണ്ടാവും. എന്നാല്‍ മദ്യപിക്കുന്നവരില്‍ അള്‍സര്‍ ഉണ്ടാവാനുള്ള സാധ്യത 70 ശതമാനത്തോളമാണ്.

വിവിധ തരത്തിലുള്ള ക്യാന്‍സര്‍

വിവിധ തരത്തിലുള്ള ക്യാന്‍സറിന് മദ്യപിക്കുന്നവരില്‍ സാധ്യത വളരെ വലുതാണ്. മിതമായി മദ്യപിക്കുന്നവരും ഈ സാധ്യത തള്ളിക്കളായാനാവില്ല. വായിലെ ക്യാന്‍സര്‍, സ്തനാര്‍ബുദം, തൊണ്ടയിലെ ക്യാ്ന്‍സര്‍ തുടങ്ങി നിരവധി ക്യാന്‍സര്‍ ഇവരെ പെട്ടെന്ന് പിടി കൂടും.