ഈ ക്യാന്‍സറൊക്കെ ഇത്രേ ഉള്ളൂ....

Published: Monday, November 2, 2015, 11:39 [IST]

എന്നും നമ്മള്‍ ഭയപ്പാടോടെ മാത്രം നോക്കിക്കണ്ട രോഗമാണ് ക്യാന്‍സര്‍. ഇന്നും അതില്‍ നിന്നും സ്ഥിതി അല്‍പം പോലും വ്യത്യസ്തമല്ല എന്നുള്ളതും സത്യം. എങ്കിലും നമ്മുടെ പല പ്രമുഖരും ക്യാന്‍സറിനെ അതിജീവിച്ചതു വച്ചു നോക്കുമ്പോള്‍ നമുക്കും എന്തുകൊണ്ട് ഇങ്ങനെ കഴിയുന്നില്ല എന്നു തോന്നും.

ക്യാന്‍സര്‍ എന്ന രോഗത്തേക്കാള്‍ നമ്മളെ ഭയപ്പെടുത്തുന്നത് മറ്റുള്ളവര്‍ പറഞ്ഞു നമ്മളില്‍ അടിച്ചേല്‍പ്പിക്കാന്‍ ശ്രമിക്കുന്ന ചില ക്യാന്‍സര്‍ വിശ്വാസങ്ങളാണ്. ക്യാന്‍സറിനേക്കാള്‍ ആഴത്തില്‍ അത് നമ്മളില്‍ ഉറച്ചു പോകും. ഇത്തരത്തിലുള്ള ചില ഊഹോപഹങ്ങളെ തന്നെയാണ് നാം ആദ്യം ഓടിച്ചു വിടേണ്ടതും. ഇവ ക്യാന്‍സര്‍ ലക്ഷണങ്ങളുമാകാം

ഇതുപോലെയൊക്കെ ചെയ്താല്‍ ക്യാന്‍സര്‍ വരും എന്നൊരു ധാരണയാണ് ഇന്നുള്ളത്. കാലവും ശാസ്ത്രവും ഇത്രയേറെ പുരോഗമിച്ചിട്ടും ഇപ്പോഴും നിലനില്‍ക്കുന്ന ക്യാന്‍സര്‍ മിത്തുകള്‍ എന്തൊക്കെയെന്ന് നോക്കാം.

ഡിയോഡ്രന്റ് ക്യാന്‍സറിനു കാരണം

ക്യാന്‍സര്‍ വരുന്നതിന് പ്രധാന കാരണം പുകവലിയോ ജീവിത ശൈലിയോ മദ്യപാനമോ ഒന്നുമല്ല ഡിയോഡ്രന്റ് ആണെന്നതാണ് ഇന്നത്തെ വിശ്വാസം. എന്നാല്‍ 2002-ല്‍ ഫ്രെഡ് ങച്ചിന്‍സണ്‍ ക്യാന്‍സര്‍ റിസര്‍ച്ച് സെന്റര്‍ നടത്തിയ പഠനത്തില്‍ ക്യാന്‍സറിന് ഇത്തരത്തിലുള്ള വസ്തുക്കളൊന്നും കാരണമാകില്ലെന്ന് കണ്ടെത്തിയിട്ടുണ്ട്.

ഗുളികകളുടെ അമിതോപയോഗം

പലര്‍ക്കും ഒരു തലവേദന വന്നാല്‍ പോലും സഹിക്കാന്‍ പറ്റില്ല, അപ്പോള്‍ എടുക്കും ഗുളിക. എന്നാല്‍ പലപ്പോഴും ഇത്തരത്തില്‍ ഗുളികകളുടെ അമിതോപയോഗം ക്യാന്‍സറിന് കാരണമാകുന്നു എന്നൊരു ധാരണയുണ്ട്. എന്നാല്‍ ഇത് മറ്റ് ആരോഗ്യ പ്രശ്‌നങ്ങളുണ്ടാക്കും എന്നല്ലാതെ ക്യാന്‍സറിന് കാരണമാകില്ല.

മുടി ഡൈ ചെയ്യരുത്

മുടി ഡൈ ചെയ്യുന്നത് ക്യാന്‍സറിന് കാരണമാകുന്നുവോ? എന്നാല്‍ 2014 മെയ് 25ന് അമേരിക്കന്‍ മെഡിക്കല്‍ അസോസ്സിയേഷന്‍ നടത്തിയ പഠനത്തിലാണ് ഡൈ ചെയ്യുന്നതും ക്യാന്‍സറുമായി യാതൊരു വിധ ബന്ധവുമില്ലെന്ന് തെളിഞ്ഞത്.

റെഡ് വൈനിന്റെ ഉപയോഗം

റെഡ് വൈനിന്റെ അമിത ഉപയോഗം ക്യാന്‍സറിന് കാരണം എന്നൊരു ധാരണ നമുക്കിടയില്‍ നിനലനിന്നിരുന്നു. എന്നാല്‍ ആല്‍ക്കഹോളിന്റെ ഉപയോഗമാണ് ക്യാന്‍സറിന് കാരണമാകുന്നത്.

ബ്രാ ഉപയോഗിക്കുന്നത്

സ്ത്രീകള്‍ ബ്രാ ഉപയോഗിക്കുന്നത് സ്തനാര്‍ബുദത്തിന് കാരണമാകുമെന്നാണ് പറയപ്പെട്ടിരുന്നത്. എന്നാല്‍ ഇത്തരത്തിലുള്ള കാര്യങ്ങള്‍ക്ക് യാതൊരു പ്രസക്തിയുമില്ലെന്നതാണ് സത്യം.

അസിഡിക് ഭക്ഷണങ്ങള്‍

പല ഭക്ഷണങ്ങളും ഭക്ഷണ ശീലങ്ങളും ക്യാന്‍സറിന് കാരണമാകും എന്നത് സത്യമാണ്. എന്നാല്‍ പലപ്പോഴും അസിഡിക് ആയിട്ടുള്ള ഭക്ഷണങ്ങള്‍ ക്യാന്‍സര്‍ വരുത്തിവെയ്ക്കുമെന്നത് തെറ്റായ ധാരണയാണ്.

ആസ്പിരിന്‍ ക്യാന്‍സര്‍ കുറയ്ക്കും

എന്നാല്‍ ആസ്പിരിന്റെ ഉപയോഗം ക്യാന്‍സര്‍ കുറയ്ക്കുമെന്ന് പല പഠനങ്ങളില്‍ നന്നുമായി കണ്ടെത്തിയിട്ടുണ്ട്.

മൊബൈല്‍ ദൂരെക്കളയൂ

മൊബൈല്‍ ഫോണിന്റെ ഉപയോഗം ക്യാന്‍സറിനു കാരണമാകുമോ? എന്നാല്‍ നാല് ലക്ഷത്തിലധികം ആളുകളില്‍ നടത്തിയ പഠനത്തില്‍ മൊബൈല്‍ ഉപയോഗം ക്യാന്‍സര്‍ ഉണ്ടാക്കുന്നില്ലെന്ന് കണ്ടെത്തി.