ഇവര്‍ മാത്രമല്ല, നിങ്ങളും സൂക്ഷിക്കുക

ദഹനക്കേട് വരെ കാരണം

നമ്മുടെ ഭക്ഷണം നന്നായി ദഹിക്കാത്തത് വരെ അല്‍ഷിമേഴ്‌സിന് കാരണമാകുന്നുണ്ടെന്നാണ് കാലിഫോര്‍ണിയ സര്‍വ്വകലാശാലയിലെ ഗവേഷകര്‍ കണ്ടെത്തിയിട്ടുള്ളത്. 300 അല്‍ഷിമേഴ്‌സ് രോഗികളെ നിരൂക്ഷിച്ചതില്‍ നിന്നും അവരുടെ പൊതുവായ ജീവിത ശൈലി നോക്കിയാണ് ഇത്തരത്തിലൊരു നിഗമനത്തില്‍ എത്തിയത് അധികൃതര്‍.

രക്തധമനി ചുരുങ്ങല്‍

രക്തധമനി ചുരുങ്ങുന്നതും ഒരു പരിധി വരെ അല്‍ഷിമേഴ്‌സിന് കാരണമാകാം. രക്തയോട്ടം ആവശ്യത്തിന് എത്താത്തതും നമ്മുടെ തലച്ചോറിന്റെ പ്രവര്‍ത്തനങ്ങളെ മന്ദീഭവിപ്പിക്കുന്നു.

വിദ്യാഭ്യാസത്തിന്റെ കുറവ്

വിദ്യാഭ്യാസത്തിന്റെ അഭാവം ഇത്തരത്തിലുള്ള രോഗങ്ങളില്‍ ഒരു വലിയ വില്ലനാവുന്നുണ്ട്. ഇത്തരക്കാരില്‍ മറവിരോഗം വന്നാല്‍ എന്ത് ചെയ്യണമെന്നോ അല്ലെങ്കില്‍ വരാതിരിക്കാന്‍ എന്താണ് ചെയ്യേണ്ടതെന്നോ എന്നതിനെക്കുറിച്ച് അറിവുണ്ടായിരിക്കില്ല.

ഡിപ്രഷന്‍ പ്രധാന കാരണം

ഡിപ്രഷനും ഒരു തരത്തില്‍ അല്‍ഷിമേഴ്‌സിന്റെ പ്രധാന കാരണങ്ങളില്‍ ഒന്നാണ്. ഇതുണ്ടാക്കുന്ന മാനസിക സമ്മര്‍ദ്ദത്തില്‍ നിന്നുമാണ് അധികം അല്‍ഷിമേഴ്‌സ് രോഗികളും ജനിക്കുന്നതെന്നാണ് ഗവേഷക അഭിപ്രായം.

ഉയര്‍ന്ന രക്തസമ്മര്‍ദ്ദം

രക്ത സമ്മര്‍ദ്ദം അല്‍ഷിമേഴസ് ഉണ്ടാക്കുന്നതില്‍ ഒരു പ്രധാന വില്ലനാണ്. അതുകൊണ്ടു തന്നെ രക്ത സമ്മര്‍ദ്ദമുള്ളവര്‍ അല്‍ഷിമേഴ്‌സിനെ ഭയക്കുന്നത് നല്ലതാണ്. അതിനനുസരിച്ചുള്ള ശ്രദ്ധയും പരിചരണവും നല്‍കാന്‍ ഇന്നു മുതല്‍ ശ്രമിക്കുക.

തളര്‍ച്ചയെ വെറും തളര്‍ച്ചയായി തള്ളണ്ട

നമുക്കുണ്ടാവുന്ന തളര്‍ച്ച പലപ്പോഴും പല കാരണങ്ങള്‍ കൊണ്ടായിരിക്കും. എന്നാല്‍ ഇപ്പോള്‍ ഭയക്കേണ്ട ഒരു കാരണം കൂടി. ഇത് ചിലപ്പോള്‍ അല്‍ഷിമേഴ്‌സ് ലക്ഷണമാവാം എന്നുള്ളതാണ്. എന്നാല്‍ പലപ്പോഴും ഇത് നമ്മള്‍ അവഗണിക്കുകയാണ് പതിവ്.

പുകവലി ശീലം നിര്‍ത്തിക്കോളൂ

പുകവലി ശീലം നിര്‍ത്തുന്നതാണ് നമ്മുടെ ആരോഗ്യത്തിന് നല്ലത്. എന്നാല്‍ ഇപ്പോള്‍ അല്‍ഷിമേഴ്‌സിനു കൂടി വില്ലനായി മാറിയിരിക്കുകയാണ് പുകവലി ശീലം.

അമിനോ ആസിഡിന്റെ ഉയര്‍ന്ന തോത്

ഉയര്‍ന്ന തോതിലുള്ള അമിനോ ആസിഡ് ആണ് ഇവിടെ വില്ലന്‍. ഇതും അല്‍ഷിമേഴ്‌സ് സാധ്യത ഇരട്ടിയായി വര്‍ദ്ധിപ്പിക്കുന്നു.

പ്രമേഹം ശ്രദ്ധിക്കുക

നിങ്ങള്‍ പ്രമേഹ രോഗികളാണോ എങ്കില്‍ നിങ്ങളുടെ അല്‍ഷിമേഴ്‌സ് സാധ്യതയും വളരെ കൂടുതലാണ്. അതുകൊണ്ടു തന്നെ ഇതിനെ ഒന്നു ശ്രദ്ധിക്കുന്നത് നന്നായിരിക്കും.