ഭക്ഷണത്തില്‍ മസാലകള്‍ ചേര്‍ക്കണം, കാരണം?

1. കറുവപ്പട്ട

ഡെസെര്‍ട്ടുകളിലടക്കം ഉപയോഗിക്കുന്ന ഒന്നാണ് കറുവപ്പട്ട. ഒരു നുള്ള് കറുവപ്പട്ട നിങ്ങളുടെ പ്രാതല്‍, ഉച്ചഭക്ഷണം, അത്താഴം എന്നിവയില്‍ ചേര്‍ക്കാം. കറുവപ്പട്ട പതിവായി ഉപയോഗിക്കുന്നത് കൊളസ്ട്രോളും രക്തത്തിലെ പഞ്ചസാരയുടെ അളവും കുറയ്ക്കും.

2. ജാതിക്ക

പോഷകപ്രദവും, രുചികരവും, സുഗന്ധവുമുള്ള ജാതിക്ക അരിഞ്ഞ് സൂപ്പ്, സോസ്, ഗ്രേവി എന്നിവയില്‍ ഉപയോഗിക്കുന്നത് രുചി വര്‍ദ്ധിപ്പിക്കാന്‍ സഹായിക്കും.

3. ഗ്രാമ്പൂ

ഔഷധ ഗുണവും, സുഗന്ധവും വഴി ലോകമെങ്ങും സ്വീകരിക്കപ്പെടുന്നതാണ് ഗ്രാമ്പൂ. ഇതില്‍ ആന്‍റി സെപ്റ്റിക്, ആന്‍റി ഓക്സിഡന്‍റ് ഘടകങ്ങള്‍ അടങ്ങിയിരിക്കുന്നു. ഇവ ദഹനം മെച്ചപ്പെടുത്താനും മികച്ചതാണ്.

4. ഏലക്ക

മികച്ച സുഗന്ധവും രുചിയുമുള്ള, ഔഷധ ഘടകങ്ങളടങ്ങിയ സുഗന്ധവ്യഞ്ജനമാണ് ഏലക്ക. രണ്ട് തരം ഏലക്കകളുണ്ട്. ഒന്ന് ഇളം പച്ച നിറമുള്ളതും, ഇരുണ്ട ബ്രൗണ്‍ നിറമുള്ളതും. രണ്ടാമത്തേത് കടുത്ത കര്‍പ്പൂര ഗന്ധമുള്ളതാണ്. ഇവ രണ്ടിലും ആന്‍റി-സ്പാസ്മോഡിക്, ഡൈയൂററ്റിക്, ആന്‍റി സെപ്റ്റിക് ഘടകങ്ങള്‍ അടങ്ങിയിട്ടുണ്ട്.

5. മഞ്ഞള്‍

ഏറെ ഔഷധ ഘടകങ്ങളുള്ള സുഗന്ധ വ്യഞ്ജനമാണ് മഞ്ഞള്‍. ഇതിലെ കുര്‍കുമിന്‍ എന്ന ഘടകം ക്യാന്‍സറിനെ ചെറുക്കാന്‍ സഹായിക്കുന്നതാണ്. മഞ്ഞളില്‍ ആന്‍റി ഇന്‍ഫ്ലമേറ്ററി ഘടകങ്ങളും അടങ്ങിയിരിക്കുന്നു.

6. പുതിന

സാധാരണമായി ഉപയോഗിക്കപ്പെടുന്ന ഒരു ഔഷധസസ്യമാണിത്. ദഹന പ്രശ്നങ്ങള്‍ ശമിപ്പിക്കാനും, ഛര്‍ദ്ദി കുറയ്ക്കാനും ഇത് സഹായിക്കും.

7. തുളസി

മുട്ട, സാലഡ്, സൂപ്പ്, മാംസം, ഗ്രില്‍ ചെയ്ത പച്ചക്കറികള്‍ എന്നിവയിലെല്ലാം ഉപയോഗിക്കാവുന്നതാണ് തുളസി. ഇറ്റാലിയന്‍ പാചകത്തില്‍ സാധാരണമായി ഉപയോഗിക്കുന്ന തുളസി ക്യാന്‍സറിനെ തടയാന്‍ സഹായിക്കുന്ന ഘടകങ്ങള്‍ അടങ്ങിയതാണ്. ആന്‍റി ഇന്‍ഫ്ലമേറ്ററി ഘടകങ്ങളടങ്ങിയ തുളസി ഓസ്റ്റിയോ ആര്‍ത്രൈറ്റിസ് ശമിപ്പിക്കാന്‍ സഹായിക്കും.

8. പനിക്കൂര്‍ക്ക

പനിക്കൂര്‍ക്ക അഥവാ ഓറിഗാനോ ഇറ്റാലിയന്‍, ഗ്രീക്ക് പാചകങ്ങളില്‍ ഉപയോഗിക്കുന്ന ആന്‍റി വൈറല്‍, ആന്‍റി ബയോട്ടിക്, ആന്‍റി ക്യാന്‍സര്‍ ഘടകങ്ങളടങ്ങിയ സസ്യമാണ്. നിങ്ങളുടെ സൂപ്പില്‍ രണ്ട് ടീസ്പൂണ്‍ പനിക്കൂര്‍ക്ക നീര് ചേര്‍ത്താല്‍ അത് പല തരത്തിലും ഗുണകരമാകും.