ലൈംഗികശേഷി കെടുത്തും മരുന്നുകള്‍

Published: Wednesday, August 12, 2015, 11:49 [IST]

മരുന്നുകള്‍ അസുഖം മാറാന്‍ പലപ്പോഴും അത്യാവശ്യമാണ്. എന്നാല്‍ ചില മരുന്നുകള്‍ അസുഖം ഭേദമാക്കുമ്പോള്‍ മറ്റെന്തെങ്കിലും പാര്‍ശ്വഫലങ്ങളും വരുത്തും.

വയാഗ്ര സാധാരണ ലൈംഗികശേഷി വര്‍ദ്ധിപ്പിയ്ക്കുമെന്നവകാശപ്പെട്ട് ഇറങ്ങിയ ഒരു മരുന്നാണ്. ഇതുപയോഗിയ്ക്കുന്നവരും നിരവധിയാണ.്

ഇതുപോലെ ചില മരുന്നുകള്‍ ലൈംഗികശേഷി കുറയ്ക്കുന്നവയുമുണ്ട്. ഇത്തരം മരുന്നുകള്‍ ഏതെല്ലാമെന്നു നോക്കൂ,

ആന്റിഡിപ്രസന്റുകള്‍

ഡിപ്രഷന്‍ മാറാന്‍ ഉപയോഗിയ്ക്കുന്ന ചില ആന്റിഡിപ്രസന്റുകള്‍, പ്രത്യേകിച്ച് പ്രോസാക്, സോളോഫ്റ്റ് എന്നിവ ലൈംഗികശേഷി കുറയ്ക്കും. എന്നാല്‍ ഇത് ചിലരില്‍ മാത്രമാണ്.

നാഡീസംബന്ധമായ പ്രശ്‌നങ്ങള്‍ക്കുപയോഗിയ്ക്കുന്ന മരുന്നുകള്‍

നാഡീസംബന്ധമായ പ്രശ്‌നങ്ങള്‍ക്കുപയോഗിയ്ക്കുന്ന ചില മരുന്നുകള്‍ ലൈംഗികശേഷി കുറയ്ക്കുമെന്നു കണ്ടെത്തിയിട്ടുണ്ട്.

ഗര്‍ഭനിരോധനഗുളികകള്‍

ഗര്‍ഭനിരോധനഗുളികകള്‍ ഹോര്‍മോണ്‍ പ്രവര്‍ത്തനത്തെ ബാധിയ്ക്കും. ഇതുവഴി ലൈംഗികതയെ വിപരീതമായി ബാധിയ്ക്കുകയും ചെയ്യും.

പ്രോസ്‌റ്റേറ്റ് സംബന്ധമായ പ്രശ്‌നങ്ങള്‍ക്കുള്ളവ

പ്രോസ്‌റ്റേറ്റ് സംബന്ധമായ പ്രശ്‌നങ്ങള്‍ക്കുള്ള മരുന്നുകളും ഇതിനു കാരണമാകും. ഇതിലെ ഫിനാസ്റ്റെറൈഡ് ടെസ്‌റ്റോസ്റ്റിറോണ്‍ ഹോര്‍മോണ്‍ പ്രവര്‍ത്തനത്തെ ബാധിയ്ക്കുന്നതാണ് കാരണം.

അലര്‍ജി

അലര്‍ജിയ്ക്കുള്ള മരുന്നുകള്‍, പ്രത്യേകിച്ച് ആന്റിഹിസ്റ്റമൈന്‍ മരുന്നുകള്‍ സെക്‌സ് ജീവിതത്തെ ബാധിയ്ക്കുന്നവയാണ്. പ്രത്യേകിച്ച് ദീര്‍ഘകാലം കഴിയ്ക്കുമ്പോള്‍...