കരള്‍ ക്ലീനാക്കും ഭക്ഷണങ്ങള്‍

ബിറ്റ്‌റൂട്ട് കാരറ്റ്

ശാരീരികാരോഗ്യത്തോടൊപ്പം തന്നെ മാനസികാരോഗ്യവും നല്‍കുന്ന ഭക്ഷണങ്ങളുടെ കൂട്ടത്തില്‍ പെടുത്താവുന്നതാണ് ബിറ്റ്‌റൂട്ടും കാരറ്റും. ഇതിലടങ്ങിയിട്ടുള്ള ബീറ്റയും കരോട്ടിനും ശരീരത്തിന്റെ മൊത്തത്തിലുള്ള പ്രവര്‍ത്തനത്തേയും കരളിന്റെ പ്രവര്‍ത്തനത്തേയും സംരക്ഷിക്കും.

തക്കാളി

തക്കാളി പലര്‍ക്കും ഇഷ്ടമല്ല. ഇതു മാത്രമല്ല തക്കാളിയെക്കുറിച്ച് ചില അപവാദങ്ങളും നിലനില്‍്കുന്നുണ്ട്്. എന്നാല്‍ കരളിനെ സംരക്ഷിക്കുന്ന കാര്യത്തില്‍ ഇത്രത്തോളം കഴിവുള്ള പച്ചക്കറി വേറെ ഇല്ലെന്നു തന്നെ പറയാം.

മാതള നാരങ്ങ

പച്ചക്കറികള്‍ മാത്രമല്ല പഴങ്ങളും കരളിന്റെ സംരക്ഷകരാണ്. ഇതിലടങ്ങിയിട്ടുള്ള വിറ്റാമിനുകളും ആന്റി ഓക്‌സിഡന്റുകളും സ്വാഭാവിക മാര്‍്ഗത്തിലൂടെ തന്നെ കരള്‍ ക്ലീനാക്കും.

ചീര

പച്ചക്കറികളില്‍ മുന്‍പിലാണ് ചീരയുടെ സ്ഥാനം. കരള്‍ മാത്രമല്ല കണ്ണിന്റെ സംരക്ഷമത്തിനും ചീര വഹിക്കുന്ന പങ്ക് വളരെ വലുതാണ്. കരളിലെ ഒരു വിധം അസുഖങ്ങള്‍ക്കെല്ലാം ചീര ഉത്തമമാണ്.

നാരങ്ങ

ആസിഡ് അടങ്ങിയിട്ടുള്ള ഭക്ഷണങ്ങളെല്ലാം തന്നെ കരളിനെ സംരക്ഷിക്കുന്നു. ഇതില്‍ പ്രധാനിയാണ് നാരങ്ങ. ഇതിലടങ്ങിയിട്ടുള്ള വിറ്റാമിന്‍ സി കരള്‍ പ്രവര്‍ത്തനങ്ങളെ ഉത്തേജിപ്പിക്കുന്നു.

കാബേജ്

കാബേജും കരളിനെ സംരക്ഷിക്കുന്ന കാര്യത്തില്‍ ഒട്ടും പുറകിലല്ല. ഇത് ശരീരത്തിലെ ടോക്‌സിനുകളെ പുറന്തള്ളുന്നതിന് സഹായിക്കുന്നു.

മഞ്ഞള്‍

മഞ്ഞള്‍ ശരീരത്തിലെ വിഷം കളയുന്ന കാര്യത്തില്‍ മുന്‍പനാണ്. ഏത് തരത്തിലുള്ള വിഷമാണെങ്കിലും മഞ്ഞളിനു മുന്നില്‍ ഒന്നുമല്ല. കരളിന്റെ പ്രവര്‍ത്തനങ്ങളെ ഉദ്ദീപിപ്പിക്കാന്‍ മഞ്ഞളിനു കഴിയും.

ആപ്പിള്‍

ദിവസവും ആപ്പിള്‍ കഴിച്ചാല്‍ ഡോക്ടറെ അകറ്റി നിര്‍ത്താമെന്നാണ് പൊതുവേ ഉള്ള അഭിപ്രായം. കരളിന്റെ സംരക്ഷണകാര്യത്തിലും സ്ഥിതി മറിച്ചല്ല. ഇത് ടോക്‌സിനെ പുറന്തള്ളി കരളിനെ ആരോഗ്യമുള്ളതാക്കുന്നു.

മുളപ്പിച്ച പയര്‍ വര്‍ഗ്ഗങ്ങള്‍

മുളപ്പിച്ച പയറുവര്‍ഗ്ഗങ്ങള്‍ക്ക് ആരാധകര്‍ അല്‍പം കൂടുതലാണ്. ഇതില്‍ ആന്റി ഓക്‌സിഡന്റിന്റെ അളവ് കൂടുതലാണ് എന്നതും ശരീരത്തിന് നല്‍കുന്ന സംഭാവന ചെറുതല്ലെന്നതും ഇതിനെ പ്രിയങ്കരമാക്കുന്നു.

വെളുത്തുള്ളി

ഔഷധഗുണങ്ങളില്‍ എന്നും മുന്‍പിലാണ് വെളുത്തുള്ളിയുടെ സ്ഥാനം. വെളുത്തുള്ളിയില്‍ അടങ്ങിയിട്ടുള്ള ആലിസിന്‍, സെലനിയം തുടങ്ങിയവ കരളിന്റെ പ്രവര്‍ത്തനങ്ങളെ ഉദ്ദീപിപ്പിക്കുന്നു.

ഇലവര്‍ഗ്ഗങ്ങള്‍

ഭക്ഷ്യയോഗ്യമായ ഏത് ഇലവര്‍ഗ്ഗങ്ങളും കരളിന്റെ ആരോഗ്യത്തെ സംരക്ഷിക്കുന്നു. മാത്രമല്ല കരളില്‍ നിന്നും ശരീരത്തില്‍ നിന്നും ടോക്‌സിനുകളെ പുറന്തള്ളി സംരക്ഷക്കുന്ന ചുമതലയും ഇലവര്‍ഗ്ഗങ്ങള്‍ നിര്‍വ്വഹിക്കുന്നു.

ഗ്രീന്‍ ടീ

ഗ്രീന്‍ ടീയുടെ ആരോഗ്യഗുണങ്ങള്‍ പറഞ്ഞാല്‍ തീരില്ല. തടി കുറയ്ക്കാനും സൗന്ദര്യ സംരക്ഷമത്തിലും എല്ലാം ഗ്രീന്‍ ടീ വഹിക്കുന്ന പങ്ക് വളരെ വലുതാണ്. അതോടൊപ്പം തന്നെ കരള്‍ പ്രവര്‍ത്തനക്ഷമമാക്കാനും ഗ്രീന്‍ ടീയ്ക്ക് കഴിയും.

ഒലീവ് ഓയില്‍

ഒലീവ് ഓയില്‍ യാതൊരു വിധത്തിലുള്ള സൈഡ് എഫ്ക്ടസും ഇല്ലാത്തതാണ്. എടോക്‌സിനുകളെ പുറന്തള്ളി ശരീരവും കരളും ക്ലീനാക്കാന്‍ ഒലീവ് ഓയിലും മിടുക്കനാണ്.