ലോക എയ്ഡ്‌സ് ദിനം 2018; എയ്ഡ്‌സും എച്ച്‌ഐവിയും

എച്ച്‌ഐവിയെന്ന വൈറസ് എയ്ഡ്‌സെന്ന അവസ്ഥ

എച്ച് ഐ വി എന്നത് ഹ്യുമന്‍ ഇമ്മ്യൂണോ ഡെഫിഷ്യന്‍സി എന്ന പേരിലുള്ള ഒരു വൈറസ് ആണ്. എന്നാല്‍ എയ്ഡ്‌സ് എന്നത് ഒരു രോഗാവസ്ഥയും. എച്ച് ഐ വി ബാധിച്ചാല്‍ അത് നമ്മുടെ രോഗ പ്രതിരോധ ശേഷിയെ നശിപ്പിക്കുന്നു. ഇത് രോഗങ്ങള്‍ നമ്മുടെ ശരീരത്തിലേക്ക് പെട്ടെന്ന് പ്രവേശിക്കാന്‍ കാരണമാകുന്നു. എന്നാല്‍ ഇത്തരത്തില്‍ പ്രതിരോധ ശക്തി നഷ്ടപ്പെട്ട രോഗാവസ്ഥയെയാണ് എയ്ഡ്‌സ് എന്നു പറയുന്നത്.

എച്ച് ഐ വി എല്ലാം എയ്ഡ്‌സല്ല

എല്ലാ എച്ച് ഐ വി വൈറസുകളും എയ്ഡ്‌സ് ആയി മാറില്ല. എന്നാല്‍ എല്ലാ എയ്ഡ്‌സും എച്ച് ഐ വി ആയി മാറും. മാത്രമല്ല ഇത്തരം വൈറസ് ബാധിച്ച ഒരാളുടെ ശരീരത്തില്‍ നിന്നും വൈറസിനെ പൂര്‍ണമായും നീക്കം ചെയ്യാനും കഴിയില്ല.

ചികിത്സ ഫലപ്രദം?

എന്നാല്‍ എച്ച് ഐ വി ബാധിച്ച ഒരാള്‍ക്ക് ചികിത്സ ഉടന്‍ നടത്തുകയാണെങ്കില്‍ അത് ഫലപ്രദമായിരിക്കും. എന്നാല്‍ ഇത് എയ്ഡ്‌സ് ആയി മാറിക്കഴിഞ്ഞാല്‍ പിന്നീട് മരണം മാത്രമായിരിക്കും രക്ഷ.

എച്ച് ഐ വി പകരും

എച്ച് ഐ വി വൈറസ് ഒരാളില്‍ നിന്നും മറ്റൊരാളിലേക്ക് പകരും. എന്നാല്‍ എയ്ഡ്‌സ് എന്ന രോഗാവസ്ഥ ഒരാളില്‍ നിന്നും മറ്റൊരാളിലേക്ക് പകരില്ല.

തിരിച്ചറിയുക പ്രയാസം

എച്ച് ഐ വി ബാധയുണ്ടെന്ന് തിരിച്ചറിയാന്‍ രക്തത്തിലേയും ഉമിനീരിലേയും ആന്റി ബോഡീസ് പരിശോധിച്ചാല്‍ മതി. എന്നാല്‍ എയ്ഡ്‌സ് എന്ന രോഗാവസ്ഥയിലേക്കെത്തുമ്പോഴേയ്ക്കും തിരിച്ചറിയാനുള്ള കാലയളവിന് ദൈര്‍ഘ്യം വര്‍ദ്ധിക്കുന്നു.

രോഗലക്ഷണങ്ങള്‍ പ്രകടം

എച്ച് ഐ വി ബാധിച്ചാല്‍ അതിന്റെ ആദ്യ ലക്ഷണങ്ങള്‍ ഉടന്‍ തന്നെ പുറത്തു വരും. എന്നാല്‍ അത് എയ്ഡ്‌സിലേക്കെത്തിയെങ്കില്‍ ജീവിതത്തിന്റെ അന്ത്യ നിമിഷങ്ങളായിരിക്കും പിന്നീട് കൂട്ട്. എയ്ഡ്‌സിലേക്കെത്തിയാല്‍ തുടര്‍ച്ചയായ പനി, വിട്ടുമാറാത്ത ചുമ, അനിയന്ത്രിതമായ ഭാരം കുറയല്‍ എന്നിവയുണ്ടാകും.

ചികിത്സയും ജീവിതദൈര്‍ഘ്യവും

ചികിത്സയും ജീവിത ദൈര്‍ഘ്യവും പലരിലും വ്യത്യാസപ്പെട്ടിരിക്കും. രോഗപ്രതിരോധ ശേഷി അനുസരിച്ചായിരിക്കും പലര്‍ക്കും ചികിത്സ ഫലിയ്ക്കുന്നത്. മാത്രമല്ല എയ്ഡ്‌സ് എന്ന അവസ്ഥയിലേക്കെത്തുമ്പോഴേയ്ക്കും ചികിത്സ ഫലിക്കാത്ത സ്ഥിതിയായിരിക്കും.