പുളിച്ചു തികട്ടലോ, പരിഹാരമുണ്ട്‌

1. ക്യാരറ്റ്

ക്യാരറ്റിന് ദഹനശേഷി മെച്ചപ്പെടുത്താനുള്ള കഴിവുണ്ട്. ഇത് പുളിച്ച് തികട്ടല്‍ ഭേദമാക്കുകയും ഉദരത്തിന്‍റെ ആരോഗ്യം മെച്ചപ്പെടുത്തുകയും ചെയ്യും. കൂടുതല്‍ ഫലം ലഭിക്കാന്‍ ക്യാരറ്റ്, വാഴപ്പഴം എന്നിവയുടെ സ്മൂത്തി തയ്യാറാക്കാം. ഇത് നന്നായി അരച്ച ശേഷം കുടിക്കുക.

2. പാലും തേനും

ചൂടുള്ള പാല്‍ കുടിക്കുന്നത് വയറുവേദനയ്ക്ക് ശമനം നല്കും. ഇത് ഉദരത്തിലെ പാളിയില്‍ കട്ടിയാവുകയും ഏമ്പക്കം തടയുകയും ചെയ്യും. തേനും ഉദരത്തിലെ ഭിത്തിയില്‍ പറ്റിപ്പിടിക്കുകയും ആശ്വാസം നല്കുകയും ചെയ്യും.

3. നാരങ്ങനീര്

നാരങ്ങയുടെ ആസിഡ് സ്വഭാവം ഫലം നല്കുമോയെന്ന് ആശയക്കുഴപ്പമുണ്ടാക്കാമെങ്കിലും ഇത് ഫലം നല്കുന്നതാണ്. നാരങ്ങയിലെ ആസിഡ് ശരീരത്തില്‍ ആല്‍ക്കലൈന്‍ അവശിഷ്ടങ്ങള്‍ രൂപപ്പെടാന്‍ സഹായിക്കും.

4. പെരുംജീരകം

വയറിന്‍റെ ചീര്‍ക്കല്‍, വയറുവേദന പോലുള്ള പ്രശ്നങ്ങളെ ഫലപ്രദമായി പരിഹരിക്കാന്‍ പെരുംജീരകത്തിന് കഴിവുണ്ട്. മികച്ച ഫലം ലഭിക്കാന്‍ പെരുംജീരകം കുതിര്‍ത്ത വെള്ളം കുടിക്കുക. ഇത് പുളിച്ച് തികട്ടലിന് വേഗത്തില്‍ ശമനം നല്കും.

5. ഇഞ്ചിനീര്

ഇഞ്ചി ദഹന എന്‍സൈമുകള്‍ ധാരാളമായി അടങ്ങിയതാണ്. ഇത് ദഹനത്തിന് ഏറെ സഹായിക്കും. ഭക്ഷണം ദഹിക്കാത്തത് മൂലം വയറ്റില്‍ ഗ്യാസ് രൂപപ്പെടുന്നത് തടയാനും ഇത് ഫലപ്രദമാണ്. നല്ല ഫലം ലഭിക്കാന്‍ അര ടീസ്പൂണ്‍ ഇഞ്ചി നീര് ഒരു ഗ്ലാസ്സ് ചെറുചൂടുള്ള വെള്ളത്തില്‍ ചേര്‍ത്ത് കഴിക്കുക.

6. കറുവപ്പട്ട ചായ

കറുവപ്പട്ട ചായ ഉദരത്തിന് സൗഖ്യം നല്കും. പഠനങ്ങള്‍ പ്രകാരം വയറിന്‍റെ ചീര്‍ക്കല്‍ തടയാനും ഇത് ഫലപ്രദമാണ്. ഒരു കപ്പ് തിളച്ച വെള്ളത്തില്‍ അര ടീസ്പൂണ്‍ കറുവപ്പട്ട പൊടിച്ചത് ചേര്‍ക്കുക. തണുക്കുമ്പോള്‍ ഇത് കുടിക്കുക.

7. പുതിന ചായ

പുളിച്ച് തികട്ടല്‍ മാറ്റാന്‍ കഴിവുള്ളതാണ് പുതിന. പുതിനയിലെ മെന്തോള്‍ ഘടകം ഫലപ്രദമായി പ്രവര്‍ത്തിക്കും. ഇത് ദഹനേന്ദ്രിയത്തിലെ പേശികള്‍ക്ക് ആശ്വാസം നല്കും. ഒരു കപ്പ് ചൂടുവെള്ളത്തില്‍ ഒരു ടീസ്പൂണ്‍ ഉണക്കിയ പുതിനയില ചേര്‍ത്ത് തെളി ഊറ്റിയെടുത്ത് ചൂടോടെ കുടിക്കുക.