കണ്ണില്‍ കരട് പോയാല്‍...

കണ്ണിന് ചെറിയ പരുക്കുകള്‍ സംഭവിക്കുന്നത് സാധാരണമാണ്. പ്രത്യേകിച്ച് പൊടിയും മറ്റും കണ്ണില്‍ വീഴുമ്പോള്‍. ഇത് സംഭവിക്കുമ്പോള്‍ നമ്മള്‍ വേഗത്തില്‍ ചെയ്യുന്ന ഒരു കാര്യം കണ്ണ് തിരുമ്മുന്നതാവും. കണ്ണിന് പരുക്കുകള്‍ പറ്റുമ്പോള്‍ ചെയ്യേണ്ടുന്ന പ്രഥമ ശുശ്രൂഷകള്‍ അറിഞ്ഞിരിക്കുന്നത് നല്ലതാണ്.

അന്യ വസ്തുക്കള്‍ കണ്ണില്‍ പോയാലുള്ള ലക്ഷണങ്ങള്‍ :

1. വേദനയ്ക്കൊപ്പം കുത്തുന്നത് പോലെയുള്ള തോന്നലുണ്ടാവും. കൂടെ കണ്ണിന് ചുവപ്പ് നിറമാവുകയും കണ്ണുനീര്‍ വരുകയും ചെയ്യും. എന്നാല്‍ ഇവ കമ്പുകളോ ചീളുകളോ അല്ലാത്തവ വഴിയുള്ള ചെറിയ പരുക്കുകളുടെ ലക്ഷണങ്ങളാണ്. എന്നാല്‍ ഇത് അടിയന്തിര ശ്രദ്ധ ആവശ്യമുള്ളതാണ്.

കണ്ണില്‍ കണ്ണില്‍ എന്തെങ്കിലും വീണാല്‍ എന്ത് ചെയ്യണം?

കണ്ണില്‍ വീണ വസ്തു നീക്കം ചെയ്യാനായി വെള്ളം ധാരാളമായി ഉപയോഗിച്ച് കഴുകുക. ഇത് കണ്ണില്‍ പുറമേ കിടക്കുന്നതാണെങ്കില്‍ കഴുകുന്നത് വഴി നീക്കം ചെയ്യാനാവും.

കണ്ണിന് തുടര്‍ന്നും അസ്വസ്ഥത അനുഭവപ്പെട്ടാല്‍ കണ്ണ് പൊതിഞ്ഞ ശേഷം ഒരു നേത്രരോഗ വിദഗ്ദനെ കാണുക. വസ്തുക്കള്‍ കണ്ണില്‍ അകപ്പെട്ടിട്ടുണ്ടെങ്കില്‍ ലോക്കല്‍ അനസ്തേഷ്യ നല്കി ഇത് നീക്കം ചെയ്യാനാവും.

ഇക്കാര്യത്തില്‍ ഡോ. വന്ദന ഖുല്ലാര്‍ ചില പ്രധാന കാര്യങ്ങള്‍ നിര്‍ദ്ദേശിക്കുന്നു :

1. കണ്ണ് തിരുമ്മരുത്.

2. കണ്ണില്‍ പോയ വസ്തു സ്വയം പുറത്തെടുക്കാന്‍ ശ്രമിക്കരുത്. അങ്ങനെ ചെയ്താല്‍ അത് കൂടുതല്‍ കുരുങ്ങിക്കിടക്കാനിടയാകും. കണ്ണില്‍ അന്യവസ്തുക്കള്‍ എങ്ങനെയാണ് കിടക്കുന്നത് എന്നത് പ്രധാനമാണ്. ഇത് കാഴ്ചയെ ബാധിക്കുന്നതാണ്.

3. പ്രതിവിധിയായി കണ്ണില്‍ ഐ ഡ്രോപ്പുകള്‍ ഉപയോഗിക്കരുത്.

4. ശുദ്ധജലം ഉപയോഗിച്ചല്ലാതെ വീട്ടില്‍ നിന്ന് സ്വയം കണ്ണ് കഴുകരുത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.