പുകവലി കൊണ്ട് ക്യാന്‍സര്‍ മാത്രമല്ല...

നിക്കോട്ടിന്‍ അമിതവണ്ണം വരുത്തുന്നു

സിഗരറ്റില്‍ അടങ്ങിയിട്ടുള്ള നിക്കോട്ടിന്‍ ആണ് പ്രധാനമായും അമിത വണ്ണത്തിനു കാരണം. ഇതൊരു ശീലമാവുമ്പോള്‍ നിക്കോട്ടിന്‍ ശരീരത്തിന്റെ പ്രവര്‍ത്തനങ്ങളെ താളം തെറ്റിക്കുന്നു. ഇതിലൂടെ അമിതവണ്ണം ഉണ്ടാവുന്നു.

അമിത പുകവലി

അമിതമായി പുകവലിക്കുന്നവരിലാണ് വണ്ണം കൂടുന്നതായി പഠനങ്ങള്‍ വ്യക്തമാക്കിയത്. 15 സിഗരറ്റ് ദിവസവും വലിക്കുന്നവരില്‍ സാധാരണ വണ്ണം കൂടുന്ന പ്രശ്‌നം ഉണ്ടാവുന്നില്ല, എന്നാല്‍ 25 സിഗരറ്റ് ദിവസവും ശീലമാക്കിയവരില്‍ വണ്ണം കൂടുന്നതായാണ് പഠനങ്ങള്‍ തെളിയിച്ചത്.

സ്ത്രീകള്‍ക്ക് സാധ്യത കൂടുതല്‍

സ്ത്രീകള്‍ക്കാണ് അമിത വണ്ണത്തിന് ഏറ്റവും കൂടുതല്‍ സാധ്യത ഉള്ളതായി കണ്ടെത്തിയത്. സ്ത്രീകളെ അപേക്ഷിച്ച് പുരുഷന്‍മാര്‍ക്ക് അമിതവണ്ണത്തിനുള്ള സാധ്യത കുറവാണ്.

ഭക്ഷണത്തോടുള്ള അമിതാര്‍ത്തി

അമിതമായി പുകവലിക്കുന്നവരില്‍ ഭക്ഷണത്തോടുള്ള ആര്‍ത്തിയും കൂടുതലായിരിക്കും. ഇതും വണ്ണം വര്‍ദ്ധിപ്പിക്കുവാനുള്ള ഒരു പ്രധാന കാരണമാണ് എന്ന് നിസ്സംശയം പറയാം.

മാനസിക പ്രശ്‌നങ്ങള്‍

ടെന്‍ഷന്‍ വരുമ്പോഴും മറ്റും സിഗരറ്റിന്റെ എണ്ണം കൂട്ടുന്നതും തടി കൂടാനുള്ള കാരണമായി കണക്കാക്കുന്നു. അതുകൊണ്ടു തന്നെ ഇത്തരത്തിലുള്ള പ്രശ്‌നങ്ങള്‍ പരമാവധി കുറയ്ക്കാന്‍ ശ്രമിക്കുന്നത് പുകവലിയെ തടയുകയും അമിതവണ്ണത്തെ ചെറുക്കുകയും ചെയ്യും.