കുട്ടികള്‍ക്കുള്ള ആരോഗ്യ ശീലങ്ങള്‍

By Super

Published: Thursday, September 10, 2015, 15:04 [IST]

ആരോഗ്യമുള്ള കുട്ടികള്‍ നല്ല ശീലങ്ങളുടെ ഫലമാണ്. അവര്‍ക്ക് രോഗങ്ങള്‍ കുറവായിരിക്കുകയും ശുദ്ധമായ ജീവിത ശൈലി പിന്തുടരുകയും ചെയ്യും. അവര്‍ അത്തരം ശീലങ്ങളെക്കുറിച്ച് എങ്ങനെയാണ് മനസിലാക്കുന്നത്?

ആരോഗ്യകരമായ ജീവിതത്തിനായി ചെറിയ പ്രായത്തില്‍ തന്നെ കുട്ടികള്‍ക്ക് നല്ല ശീലങ്ങള്‍ പഠിപ്പിച്ച് കൊടുക്കേണ്ടത് മാതാപിതാക്കളുടെ ചുമതലയാണ്. അങ്ങനെ കുട്ടികള്‍ക്ക് ആരോഗ്യത്തെ സംബന്ധിച്ച് അവബോധമുള്ള വ്യക്തികളായി വളര്‍ന്ന് വരാനാവും.

പൊതുവെ കാലാവസ്ഥയിലുള്ള ഓരോ വ്യതിയാനവും കുട്ടികളെ രോഗബാധിതരാക്കും. എന്നാല്‍ മുന്‍കരുതലുകളെടുത്താല്‍ രോഗബാധതക്കുള്ള സാധ്യത കുറയ്ക്കാനാവും. അത്തരം ചില കാര്യങ്ങള്‍ പരിചയപ്പെടുക.

കൈകള്‍ കഴുകുക

കൈകകള്‍ കഴുകുന്നതും അവ വൃത്തിയായി സൂക്ഷിക്കുന്നതും രോഗബാധക്കുള്ള സാധ്യത കുറയ്ക്കും.

വ്യായാമം

ചെറിയ രോഗങ്ങളെ തടയാന്‍ വ്യായാമങ്ങള്‍ സഹായിക്കും. വ്യായാമം കുട്ടിയുടെ ശരീരത്തിലെ രോഗത്തെ എതിരിടാനുള്ള സംവിധാനത്തെ സജീവമാക്കും. അലസരായിരിക്കാന്‍ അവരെ അനുവദിക്കരുത്.

മതിയായ ഉറക്കം

കുട്ടി നേരത്തെ ഉറങ്ങാന്‍ പോകുന്നുവെന്നും നന്നായി ഉറങ്ങുന്നുവെന്നും ഉറപ്പാക്കുക. ഉറക്കകുറവ് രോഗങ്ങളുണ്ടാക്കും.

പൊതുവായ സംരക്ഷണം

കണ്ണുകള്‍, മൂക്ക്, വായ എന്നിവ രോഗാണുക്കള്‍ ശരീരത്തിലേക്ക് പ്രവേശിക്കുന്ന മാര്‍ഗ്ഗമാണ്. കുട്ടി അഴുക്ക്പുരണ്ട കൈകൊണ്ട് മുഖത്ത് സ്പര്‍ശിക്കുന്നില്ല എന്ന് ഉറപ്പാക്കുക.