ആരോഗ്യകരമായ അഞ്ച് ഇന്ത്യന്‍ ചായകള്‍

ഏലയ്ക്ക ഇട്ട ചായ

ഏലയ്ക്ക ഒരു ഔഷധമൂല്യം കൂടിയ വസ്തുവാണെന്ന് പ്രത്യേകം പറയേണ്ടതില്ലല്ലോ. അപ്പോള്‍ പിന്നെ ആ ചായയുടെ ഗുണവും നമുക്ക് ഊഹിക്കാന്‍ കഴിയും. ദഹനപ്രക്രിയകളെ മെച്ചപ്പെടുത്തുവാനും ഏലയ്ക്ക സഹായിക്കും.

കറുവപ്പട്ട ചായ

സുഗന്ധവ്യഞ്ജനങ്ങളില്‍ പ്രസിദ്ധയാണ് കറുവപ്പട്ട. മാത്രമല്ല കറുവപ്പട്ടയില്‍ ധാരാളം ആന്റി ഓക്‌സൈഡുകള്‍ അടങ്ങിയിട്ടുണ്ട്. ഇത് കൊളസ്‌ട്രോളിനെ കുറയ്ക്കുകയും നമ്മുടെ ശരീരത്തെ വിഷമുക്തമാക്കുകയും ചെയ്യുന്നു.

കുങ്കുമം ചേര്‍ത്ത ചായ

കുങ്കുമപ്പൂവിനെക്കുറിച്ച് എല്ലാവരും കേട്ടു കാണും എന്നാല്‍ കുങ്കുമം ചായയില്‍ ചേര്‍ക്കുന്നതിനെക്കുറിച്ച് കേള്‍ക്കാന്‍ വഴിയില്ല. രുചി കുറച്ച് കടുപ്പമാണെങ്കിലും ഹൃദയസംബന്ധിയായ എല്ലാ പ്രശ്‌നങ്ങള്‍ക്കും പരിഹാരം നല്‍കും.

ജീരകച്ചായ

ഉറക്കക്കുറവിന് ഉത്തമ പരിഹാരമാണ് ജീരകച്ചായ. മാത്രമല്ല നമ്മുടെ ദേഷ്യത്തെ നിയന്ത്രിക്കുകയും എപ്പോഴും ഊര്‍ജ്ജസ്വലരായിട്ടിരിക്കാന്‍ സഹായിക്കുകയും ചെയ്യുന്ന ഒന്നാണ് ജീരകച്ചായ.

ജമന്തി ചായ

ജമന്തിപ്പൂവിനെക്കുറിച്ച് നമ്മള്‍ കേട്ടിട്ടുണ്ട്. എന്നാല്‍ ജമന്തിച്ചായ എന്നു പറയുമ്പോള്‍ പലരും നെറ്റി ചുളിക്കാം. പക്ഷേ രാത്രി ഭക്ഷണത്തിനു ശേഷം ജമന്തിച്ചായ കുടിയ്ക്കുന്നത് നമ്മുടെ മാനസിക സമ്മര്‍ദ്ദം കുറയ്ക്കുകയും ചര്‍മ്മസംബന്ധമായ പ്രശ്‌നങ്ങള്‍ക്ക് പരിഹാരം നല്‍കുകയും ചെയ്യും.