ശ്രദ്ധിക്കൂ ഈ ഹൃദയാഘാത ലക്ഷണങ്ങള്‍

നെഞ്ചിലുള്ള അസ്വസ്ഥതകള്‍

നെഞ്ചില്‍ ഇടയ്ക്കിടയ്ക്ക് വേദനയും അസ്വസ്ഥതയും അനുഭവപ്പെടുന്നുണ്ടെങ്കില്‍ അത് പലപ്പോഴും ഹൃദയാഘാത ലക്ഷണങ്ങളിലൊന്നായിരിക്കും. ഹൃദയ ധമനികളില്‍ കൊഴുപ്പ് അടിഞ്ഞു കൂടിയുണ്ടാകുന്ന തടസ്സമാണ് ഇത്തരത്തില്‍ പ്രശ്‌നം സൃഷ്ടിക്കുന്നത്.

വയറുവേദന

കാര്‍ഡിയാക് അറസ്റ്റ് ഉണ്ടാവുന്നതിനു മുന്‍പ് ശക്തമായ ഛര്‍ദ്ദിയും വയറുവേദനയും ഉണ്ടാവും. പലപ്പോഴും ദഹനപ്രശ്‌നമെന്ന കാരണത്താല്‍ ചികിത്സിക്കാതിരിക്കുന്നവരാണ് നമ്മളില്‍ പലരും.

വിയര്‍പ്പ് കൂടുതല്‍

വിയര്‍പ്പ് കൂടുതലാവുന്നതാണ് മറ്റൊരു ലക്ഷണം. ജോലി എടുക്കാതിരിക്കുന്ന അവസ്ഥയിലും വിയര്‍പ്പ് തുടരുകയാണെങ്കില്‍ അത് സൂക്ഷിക്കേണ്ടതാണ്.

വിട്ടു മാറാത്ത ചുമ

നാളുകളായി തുടരുന്ന ചുമ മാറുന്നില്ലെങ്കില്‍ അത് പലപ്പോഴും ഹൃദയാഘാതസൂചനയായി കണക്കാക്കാം. എന്നാല്‍ പലപ്പോഴും എല്ലാ ചുമയും ഹൃദയാഘാത സാധ്യതയായി തള്ളിക്കളയാന്‍ പറ്റില്ല.

അസാധാരണമായ കൈവേദന

പലപ്പോഴും നെഞ്ച് മുതല്‍ തോളുവരെ നീളുന്ന കൈവേദന ഹൃദയാഘാതത്തിന്റെ പ്രധാന ലക്ഷണങ്ങളില്‍ പെടുന്ന ഒന്നാണ്. ഇത് ആരംഭത്തില്‍ അവഗണിക്കുകയാണെങ്കില്‍ അതുണ്ടാക്കുന്ന പ്രത്യാഘാതം വളരെ വലുതായിരിക്കും.

പിന്‍കഴുത്തില്‍ വേദന

പുരുഷന്‍മാരേക്കാള്‍ കൂടുതലായി സ്ത്രീകളിലാണ് ഇത്തരത്തിലുള്ള ലക്ഷണങ്ങള്‍ കാണുന്നത്. എന്നാല്‍ ഇത്തരം വേദനകള്‍ പലപ്പോഴും അവഗണിക്കുകയാണ് പതിവ്.

ഹൃദയസ്പന്ദനം കൃത്യമല്ലാതെയാകുക

ഹൃദയസ്പന്ദനം കൃത്യമല്ലാതെയാവുക എന്നതാണ് ഏറ്റവും പ്രധാനപ്പെട്ട മറ്റൊരു ലക്ഷണം. എന്നാല്‍ ഉത്കണ്ഠാകുലമായ സമയങ്ങളില്‍ ഹൃദയസ്പന്ദന നിരക്ക് കൃത്യമല്ലാതാകുന്നതും സാധാരണമാണ്.

ശ്വാസതടസ്സം

ഹൃദയത്തിന് കൃത്യമായി രക്തമെത്തിക്കാനും പമ്പ് ചെയ്യാനും കഴിയാതെ വരുമ്പോഴാണ് ശ്വാസതടസ്സം ഉണ്ടാവുന്നത്. ഇത് ഹൃദയത്തിന് തടസ്സം സൃഷ്ടിക്കുന്നു.

തലകറക്കവും തളര്‍ച്ചയും

ചില ദിവസങ്ങളില്‍ കൂടുതലായി തളര്‍ച്ചയും തലകറക്കവും അനുഭവപ്പെടുന്നത് പലപ്പോഴും ഹൃദയാഘാത ലക്ഷണമായിരിക്കാം.