ശ്വാസകോശാര്‍ബുദം, ചില സത്യങ്ങള്‍

പ്രധാന കാരണം പുകവലി

ശ്വാസകോശാര്‍ബുദത്തിന്റെ പ്രധാന കാരണം പുകവലിയാണെന്നത് എല്ലാവര്‍ക്കുമറിയാം. ഏകദേശം 87 ശതമാനം ആളുകള്‍ക്കും പുകവലി മൂലമാണ് ശ്വാസകോശാര്‍ബുദം ബാധിയ്ക്കുന്നത്. എന്നാല്‍ ഇത് നമ്മളുപയോഗിക്കുന്ന സിഗരറ്റിനേയും നമ്മുടെ പ്രായത്തേയും അനുസരിച്ചായിരിക്കും ബാധിയ്ക്കുക എന്നത് മറ്റൊരു വസ്തുത.

പുകവലിക്കാത്തവരേയും വിടില്ല

പുകവലിക്കുന്നവരിലാണ് ശ്വാസകോശാര്‍ബുദം പിടിമുറുക്കുന്നതെങ്കിലും പുകവലിക്കാത്തവരേയും ക്യാന്‍സര്‍ വെറുതെ വിടില്ല. 10 മുതല്‍ 15 ശതമാനം പുകവലിക്കാത്തവരേയും ശ്വാസകോശാര്‍ബുദം പിടികൂടുന്നുണ്ട്.

അര്‍ബുദം രണ്ട് തരം

ശ്വാസകോശാര്‍ബുദം രണ്ട് തരത്തിലാണ് ഉണ്ടാവുക. 90 ശതമാനം ക്യാന്‍സറും നോണ്‍ സ്മാള്‍ സെല്‍ ടൈപ്പ് ക്യാന്‍സര്‍ ആണ്. ഇതില്‍ ക്യാന്‍സര്‍ കോശങ്ങള്‍ പെട്ടെന്ന് മറ്റു ഭാഗങ്ങളിലേക്ക് വ്യാപിക്കില്ല എന്നാല്‍ സ്മാള്‍ സ്‌മെല്‍ കാര്‍സിനോമ എന്നറിപ്പെടുന്ന ക്യാന്‍സര്‍ പെട്ടെന്ന് ശ്വാസകോശത്തിന്റെ മറ്റുഭാഗങ്ങളിലേക്ക് വ്യാപിക്കുന്നു.

ക്യാന്‍സര്‍ മുന്നറിയിപ്പ്

ക്യാന്‍സര്‍ മുന്നറിയിപ്പ് ഒരിക്കലും അവഗണിക്കരുത്. ശ്വാസമെടുക്കാനുള്ള തടസ്സം, അനിയന്ത്രിതമായി ഭാരം കുറയുക, രക്തത്തോടു കൂടിയുള്ള ചുമ തുടങ്ങിയ ലക്ഷണങ്ങള്‍ ഒരിക്കലും അവഗണിക്കാന്‍ പാടില്ല.

സി ടി സ്‌കാന്‍ ജീവന്‍ രക്ഷിക്കും

ഇത്തരത്തിലുള്ള ലക്ഷണങ്ങള്‍ കണ്ടെത്തിയാല്‍ ഉടന്‍ തന്നെ സി ടി സ്‌കാന്‍ നടത്തുക. ഇത് പലപ്പോഴും അപകടകരമായ അവസ്ഥയില്‍ നിന്ന് നമ്മെ രക്ഷപ്പെടുത്തും.

വൈദ്യശാസ്ത്രത്തിന്റെ പുരോഗതി

വൈദ്യശാസ്ത്രം അത്രയേറെ പുരോഗതിയിലാണ് ഇപ്പോഴുള്ളത്. അതുകൊണ്ടു തന്നെ ഒരിക്കലും രോഗനിര്‍ണയം നടന്നു കഴിഞ്ഞാല്‍ ചികിത്സിക്കാന്‍ മടി കാണിക്കരുത്. കീമോ തെറാപ്പിയും റേഡിയേഷനും ഉള്‍പ്പടെയുള്ള വിവിധ ചികിത്സാ രീതികള്‍ പ്രാവര്‍ത്തികമാക്കുക.

ഇനിയും വൈകിയിട്ടില്ല

രോഗം ബാധിച്ചാലും ഇല്ലെങ്കിലും പുകവലിയെന്ന ദു:ശ്ശീലത്തോട് വിട പറയുക. ഇല്ലെങ്കില്‍ ഇത് കാര്യങ്ങള്‍ കൂടുതല്‍ പ്രശ്‌നത്തിലാക്കുകയേ ഉള്ളൂ.