പ്രമേഹം വരുത്തും രോഗങ്ങള്‍!!

Published: Saturday, September 19, 2015, 12:26 [IST]

പലരും കരുതും, മധുരം കഴിയ്ക്കാന്‍ പാടില്ലെന്നതു മാത്രമാണ് പ്രമേഹം കൊണ്ടുള്ള പ്രശ്‌നമെന്ന്. എന്നാല്‍ പല ഗുരുതര ആരോഗ്യപ്രശ്‌നങ്ങളിലേയ്ക്കും വഴി വയ്ക്കുന്ന ഒന്നാണിത്. ഇതുകൊണ്ടാണ് സൈലന്റ് കില്ലര്‍ എന്ന പേരില്‍ പ്രമേഹം അറിയപ്പെടുന്നതും.

പ്രമേഹം വരുത്തി വയ്ക്കുന്ന പല ഗുരുരതമായ അസുഖങ്ങളുമുണ്ട്. ഇവയെക്കുറിച്ചു കൂടുതലറിയൂ,

ഹൃദയാഘാതത്തിനും സ്‌ട്രോക്കിനും

പ്രമേഹം പലപ്പോഴും ഹൃദയാഘാതത്തിനും സ്‌ട്രോക്കിനും കാരണമാകും. രക്തത്തിലെ ഗ്ലൂക്കോസ് കൂടുതന്നത് രക്തക്കുഴലുകളില്‍ കൊഴുപ്പടിഞ്ഞു കൂടാന്‍ ഇട വരുത്തും. ഹൃദയത്തിന് ആവശ്യമായ രക്തം ലഭിയ്ക്കാതെ വരും. സൈലന്റ് ഹാര്‍ട്ട് അറ്റാക്കാണ് പലപ്പോഴും പ്രമേഹരോഗികള്‍ക്കുണ്ടാവുകയെന്നതാണ് കൂടുതല്‍ അപകടം.

നാഡികള്‍ക്ക് ദോഷം

നാഡീവ്യൂഹങ്ങള്‍ക്കുണ്ടാകുന്ന പ്രശ്‌നമാണ് മറ്റൊരു അപകരം. രക്തപ്രവാഹം കുറയുന്നത് നാഡികള്‍ക്ക് ദോഷം വരുത്തും. ഇത് വേദനയും മരവിപ്പുമെല്ലാം ഉണ്ടാക്കും.

കിഡ്‌നി

കിഡ്‌നി പ്രശ്‌നങ്ങള്‍ക്കും പ്രമേഹം വഴിയൊരുക്കാറുണ്ട്. കിഡ്‌നിയാണ് ശരീരത്തിലെ ശുദ്ധീകരണ പ്രവര്‍ത്തനങ്ങള്‍ നിയന്ത്രിയ്ക്കുന്നത്. പ്രമേഹം ഈ പ്രവര്‍ത്തനങ്ങളെ തടസപ്പെടുത്തുന്നു.

മുറിവുകളുണങ്ങാന്‍ കൂടുതല്‍ സമയം

മുറിവുകളുണങ്ങാന്‍ കൂടുതല്‍ സമയം വേണ്ടി വരുന്നതാണ് മറ്റൊരു ദോഷം. ഇത് അണുബാധ പോലുളള പ്രശ്‌നങ്ങള്‍ക്ക് ഇട വരുത്തുന്നു.

അന്ധത

പ്രമേഹം കണ്ണിലെ റെറ്റിനയിലെ രക്തക്കുഴലുകളുടെ വലിപ്പം വര്‍ദ്ധിയ്ക്കാന്‍ ഇട വരുത്തും. ഇത് കാഴ്ചയശക്തിയ്ക്കു പ്രശ്‌നങ്ങളുണ്ടാക്കാം. അന്ധത, ഗ്ലൂക്കോമ, തിമിരം എന്നിവ പ്രധാന പ്രശ്‌നങ്ങളാണ്.