ആണ്‍പ്രജകളെ വയസ്സന്‍മാരാക്കും ഭക്ഷണങ്ങള്‍

മധുരം കുറയ്ക്കുക

പ്രമേഹമില്ല മറ്റസുഖങ്ങളില്ല എന്നു പറഞ്ഞ് മധുരം കൂടുതല്‍ കഴിച്ചാല്‍ മുത്തച്ഛനാവാന്‍ പിന്നെ അധികം കാലം കാത്തിരിക്കേണ്ടി വരില്ല. പ്രായക്കൂടുതല്‍ തോന്നിപ്പിക്കാന്‍ മിടുക്കനാണ് മധുരം എന്നത് സത്യം.

മദ്യം

മദ്യത്തിന്റെ ഉപയോഗം പരമാവധി കുറയ്ക്കുക. മുഴുവനായി നിര്‍ത്താന്‍ കഴിഞ്ഞില്ലെങ്കിലും ഇതിന്റെ ഉപഭോഗം കുറയ്ക്കുകയാണ് ആദ്യം ചെയ്യേണ്ട കാര്യം. ആരോഗ്യമുള്ള ശരീരത്തിനും ആരോഗ്യമുള്ള മനസ്സിനും മദ്യം ഉപേക്ഷിക്കുന്നതാണ് നല്ലത്. മദ്യം നമ്മുടെ തലച്ചോറിന്റെ പ്രവര്‍ത്തനത്തേയും സാരമായി തന്നെ ബാധിയ്ക്കുന്നു.

വൈന്‍

വൈന്‍ പ്രധാനമായും പണി തരുന്നത് നമ്മുടെ പല്ലിനാണ്. വൈനിന്റെ ഉപയോഗം പല്ലിനെ കേടു വരുത്തുകയും ഇനാമലിനെ ഇല്ലാതാക്കുകയും ചെയ്യുന്നു.

ഉപ്പുള്ള ഭക്ഷണങ്ങള്‍

ഉപ്പുള്ള ഭക്ഷണങ്ങളാണ് ഇത്തരത്തില്‍ ഒഴിവാക്കേണ്ട ഒന്ന്. കൂടുതല്‍ ഉപ്പ് നമ്മുടെ ഭക്ഷണത്തില്‍ ഉള്‍പ്പെടുത്തുമ്പോള്‍ ഇത് നമ്മെ പെട്ടെന്ന് ക്ഷീണിതനായി കാണപ്പെടാന്‍ സഹായകമാകും.

പ്രോസസ്സ്ഡ് മീറ്റ്

സള്‍ഫൈറ്റ്‌സും പ്രിസര്‍വേറ്റീവ്‌സും ധാരാളം അടങ്ങിയതാണ് പ്രോസസ്സ്ഡ് മീറ്റ്. ഇത് ശാരീരികോഷ്ണം വര്‍ദ്ധിപ്പിക്കുകയും പ്രായക്കൂടുതല്‍ തോന്നിപ്പിക്കുകയും ചെയ്യും.

എരിവുള്ള ഭക്ഷണങ്ങള്‍

എരിവുള്ള ഭക്ഷണങ്ങള്‍ കഴിയ്ക്കുന്നത് ആയുസ്സു കൂട്ടുമെന്ന് പഠനങ്ങള്‍ പറയുന്നു. എന്നാല്‍ പലപ്പോഴും ഇത്തരത്തിലുള്ള ഭക്ഷണങ്ങള്‍ കത്തിവെയ്ക്കുന്നത് നമ്മുടെ പ്രായത്തിന്റെ കാര്യത്തില്‍ കത്തി വെയ്ക്കുന്നതിന് തുല്യമാണ്.

റെഡ് മീറ്റ്

റെഡ് മീറ്റ് നമ്മുടെ ആരോഗ്യ കാര്യത്തില്‍ എത്രത്തോളം ദോഷമുണ്ടാക്കുമെന്നത് പറയാനാവാത്ത കാര്യമാണ്. ഇത് നമ്മുടെ ശരീരത്തില്‍ കൊളാജന്‍ ഉത്പാദിപ്പിക്കാനുള്ള ശ്രമത്തെ തടയുന്നു.

എനര്‍ജി ഡ്രിങ്ക്‌സ്

എനര്‍ജി ഡ്രിങ്കുകള്‍ ഒന്നും തന്നെ വിശ്വസിച്ച് ഉപയോഗിക്കാന്‍ പാടില്ലാത്തതാണ്. ഇത് നമ്മുടെ പല്ലിന്റെ ആരോഗ്യത്തേയും മാനസികാരോഗ്യത്തേയും തകര്‍ക്കുന്നു.

ഫ്രൈഡ് ഫുഡ്

എണ്ണയില്‍ വറുത്ത ഭക്ഷണങ്ങളെല്ലാം തന്നെ ചര്‍മ്മ പ്രശ്‌നങ്ങള്‍ക്ക് വഴിവെയ്ക്കും. ഇതും ശരീരത്തിലെ കൊളാജന്റെ ഉത്പാദനം തടയുന്നു.

കാപ്പിയെന്ന വില്ലന്‍

കാപ്പിയും ചായയും ഇഷ്ടപ്പെടാത്തവരുണ്ടാവില്ല. എന്നാല്‍ എപ്പോഴും കാപ്പി കുടിയ്ക്കുന്നത് ശരീരതത്ില്‍ നിര്‍ജ്ജലീകരണത്തിനുള്ള സാധ്യത ഉണ്ടാക്കും. ഇത് പലപ്പോഴും നമ്മളെ വയസ്സന്‍മാരാക്കും.

ജങ്ക്ഫുഡ്

ഇന്നത്തെ കാലത്ത് സമയമില്ലാത്തതിന്റെ പേരില്‍ പലരുടേയും ആശ്രയമാണ് ജങ്ക്ഫുഡ്. എന്നാല്‍ ഇതാണ് നമ്മളെ വയസ്സന്‍മാരാക്കുന്നതില്‍ ഏറ്റവും കൂടുതല്‍ പ്രശ്‌നക്കാര്‍.

കാര്‍ബോഹൈഡ്രേറ്റ്

കാര്‍ബോഹൈഡ്രേറ്റ് അടങ്ങിയ ഭക്ഷണങ്ങളെല്ലാം തന്നെ നമ്മുടെ ശരീരത്തെ പ്രശ്‌നത്തിലാക്കുന്നതാണ്. അമിതവണ്ണവും കലോറിയും എല്ലാം കൂടി നമ്മെ ശരിക്കും വയസ്സന്‍മാരാക്കും.