ഈ നുണകളെല്ലാം സത്യമാണോ?

കൂടുതല്‍ പണം മുടക്കി ഭക്ഷണം വേണ്ട

തടി കുറയ്ക്കാന്‍ വേണ്ടി കഷ്ടപ്പെടുന്നതിനിടയിലായിരിക്കും സുഹൃത്തുക്കള്‍ ഭക്ഷണകാര്യം പറയുന്നത്. എന്നാല്‍ അപ്പോള്‍ ഒഴിവാകാന്‍ പറയുന്നതായിരിക്കും ഇക്കാര്യം. ഇത്രയും പണം മുടക്കി താന്‍ ഭക്ഷണം കഴിക്കുന്നില്ലെന്നു പറഞ്ഞാല്‍ പിന്നെ പ്രശ്‌നമില്ലല്ലോ.

ഈ രുചി എനിക്കിഷ്ടമല്ല

തടി കുറയ്ക്കാനുള്ള നിതാന്ത പരിശ്രമത്തിനിടയിലായിരിക്കും ഇത്തരത്തിലുള്ള വാക്കുകള്‍ നാം കേള്‍ക്കേണ്ടി വരിക. എന്തുകൊണ്ടെന്നാല്‍ ആ ഭക്ഷണം കഴിച്ചാല്‍ തടി കൂടുമെന്നുള്ളതിനാല്‍ മാത്രമായിരിക്കും ഇഷ്ടപ്പെട്ട ഭക്ഷണമാണെങ്കിലും മനസ്സിന് നിയന്ത്രണം കൊടുക്കുന്നത്.

ജീന്‍സ് കഴുകിയപ്പോള്‍ ചുരുങ്ങിപ്പോയി

ജീന്‍സ് കഴുകിയപ്പോള്‍ ചുരുങ്ങിപ്പോയി അതുകൊണ്ട് പാകമാകുന്നില്ല എന്ന് സുഹൃത്തുക്കളോട് പറയാം. എന്നാല്‍ തന്റെ അമിത വണ്ണമാണ് ഇതിന് കാരണമെന്ന് പലപ്പോഴും മന:പൂര്‍വ്വം മറക്കുന്നു. ഒരു സമാധാനത്തിനായി.

ഇന്ന് ഐസ്‌ക്രീം കഴിക്കാം

ഇന്ന് ഈ ഐസ്‌ക്രീം കഴിക്കാം എന്തുകൊണ്ടെന്നാല്‍ കഠിനാധ്വാനം ചെയ്ത് അധിക കലോറികളെല്ലാം പൊയിരിക്കുന്നു. ഐസ്‌ക്രീം കഴിക്കാന്‍ വേണ്ടി നമ്മള്‍ നമ്മളോടു തന്നെ പറയുന്ന കള്ളം നോക്കിയേ.

അമിതവണ്ണത്തെക്കുറിച്ച് ആഴ്ചയവസാനം ആലോചിക്കേണ്ട

അമിതവണ്ണത്തെക്കുറിച്ച് ആഴ്ചയവസാനം എന്തിനു ചിന്തിക്കണം എന്ന് നമ്മള്‍ നമ്മോട് തന്നെ പറയുന്നു. കാരണം എന്നും ആരോഗ്യകരമായ ഡയറ്റ് എടുത്തിട്ട് ഇന്നൊരു ദിവസം അടിപൊളിയാക്കാം എന്ന് തോന്നുന്നതിനെ കുറ്റം പറയാന്‍ പറ്റില്ലല്ലോ.

ഈ തടി പാരമ്പര്യം

ഈ തടിയെക്കുറിച്ച് അധികം ചിന്തിക്കേണ്ട, കാരണം ഇത് പാരമ്പര്യമായി കിട്ടുന്ന തടിയാണ്. സമാധാനിക്കാന്‍ ഈ കാരണങ്ങളായാലും മതി. എന്തുകൊണ്ടെന്നാല്‍ അല്ലാത്ത പക്ഷം അിന്റെ മാനസിക വിഷമം നമ്മള്‍ തന്നെ അനുഭവിക്കണം എന്നുള്ളതാണ് സത്യം.

നൈറ്റ് ഷിഫ്റ്റ് ആണ് ജോലി

തടി കൂടുന്നതിന് കാരണം പറയാനാണെങ്കില്‍ ഇതും ഒരു കാരണമാണ്. അതായത് നമ്മള്‍ സ്ഥിരമായി പറയുന്ന നുണകളില്‍ ഇതും പെടുമെന്ന് സാരം. നമുക്ക് നമ്മളോട് തന്നെ നിരത്താന്‍ പറ്റിയ പ്രധാന കാരണം.

വൈന്‍ കഴിച്ചു അതിനാല്‍ തടി കുറയില്ല

ആരോഗ്യത്തിനു വേണ്ടി അതായത് ഹൃദയത്തിന്റെ ആരോഗ്യത്തിനു വേണ്ടി വൈന്‍ കഴിച്ചു അതുകൊണ്ടാണ് തടി കുറയാത്തതെന്നുള്ളതും നിര്‍ദോഷമായ ഒരു കള്ളമാണ്. എന്നാല്‍ ഇതിന്റെ സത്യാവസ്ഥ എന്താണെന്ന് പറഞ്ഞയാള്‍ക്കു മാത്രമല്ലേ അറിയൂ.