ബീച്ചിലൂടെ ഓടിയാല്‍......

കൂടുതലുള്ള കലോറി എരിച്ച് കളയുന്നു -

മൃദുവായ മണലിലൂടെ ഓടുന്നത് കൂടുതല്‍ കലോറി എരിച്ച് കളയാന്‍ സഹായിക്കും. മണലില്‍ കാലുകള്‍ ആഴ്ന്ന് പോവുകയും ഉറപ്പുള്ള പ്രതലത്തിലൂടെ ഓടുന്നതിനേക്കാള്‍ കരുത്ത് ആവശ്യമായി വരുകയും ചെയ്യുന്നതിനാലാണ് ഇത്.

അപകട സാധ്യത കുറവ്

മണലിലൂടെ ഓടുമ്പോള്‍ ബാലന്‍സ് ലഭിക്കുന്നതിന് പേശികളും സന്ധികളും കൂടുതല്‍ അധ്വാനിക്കേണ്ടതായി വരും. ഇത് ഓട്ടത്തിനിടെ സാധാരണ സംഭവിക്കാവുന്ന പരുക്കുകള്‍ ഒഴിവാക്കും. കടല്‍ത്തീരത്തെ മണലിലൂടെയുള്ള ഓട്ടത്തിനിടെ വീണാലും പരുക്കേല്‍ക്കാനുള്ള സാധ്യത കുറവാണ്.

കാലിന് വ്യായാമം

കടല്‍ത്തീരത്തുകൂടി കാറ്റിനെതിരെ ഓടുന്നത് നിങ്ങള്‍ക്ക് കരുത്ത് പകരുന്നതിനൊപ്പം കാലിന്‍റെ കരുത്തും സഹനശക്തിയും വര്‍ദ്ധിപ്പിക്കും.

സന്ധികളുടെ ആരോഗ്യം

കടല്‍ത്തീരത്തെ മൃദുവായ മണലിലൂടെ ഓടുന്നത് സന്ധികളുടെ ആരോഗ്യത്തിന് അനുയോജ്യമാണ്. ഇത് കാലിന്‍റെ മുട്ടിലുണ്ടാകുന്ന ദോഷകരമായ സമ്മര്‍ദ്ധത്തിന് ആശ്വാസം നല്കും.

മൂഡ് മെച്ചപ്പെടുത്തുക

ബീച്ചിലൂടെ തണുത്ത കാറ്റേറ്റ്, മനോഹരമായ കാഴ്ചകളും കണ്ട് ഓടുന്നത് നിങ്ങളുടെ മൂഡ് മെച്ചപ്പെടുത്തും. ആരോഗ്യകരമാണെന്ന് മാത്രമല്ല, മനസ് ശാന്തമാകാനും, വിഷാദം അകറ്റാനും ഇത് സഹായിക്കും.