പുറത്തു നിന്നും ഭക്ഷണം കഴിയ്ക്കുന്നത് അനാരോഗ്യകരം?

പുറത്തു നിന്നും ഭക്ഷണം കഴിയ്ക്കാന്‍ ഇഷ്ടപ്പെടുന്നവരാണ് പലരും. ചിലപ്പോള്‍ ഇഷ്ടമില്ലെങ്കിലും പുറത്തു നിന്നും കഴിയ്ക്കാന്‍ നിര്‍ബന്ധിതരാകുന്നവരുമുണ്ട്.

പുറമെയുള്ള ഭക്ഷണം സ്വാദില്‍ ചിലപ്പോള്‍ മികച്ചതാവും. എന്നാല്‍ ആരോഗ്യത്തിന് ഇത് നല്ലതാണോ എന്നതാണ് ചോദ്യം.

ടെസ്‌റ്റോസ്‌റ്റിറോണ്‍ ആരോഗ്യഗുണങ്ങള്‍

പുറമെയുള്ള ഭക്ഷണങ്ങള്‍ ആരോഗ്യത്തിന് നല്ലതല്ലെന്നു തന്നെയാണ് പറയേണ്ടത്. ഇതിനായി ചൂണ്ടിക്കാട്ടുവാന്‍ ചില കാരണങ്ങളുമുണ്ട്. ഇവയെന്തൊക്കെയെന്നു നോക്കൂ,

ധാരാളം കൊഴുപ്പും എണ്ണയും കലോറിയുമെല്ലാം കലര്‍ന്നതായിരിയ്ക്കും മിക്കവാറും പുറത്തെ ഭക്ഷണങ്ങള്‍. ഇവ ആരോഗ്യത്തിന് എത്രത്തോളം ദോഷം ചെയ്യുമെന്ന കാര്യം പറയേണ്ടതില്ലല്ലോ.

ഭക്ഷണം തയ്യാറാക്കാന്‍ ഉപയോഗിയ്ക്കുന്ന പച്ചക്കറികളും പഴവര്‍ഗങ്ങളുമെല്ലാം നല്ല രീതിയില്‍ കഴുകിയാവില്ല ഹോട്ടലുകളിലും മറ്റും ഉപയോഗിയ്ക്കുന്നത്. ഇത് രോഗങ്ങള്‍ ക്ഷണിച്ചു വരുത്തും. പ്രത്യേകിച്ച് ഇപ്പോഴത്തെ കാലത്ത് പച്ചക്കറികളിലെല്ലാം കെമിക്കലുകള്‍ കൂടുതല്‍ ഉപയോഗിയ്ക്കുന്ന സാഹചര്യത്തില്‍. ക്യാന്‍സര്‍ വരാനുള്ള ഒന്നാന്തരം കാരണമാണിത്.

പാചകഎണ്ണകള്‍ ആവര്‍ത്തിച്ചുപയോഗിയ്ക്കുന്നത് തികച്ചും അനാരോഗ്യകരം. പുറമെ നിന്നും തയ്യാറാക്കുന്ന ഭക്ഷണം ഇതേ രീതി ഉപയോഗിയ്ക്കുന്നതായിരിയ്ക്കുമെന്നു തീര്‍ച്ച. കൊളസ്‌ട്രോളും ക്യാന്‍സറുമെല്ലാം ഇത് വര്‍ദ്ധിപ്പിയ്ക്കും.

നോണ്‍ വെജിറ്റേറിയന്‍ ഭക്ഷണങ്ങള്‍ നല്ല രീതിയില്‍ വേവിച്ചുവെന്നു വരില്ല . ഇത് വയറിനു കേടാണ്. ആരോഗ്യത്തിന് ദോഷം വരുത്തും.

പല വിഭവങ്ങളിലും കൊഴുപ്പു കൂടുതലുള്ള നെയ്യും മറ്റു സാധനങ്ങളും കൃത്രിമ ഉല്‍പന്നങ്ങളുമെല്ലാം സ്വാദിനായി ഉപയോഗിയ്ക്കും. ഇതും നല്ലതല്ല..

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.