നൈറ്റ് ഷിഫ്റ്റ് ജോലികള്‍ ചെയ്യുമ്പോള്‍......

പകല്‍ ഉറക്കം

രാത്രിയില്‍ ഉറങ്ങാന്‍ സാധിച്ചില്ലെങ്കിലും ഉറക്കം ആരോഗ്യത്തിന് വളരെ പ്രധാനമാണ്. രാത്രി ഉറങ്ങാന്‍ സാധിച്ചില്ലെങ്കില്‍ പകരം പകല്‍ സമയം ഉറങ്ങുക.

ഭക്ഷണസമയവും ശീലവും

കൃത്യമായ ഭക്ഷണസമയവും ശീലവും പാലിയ്ക്കുക. രാത്രി ജോലിയുടെ മുഷിവകറ്റാന്‍ സ്‌നാക്‌സ് കഴിയ്ക്കുന്ന ശീലം വേണ്ട. പകരം ആരോഗ്യകരമായ സാലഡുകള്‍, ഫ്രൂട്‌സ് എ്ന്നിവ തെരഞ്ഞെടുക്കാം.

വെള്ളം

ധാരാളം വെള്ളം കുടിയ്ക്കുക. ശരീരത്തിന്റെ ശരിയായ പ്രവര്‍ത്തനത്തിനും രാത്രി ജോലിയിലെ ക്ഷീണമകറ്റാനും ഇത് സഹായിക്കും.

സ്‌ട്രെസ് ഫ്രീ

രാത്രി ജോലി ചെയ്യുമ്പോള്‍ സ്‌ട്രെസ് ഫ്രീ മനസ് സൂക്ഷിയ്ക്കുക. ഉറക്കക്കുറവും സ്‌ട്രെസും കൂടുതല്‍ ആരോഗ്യപ്രശ്‌നങ്ങളുണ്ടാക്കും.

നട്‌സ്

ജോലിയ്ക്കിടെ കൊറിയ്ക്കണമെന്നു നിര്‍ബന്ധമുണ്ടെങ്കില്‍ നട്‌സ് കഴിയ്ക്കാം. ഇത് ആരോഗ്യവും ഊര്‍ജവും നല്‍കും.

കാപ്പി

അധികം കാപ്പി കുടിയ്ക്കുന്നതു നല്ലതല്ലെങ്കിലും ഒ്‌രു കപ്പു കാപ്പിയാകാം. ജോലിയ്ക്കിടെ ഉറക്കം തൂങ്ങുന്നത് ഒഴിവാക്കാം.

കുളി

നൈറ്റ് ഷിഫ്റ്റിനിറങ്ങുന്നതിനു മുന്‍പ് കുളിച്ചു നോക്കൂ, കൂടുതല്‍ ഉന്മേഷം അനുഭവപ്പെടും.

അത്താഴം

അത്താഴം ലഘുവാകുന്നതാണ് നല്ലത്. പ്രത്യേകിച്ച് നൈറ്റ് ഷിഫ്റ്റ് ചെയ്യുന്നവര്‍ക്ക്. ഉറക്കം തൂങ്ങുന്നത് ഒഴിവാക്കാനും വയറിന്റെ ആരോഗ്യത്തിനും ഇത് ഗുണം ചെയ്യും.

വ്യായാമം

വ്യായാമം ശീലമാക്കുക. ഇത് ആരോഗ്യപ്രശ്‌നങ്ങള്‍ തടയുക മാത്രമല്ല, ഊര്‍ജവും നല്‍കും.

പാട്ടു കേള്‍ക്കാം

ജോലിയ്ക്കിടെ പാട്ടു കേള്‍ക്കാനുള്ള സാഹചര്യമുണ്ടെങ്കില്‍ ഇത് ഉന്മേഷം ലഭിയ്ക്കാനുള്ള നല്ലൊരു വഴിയാണ്.

വെളിച്ചം

നല്ല വെളിച്ചമുള്ളിടത്തിരുന്നു ജോലി ചെയ്യുക. ഉറക്കം തൂങ്ങല്‍ ഒഴിവാക്കാന്‍ ഇത് സഹായിക്കും.