തടി കുറയ്ക്കാന്‍ കളര്‍ തെറാപ്പി

Published: Monday, July 14, 2014, 12:30 [IST]

തടി കുറയ്ക്കാന്‍ വഴികള്‍ പലതുമുണ്ട്. ഡയറ്റിംഗും വ്യായാമവുമാണ് പ്രധാനമെങ്കിലും ഇതല്ലാതെയും ചില ടെക്‌നിക്കുകളുണ്ട്.

കളര്‍ തെറാപ്പി ഇത്തരമൊന്നാണ്. തടി കുറയ്ക്കാന്‍ സഹായിക്കുന്ന പല മാര്‍ഗങ്ങളിലൊന്ന്. ക്രോമോതെറാപ്പി എന്നും ഇത് അറിയപ്പെടുന്നുണ്ട്. ഇത് തടി കുറയ്ക്കാനുള്ള പുതിയ ടെക്‌നിക്കല്ല. 4000 വര്‍ഷത്തോളം പഴക്കമുള്ള ഒന്നാണ്.

കളറും ലൈറ്റും ഉപയോഗിച്ച് ശരീരത്തിലെ ബാലന്‍സ് ക്രമപ്പെടുത്തിയാണ് ഇതു ചെയ്യുന്നത്.

തടി കുറയ്ക്കുന്നതിനു പുറമെ ആസ്തമ, വാതം, ഡിപ്രഷന്‍, ദഹനസംബന്ധമായ പ്രശ്‌നങ്ങള്‍, ചര്‍മരോഗങ്ങള്‍, പനി തുടങ്ങിയ പല പ്രശ്‌നങ്ങളും പരിഹരിയ്ക്കാന്‍ കളര്‍ തെറാപ്പി ഉപയോഗിയ്ക്കാറുണ്ട്.

കളര്‍ തെറാപ്പിയിലെ ഏതൊക്കെ നിറങ്ങളാണ് തടി കുറയ്ക്കാന്‍ സഹായിക്കുകയെന്നറിയൂ.

നീല

കളര്‍ തെറാപ്പി പ്രകാരം നീല നിറം വിശപ്പു നിയന്ത്രിയ്ക്കാന്‍ സഹായിക്കും. റെഫ്രിജറേറ്ററില്‍ നീല നിറത്തിലെ പ്രകാശം തരുന്ന ബള്‍ബ് ഇടുന്നതാണ് ഒരു വഴിയായി പറയുന്നത്.

മഞ്ഞ

മഞ്ഞ നിറവും കളര്‍ തെറാപ്പി പ്രകാരം തടി കുറയ്ക്കാന്‍ സഹായിക്കുന്ന ഒന്നാണ്. മഞ്ഞ നിറത്തിലെ സണ്‍ഗ്ലാസ് ധരിയ്ക്കുക. ഇത് ഡയറ്റ് കൃത്യമായി പാലിക്കാന്‍ സഹായിക്കുമത്രെ.

ചുവപ്പ്

ചുവപ്പ് ശരീരത്തിന്റെ അപചയപ്രക്രിയ ശരിയായി നടക്കാന്‍ സഹായിക്കും. ചുവപ്പിനെ വീക്ഷിയ്ക്കുന്നത് ഗുണം ചെയ്യും. ചുവപ്പു നിറത്തിലെ പ്ലേറ്റില്‍ ഭക്ഷണമെടുക്കുന്നത് കുറച്ചു മാത്രം കഴിയ്ക്കാന്‍ സഹായിക്കും.