തുളസിയുടെ ആരോഗ്യഗുണങ്ങള്‍

ഹിന്ദുമതത്തില്‍ പുണ്യമായി കണക്കാക്കുന്ന ഒരു സസ്യമാണ് തുളസി. ഇതുകൊണ്ടുതന്നെ പൂജകള്‍ക്കും മറ്റും പ്രധാനമായി ഉപയോഗിയ്ക്കുന്ന ഒന്നും.

തുളസിയ്ക്ക് ധാരാളം ആരോഗ്യഗുണങ്ങളുമുണ്ട്. ഇതുകൊണ്ടുതന്നെ ആയുര്‍വേദ ചികിത്സയില്‍ ഇതിന് പ്രാധാന്യവുമേറുന്നു.

തുളസിയുടെ പ്രധാനപ്പെട്ട ചില ആരോഗ്യഗുണങ്ങളെക്കുറിച്ചറിയൂ,

തുളസി രക്തം ശുദ്ധീകരിയ്ക്കും. ഇതുകൊണ്ടുതന്നെ ചര്‍മത്തിനു തിളക്കം നല്‍കാനും രക്തജന്യ രോഗങ്ങള്‍ ഒഴിവാക്കാനും സഹായിക്കുകയും ചെയ്യും. മുഖക്കുരു പോലുള്ള പ്രശ്‌നങ്ങള്‍ വരുന്നതു തടയാനും തുളസിയ്ക്കാവും. മുഖക്കുരുവിനു മുകളില്‍ തുളസി അരച്ചിടുന്നതും നല്ലതാണ്. ദിവസവും അല്‍പം തുളസിയിലകള്‍ കടിച്ചു ചവച്ചു തിന്നാല്‍ രക്തം ശുദ്ധീകരിയ്ക്കപ്പെടും. ശരീരത്തിലെ രക്തപ്രവാഹം വര്‍ദ്ധിയ്ക്കും.

സ്‌ട്രെസ് കുറയ്ക്കുവാന്‍ സഹായിക്കുന്ന ഒന്നാണ് തുളസി. സ്‌ട്രെസ് കുറയ്ക്കുവാന്‍ പുക വലിയ്ക്കുന്നവരുണ്ട്. ഇത്തക്കാര്‍ക്ക് തുളസി കഴിയ്ക്കുന്നതു ഗുണം ചെയ്യും. നിക്കോട്ടിന്‍ ശരീരത്തിനു വരുത്തുന്നു ദൂഷ്യഫലങ്ങള്‍ ഒഴിവാക്കാനും തുളസി സഹായകമാണ്. ഇതില്‍ ആന്റിഓക്‌സിഡന്റുകള്‍ അടങ്ങിയിട്ടുണ്ട്.

യൂജിനോള്‍ എന്നൊരു ഘടകം തുളസിയില്‍ അടങ്ങിയിട്ടുണ്ട്. ഇത് ഹൃദയാരോഗ്യത്തിന് സഹായകമാണ്. ബിപി കുറയ്ക്കാനും ഇതു സഹായിക്കും.

കോള്‍ഡ്, പനി തുടങ്ങിയ രോഗങ്ങള്‍ക്കുള്ള നല്ലൊരു പ്രകൃതിദത്ത ഔഷധമാണ് തുളസി. ഇതിന് ആന്റിബാക്ടീരിയല്‍, ആന്റ്ിഫംഗല്‍ ഗുണങ്ങളുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.