ആഹ്ലാദപൂര്‍ണ്ണമായ ജീവിതത്തിന്...!

ഭക്ഷണക്രമം

അടുത്തകാലത്ത് നടത്തിയ പഠനങ്ങളനുസരിച്ച് പ്രഭാത ഭക്ഷണത്തില്‍ പ്രോട്ടീന്‍ ധാരാളമായി ഉള്‍പ്പെടുത്തുന്ന സ്ത്രീകള്‍ വൈകുന്നേരം ഉയര്‍ന്ന അളവില്‍ കൊഴുപ്പും, പഞ്ചസാരയും അടങ്ങിയ ഭക്ഷണം കഴിക്കാന്‍ സാധ്യത കുറവാണ്. മുട്ടയില്‍ പ്രോട്ടീന്‍ ധാരാളമായി അടങ്ങിയിരിക്കുന്നു. മുട്ടയുടെ മഞ്ഞക്കരുവില്‍ ധാരാളമായി അടങ്ങിയിരിക്കുന്ന വിറ്റാമിന്‍ ബി മാനസിക നിലയെ നിയന്ത്രിക്കാന്‍ സഹായിക്കും.

വ്യായാമം

വ്യായാമങ്ങള്‍ ഏറെ പ്രധാനപ്പെട്ടവയാണ്. രാവിലെ ജോഗിങ്ങിനോ, നടത്തത്തിനോ പോകുന്നത് ശരീരത്തിന് ഊര്‍ജ്ജം പകരുന്നതിനൊപ്പം മാനസികസുഖവും പ്രദാനം ചെയ്യും. അതിനാല്‍ പ്രഭാതത്തിലെ നടത്തം പതിവാക്കുക. ഇതുവഴി ദിവസം മുഴുവന്‍ ഊര്‍ജ്ജസ്വലതയോടെയിരിക്കാനാവും.

സൂര്യപ്രകാശം

സൂര്യപ്രകാശം ശരീരത്തിലേല്‍ക്കുന്നത് തടയാന്‍ എസ്.പി.എഫ് അടങ്ങിയ സണ്‍സ്ക്രീന്‍ ലോഷനോ, ക്രീമോ പുരട്ടുക. ഇത് സൂര്യപ്രകാശമേറ്റുള്ള കരുവാളിപ്പ് തടയും. വേനല്‍ക്കാലത്ത് ചര്‍മ്മസംരക്ഷണം പ്രധാനപ്പെട്ട കാര്യമാണ്.

അമിതഭക്ഷണം വേണ്ട

വീട്ടിലായാലും ജോലി സ്ഥലത്തായാലും ദാഹം അനുഭവപ്പെടുമ്പോള്‍ അതിനെ വിശപ്പായി കണക്കാക്കാറുണ്ടാകും. ധാരാളം വെള്ളം കുടിക്കുക. കഫീന്‍ അടങ്ങിയ പാനീയങ്ങള്‍ ഒഴിവാക്കുക. ഇവ വിശപ്പ് കുറയ്ക്കാന്‍ സഹായിക്കും.

ച്യുയിങ്ങ് ഗം

മാനസിക സമ്മര്‍ദ്ധം അനുഭവപ്പെടുമ്പോള്‍ പഞ്ചസാര ചേരാത്ത ച്യുയിങ്ങ്ഗം ചവയ്ക്കുന്നത് ഉന്മേഷം നല്കും. ച്യുയിങ്ങ് ഗം ചവക്കുന്നത് വഴി ശബ്ദശല്യം കൊണ്ട് തലച്ചോറിനുണ്ടാകുന്ന അസ്വസ്ഥത കുറയ്ക്കാനാവുമെന്ന് പഠനങ്ങള്‍ പറയുന്നു.

കാറിലെ ഇരിപ്പ്

കാറോടിക്കാന്‍ ഡ്രൈവറുണ്ടെങ്കില്‍ പിന്‍ സീറ്റിലിരിക്കുമ്പോള്‍ ഒരു ടവ്വല്‍ ചുരുട്ടി നടുഭാഗത്തായി വെയ്ക്കുക. ഇത് കുനിഞ്ഞിരിക്കുന്നത് ഒഴിവാക്കാന്‍ സഹായിക്കും. ഇത് വഴി നടുവ്, കഴുത്ത് വേദനകള്‍ തടയാനുമാകും.

ഭക്ഷണം

വിറ്റാമിന്‍ എ, ‍ഡി, ഇ, കെ എന്നിവ ശരീരത്തില്‍ ആഗിരണം ചെയ്യപ്പെടാന്‍ കൊഴുപ്പ് ആവശ്യമാണ്. വൈകുന്നേരം കഴിക്കുന്ന ഭക്ഷണത്തിലാവും ഇത് കൂടുതലുണ്ടാവുക. ഡോക്ടറോട് നിങ്ങളുടെ വിറ്റാമിന്‍ ഡിയുടെ അളവ് പരിശോധിക്കാന്‍ ആവശ്യപ്പെടാം. ചിലപ്പോള്‍ സപ്ലിമെന്‍റ് കഴിക്കേണ്ടതായി വരാം.

പാദസംരക്ഷണം

കിടക്കുന്നതിന് മുമ്പായി പാദങ്ങള്‍ 15 മിനുട്ട് ചൂടുവെള്ളത്തില്‍ വെയ്ക്കുക. ഇങ്ങനെ ചെയ്യുന്നത് വേദന അകറ്റുകയും, റിലാക്സ് ചെയ്യുകയും ചെയ്യും. ഇതിന് ശേഷം ക്രീമുകളോ, ലോഷനുകളോ തേച്ച് ചര്‍മ്മത്തിനെ നനവുള്ളതാക്കി നിര്‍ത്താം.

ഉറക്കമുണരല്‍

രാവിലെ ഉറക്കമുണരാനായി വെച്ച അലാറം നിര്‍ത്താന്‍ എഴുന്നേല്‍ക്കേണ്ടി വന്നാല്‍ അത് ഉറക്കം മാറാന്‍ സഹായിക്കും. രാവിലെ വൈകി എഴുന്നേല്‍ക്കുന്നത് ക്ഷീണവും അലസതയും തോന്നാനിടയാക്കും. അതിനാല്‍ തന്നെ നേരത്തേ എഴുന്നേല്‍ക്കുന്നത് ശീലമാക്കുക.